اسٹار فٹبالر نے کہاکہ چیزیں کیسی رہتی ہیں اس کے مطابق ہی میں ۲۰۲۶ء کا عالمی کپ کھیل سکتاہوں

ارجنٹائنا کو فیفا ورلڈکپ۲۰۲۲ء جتانے والے اسٹار لیونل میسی نے انکشاف کیا ہے کہ’’ اب نہیں سوچتا کہ ملک کی ایک اور عالمی کپ کھیلوں گا۔
 منگل کو چینی میڈیا کو دیئے جانےوالے  انٹرویو میں لیونل میسی نے کہا کہ پہلے بھی کئی بار کہا ہے کہ مجھے ایسا نہیں لگتا کہ ۲۰۲۲ء میرا آخری ورلڈکپ تھا، تاہم ممکن ہے کہ شمالی امریکہ میں (۲۰۲۶ء) کے ٹورنامنٹ میں شرکت کرسکتا ہوں، دیکھوں گا چیزیں کیسے کام کرتی ہیں لیکن مجھے نہیں لگتا میں اگلا ورلڈکپ کھیل سکتا ہوں۔
 ؍۷ بار بیلون ڈی اور ایوارڈ جیتنے والے لیونل میسی اس وقت چین کے درالحکومت بیجنگ میں آسٹریلیا کے خلاف دوستانہ میچ کیلئے موجود ہیں، دونوں ٹیمیں جمعرات کو مدمقابل آئیں گی۔ قبل ازیں ارجنٹائنا کے اخبار اولے نے رپورٹ کیا تھا کہ میسی کا اگلا ورلڈکپ میں کھیلنا ’’بہت مشکل‘‘ہوگا، کیونکہ وہ ٹورنامنٹ تک۳۹؍ برس کے ہوجائیں گے۔
 اسٹار فٹبالر نے گزشتہ ہفتے اعلان کیا تھا کہ وہ پیرس سینٹ جرمن (پی ایس جی) کے ساتھ۲؍ سالہ معاہدہ ختم ہونے کے بعد امریکی کلب انٹرمیامی کو جوائن کررہے ہیں۔ارجنٹائنا کے کپتان لیونل میسی بیجنگ کے۶۸؍ ہزار فٹبال شائقین کی گجائش رکھنے والے اسٹیڈیم میں آسٹریلیا کے خلاف ان ایکشن نظر آئیں گے۔ خیال رہے کہ لیونل میسی نے اپنے طویل کریئر میں کبھی کوئی بڑا خطاب نہیں جیتا تھا۔ لیکن گزشتہ قطر میں ہونے والے ورلڈ کپ میں کامیابی کے ساتھ ان کا ورلڈ کپ جیتنے کا خواب بھی پورا ہوگیا تھا۔  فٹبال کے اگلے سیزن میں وہ امریکی لیگ میں کھیلتے ہوئے نظر آئیں گے جس کیلئے انہوں نے انٹر میامی میں شمولیت اختیار کی ہے۔