ہندوستانی خواتین کی ہاکی ٹیم ایف آئی ایچ نیشنز کپ جیتنے کے بعد پُراعتماد انداز میں ہاکی ویمنز ورلڈ کپ ۲۰۲۶ء میں اترے گی۔ کپتان سلیمہ ٹیٹے نے کہا ہے کہ ٹیم عالمی کپ میں اسی رفتار اور اعتماد کو برقرار رکھتے ہوئے جارحانہ اور سمجھداری پر مبنی ہاکی کھیل کر تمغہ جیتنے کی کوشش کرے گی۔

ہندوستانی خواتین کی ہاکی ٹیم ایف آئی ایچ نیشنز کپ جیتنے کے بعد پُراعتماد انداز میں ہاکی ویمنز ورلڈ کپ ۲۰۲۶ء میں اترے گی۔ کپتان سلیمہ ٹیٹے نے کہا ہے کہ ٹیم عالمی کپ میں اسی رفتار اور اعتماد کو برقرار رکھتے ہوئے جارحانہ اور سمجھداری پر مبنی ہاکی کھیل کر تمغہ جیتنے کی کوشش کرے گی۔

یہ بھی پڑھئے:فلم ’پارٹنر‘ کے دوران سلمان خان جذباتی مشکلات سے گزر رہے تھے:گووندا

جیو اسٹار سے گفتگو میں سلیمہ ٹیٹے نے کہاکہ بطور کپتان میرا کردار میدان پر ہر کھلاڑی کی حمایت کرنا ہے۔ ہم جیت رہے ہوں یا ہار رہے ہوں، میں ٹیم کے ساتھ کھڑی رہتی ہوں۔ اس بار ہاکی ورلڈ کپ ہمارا ہوگا۔ ہم ذہانت کے ساتھ جارحانہ ہاکی کھیلیں گے اور تمغہ جیتیں گے۔ مجھے اپنی ٹیم پر پورا بھروسہ ہے اور ہمیں یہ کرنے کی صلاحیت حاصل ہے۔ 
نوجوان کھلاڑیوں کے کردار پر انہوں نے کہا کہ جونیئر کھلاڑی ٹیم میں نئی توانائی اور مثبت سوچ لاتے ہیں۔ انہوں نے ساکشی رانا، ایشیکا اور رتوجا داداسو پسال کا ذکر کرتے ہوئے کہا کہ جب نوجوان کھلاڑی میدان پر کھل کر کھیلتے ہیں تو ان کی کارکردگی بہتر ہوتی ہے، جس سے پوری ٹیم کو فائدہ ہوتا ہے۔ ٹیم کی حکمت عملی کے بارے میں سلیمہ نے کہا کہ ورلڈ کپ میں کھیلنا ہر کھلاڑی کا خواب ہوتا ہے اور یہ ٹیم کے لیے ایک بڑا موقع ہے۔ انہوں نے کہا کہ میدان پر ان کی توجہ ٹیم کے لیے کھیلنے، ہر کھلاڑی کی حمایت کرنے، ذمہ داری لینے اور ٹیم میں مثبت توانائی پیدا کرنے پر ہوگی۔ نیشنز کپ اور پرو لیگ میں اچھی کارکردگی کے باوجود ٹیم مزید بہتری کی کوشش کرے گی۔

یہ بھی پڑھئے:کولمبیا میں تباہ کن زلزلہ، CONMEBOL نے کوپا کے دو میچ ملتوی کر دیے

گول کیپرز کی حوصلہ افزائی کا ذکر کرتے ہوئے کپتان نے کہا کہ ٹیم کے بہترین گول کیپرز انہیں آزادانہ طور پر حملہ کرنے کا اعتماد دیتے ہیں، کیونکہ انہیں یقین ہوتا ہے کہ دفاع میں گول کیپرز اپنی ذمہ داری بخوبی نبھائیں گے۔ انہوں نے کہا کہ خوف کے ساتھ کھیل کر بہترین کارکردگی نہیں دی جاسکتی، اس لیے ٹیم ہر گیند کے لیے لڑنے اور ہر میچ میں اپنا بھرپور کھیل پیش کرنے کے لیے تیار ہے۔