اب سےٹھیک۱۰؍ دن بعد۲۸؍ مارچ کی شام کو جب بنگلور کے ایم چناسوامی اسٹیڈیم میں ٹاس کے لیے سکہ  اچھالاجائے گا، ہندوستان نہ صرف ایک ٹورنامنٹ، بلکہ ایک تہوار کے آغاز کا مشاہدہ کرے گا۔ آئی پی ایل کا۱۹؍ واں سیزن اپنے سب سے بڑے اور طویل ترین اوتار میں ہمارے سامنے آرہا ہے۔ یہ سیزن گزشتہ۱۸؍سال کی تاریخ سے مختلف ہے۔اس بار۱۰؍ ٹیموں کے درمیان مجموعی طور پر۸۴؍میچ کھیلے جائیں گے جو اسے اب تک کا طویل ترین سیزن بنائے گا۔ اس سے پہلے، میچوں کی زیادہ سے زیادہ تعداد۷۴؍ تھی۔۱۰؍ ٹیمیں ملک بھر کے۱۳؍ مختلف مقامات پر۶۴؍ دن ک کرکٹ کاجوش نظر آئے گا۔ تمام۱۰؍ ٹیموں نے نئے سیزن کے لیے تیاریاں تیز کر دی ہیں اور کھلاڑی پری سیزن ٹریننگ کیمپ کے ذریعے میچ موڈ میں آنے کی کوشش کر رہے ہیں۔ آئی پی ایل ورلڈ کپ ختم ہونے کے صرف۲۰؍ دن بعد شروع ہو رہا ہے۔ اس کے نتیجے میں، بی سی سی آئی اور آئی پی ایل فرنچائزز کئی اہم کھلاڑیوں کے کام کے بوجھ پر گہری نظر رکھے ہوئے ہیں۔

چنئی کے کپتان رتوراج،سینئر کھلاڑی دھونی اور کئی دوسرے کھلاڑیوں نے یکم مارچ کو نیولور کے ہائی پرفارمنس سینٹر میں ٹریننگ شروع کی۔ اسی دوران آر سی بی نے اپنا کیمپ۱۰؍ فروری کو شروع کیا جس میں جیتیش، وینکٹیش اور سویش شرما جیسے کھلاڑی شریک ہوئے۔۱۶؍ فروری سے ناتھ دوارا میں منعقد ہونے والے گجرات کے کیمپ میں کپتان شبھ من اور سائی سدرشن شامل تھے ۔ ٹیم نے جنوری میں کیمپ بھی لگائے۔ پنجاب کنگز نے۸؍ سے۱۴؍ فروری تک ابوظہبی میں ڈیرے ڈالے۔ ٹیم کا دوسرا کیمپ بھی شروع ہو گیا ہے۔ لکھنؤ نے اپنے تیز گیند بازوں کو ڈربن بھیجا ہے۔ اب مرکزی کیمپ لکھنؤ میں شروع ہو گیا ہے۔ سن رائزرس حیدرآباد، ممبئی، راجستھان، کے کے آر اور دہلی کے کیمپ بھی شروع ہوچکے ہیں۔

آئی پی ایل کی۱۹؍  سالہ تاریخ میں تین ایسے چہرے ہیں جنہوں نے اس لیگ کوایک ثقافت میں تبدیل کر  دیا ہے۔ یہ ایم ایس دھونی، روہت شرما، اور وراٹ کوہلی ہیں۔ یہ تینوں کا ایک ساتھ کھیلنے کا آخری سیزن ہو سکتا ہے۔

چنئی کے ’تھالا‘ نے چند ہفتے قبل ایم اے چدمبرم اسٹیڈیم میں پریکٹس شروع کی تھی۔ یہ سیزن۴۴؍سالہ دھونی کا الوداعی سیزن ہو سکتا ہے۔ تاہم، ان کی فٹ نس اور لمبے چھکے بتاتے ہیں کہ وہ اب بھی کسی بھی نوجوان کھلاڑی کو پیچھے چھوڑ سکتے ہیں۔ ذرائع کے مطابق وہ اس بار زیادہ امپیکٹ پلیئر  بن سکتے ہیں۔

 

 

ممبئی انڈینس کے روہت شرما کیمپ میں شامل ہو گئے ہیں اور پریکٹس کے دوران نیٹ پر اپنے جارحانہ انداز کا مظاہرہ کر رہے ہیں۔ اس نے اپنے سگنیچر پل شاٹ اور بڑے شاٹس کی مشق کی۔ ذرائع کے مطابق انہوں نے لیگ سے قبل۱۱؍ کلو وزن کم کیا ہے۔ ماہرین اس بات پر بحث کر رہے ہیں کہ آیا اسے `امپیکٹ پلیئر کے بجائے کل وقتی بلے باز کے طور پر کھیلنا چاہیے۔

 

 

آر سی بی نے۲۰۲۵ء میں اپنا پہلا ٹائٹل جیت کر ان کی قسمت بدل لی ہے۔ وہ اب انڈر ڈاگ نہیں ہیں۔ مزید برآں، وراٹ کوہلی کو پہلی بار اپنے ٹائٹل کا دفاع کرنے کا چیلنج درپیش ہے۔ انہوں نےہندوستان آنے سے پہلے ہی نئے سیزن کے لیے ٹریننگ شروع کر دی تھی۔ کوہلی پہنچ چکے ہیں اور امید ہے کہ وہ جلد ہی کیمپ میں شامل ہو جائیں گے۔

  اس سال آئی پی ایل صرف۱۰؍ شہروں تک محدود نہیں ہے۔ بورڈ نے۱۳؍  شہروں کو میزبانی کے حقوق تفویض کیے ہیں۔ شمال مشرق میں کرکٹ کے جنون کا فائدہ اٹھانے لئے راجستھان جے پور کے علاوہ گوہاٹی میں اپنے کچھ میچ کھیلے گا۔ آسام کے ریان پراگ کی کپتانی نے اس بار وہاں کے شائقین میں نیا جوش پیدا کیا ہے۔ اس دوران پنجاب کنگز کے میچ نیو چنڈی گڑھ کے علاوہ دھرم شالہ میں بھی کھیلے جائیں گے۔