لارڈس ٹیسٹ میچ جیتنے کے بعد پُرجوش ٹیم انڈیا تیسرا ٹیسٹ میچ کھیلنے کے لیے اتوار کو ہیڈنگلے (لیڈس) پہنچ گئی تھی اور اس نے زوردار پریکٹس بھی شروع کر دی ہے۔ بی سی سی آئی نے ٹویٹر پر کھلاڑیوں کی تصاویر شیئر کرتے ہوئے یہ معلومات دی۔

 لارڈس ٹیسٹ میچ جیتنے کے بعد پُرجوش ٹیم انڈیا تیسرا ٹیسٹ میچ کھیلنے کے لیے اتوار کو ہیڈنگلے (لیڈس) پہنچ گئی تھی اور اس نے  زوردار  پریکٹس بھی شروع کر دی ہے۔ بی سی سی آئی نے ٹویٹر پر کھلاڑیوں کی تصاویر شیئر کرتے ہوئے یہ معلومات دی۔ ہندوستانی ٹیم ۵؍ میچوں کی ٹیسٹ سیریز میں  صفر۔ایک سے آگے ہے اور کپتان وراٹ کوہلی اگلے میچ میں بھی کامیابی حاصل کرنا چاہیں گے۔ ٹیم انڈیا کھیل کے ہر پہلو میں انگلینڈ سے بہتر نظر آرہی ہے ، تاہم ایک چیز جو مہمان ٹیم کے حق میں نہیں ہے وہ یہ ہے کہ موجودہ ٹیم کے کسی بھی کھلاڑی کو ہیڈنگلے میں کھیلنے کا تجربہ نہیں ہے۔ فی الحال ٹیم انڈیا کے سینئر کھلاڑیوں میں وراٹ کوہلی ، روہت شرما ، اجنکیا رہانے ، چتیشور پجارا ، ایشانت شرما ، محمدسمیع اور آر اشون شامل ہیں۔ ان میں سے کسی کو ہیڈنگلے میں ٹیسٹ کھیلنے کا تجربہ نہیں ہے۔ ہیڈنگلے میں ہندوستان اور انگلینڈ کے درمیان آخری ٹیسٹ میچ۱۹؍ سال قبل۲۰۰۲ء  میں کھیلا گیا تھا۔ اس وقت موجودہ ٹیم کا کوئی کھلاڑی ٹیم انڈیا کا حصہ نہیں تھا۔ اس طرح ہندوستانی ٹیم کا ہر کھلاڑی پہلی بار انگلینڈ کے خلاف ہیڈنگلے میں ایک ٹیسٹ میچ کھیلے گا۔ حالانکہ لارڈس ٹیسٹ جیتنے کے بعد سبھی کھلاڑی پُر جوش ہیں۔