سال کے پہلے گرینڈ سلیم کے دوسرے راؤنڈ میں داخلہ حاصل کیا۔ ۳۵؍ سال بعد یہ کارنامہ انجام دینے والے ہندوستانی۔

ہندوستان کے اسٹار ٹینس نوجوان کھلاڑی سمیت ناگل نے آسٹریلین اوپن کے مین ڈراکے پہلے راؤنڈ میں کامیابی حاصل کرکے تاریخ رقم کی ہے۔ وہ پہلے ہی راؤنڈ کی مشکل رکاوٹ کو عبور کر کے دوسرے راؤنڈ میں جگہ بنا چکے ہیں ۔ناگل نے ۲۷؍ ویں رینک کے الیگزینڈر بوبلک کو لگاتار ۳؍ سیٹوں میں شکست دے کر باہر کا راستہ دکھایا ہے۔ سمیت نے الیکزینڈرکو ۴۔۶، ۲۔۶، ۶۔۷؍ سے شکست دی ہے۔ یہ پہلا موقع ہے جب ناگل نے آسٹریلین اوپن کے دوسرے راؤنڈ میں جگہ بنائی ہے۔
 ہندوستانی اسٹار سمیت نے پہلے ۲؍ سیٹوں میں الیگزینڈر کو۴۔۶، ۲۔۶؍ سے شکست دی۔ ناگل نے پہلے دو سیٹ یکطرفہ طور پر جیتے لیکن تیسرا سیٹ جیتنے کے لئے انہیں کافی پسینہ بہانا پڑا۔ ناگل نے تیسرے سیٹ میں اسے ۶۔۷؍ سے شکست دے کر میچ جیت لیا۔ اس کے ساتھ ہی ان کا فاتحانہ سفر جاری ہے۔ آپ کو بتاتے چلیں کہ وہ فائنل کوالیفائنگ راؤنڈ جیت کر مین ڈرا میں پہنچے تھے۔ اس سفر میں انہوں نے اب تک ایک بھی سیٹ نہیں گنوایا ہے۔ سمیت ناگل نے ببلک پر فتح کے ساتھ تاریخ رقم کی ہے۔ ۱۳۷؍ ویں نمبر کے سمیت ۱۹۸۹ء کے بعد سے پہلے ہندوستانی بن گئے ہیں جنہوں نے کسی گرینڈ سلیم میں کسی سیڈ کھلاڑی کو شکست دی۔ ۱۹۸۹ء کے آسٹریلین اوپن میں ، رمیش کرشنا نے ٹاپ رینک والے میٹ وائلڈر کو شکست دی تھی۔