پاکستان کے خلاف آئندہ ٹیسٹ سیریز سے قبل انگلینڈ کی تیاریوں کو حتمی شکل دینے کے لیے ایمیلیو گے، شعیب بشیر اور میتھیو فشر بیکنہم میں پروفیشنل کاؤنٹی کلب سلیکٹ الیون کی جانب سے تین روزہ وارم اپ میچ میں حصہ لیں گے۔

پاکستان کے خلاف آئندہ ٹیسٹ سیریز سے قبل انگلینڈ کی تیاریوں کو حتمی شکل دینے کے لیے ایمیلیو گے، شعیب بشیر اور میتھیو فشر بیکنہم میں پروفیشنل کاؤنٹی کلب سلیکٹ الیون کی جانب سے تین روزہ وارم اپ میچ میں حصہ لیں گے۔ یہ مقابلہ جمعرات سے شروع ہوگا، جس میں انگلینڈ کے ٹیسٹ اسکواڈ میں شامل کھلاڑیوں کو بھی اپنے فارم اور فٹنیس جانچنے کا موقع ملے گا۔

یہ بھی پڑھئے:جنت زُبیرنے ممبئی کے خوبصورت اور پرتعیش مکان کی جھلک مداحوں کو دکھائی

تینوں کھلاڑیوں کو ۱۴؍ رکنی اسکواڈ میں شامل کیا گیا ہے۔ میچ جمعرات سے شروع ہوگا۔ یہ مقابلہ پہلے بدھ سے ہونا تھا، تاہم انگلینڈ اینڈ ویلز کرکٹ بورڈ (ای سی بی) کی دعوت پر تشکیل دی گئی ٹیم کو آئندہ ہفتے ہونے والے پہلے ٹیسٹ سے قبل مضبوط ترین اسکواڈ میدان میں اتارنے کا موقع دینے کے لیے باہمی رضامندی سے ایک دن آگے بڑھایا گیا۔ایمیلیو گے سے ٹیسٹ سیریز کے لیے مکمل طور پر فٹ ہونے کی توقع ہے۔ انہوں نے گزشتہ ہفتے ڈرہم کی جانب سے ون ڈے کپ کے میچ میں کندھے کی تکلیف کے باعث ریٹائرڈ ہرٹ لیا تھا۔ انہوں نے جون میں نیوزی لینڈ کے خلاف اپنے ٹیسٹ ڈیبیو پر نصف سنچری بنائی تھی اور اوول میں دوسرے ٹیسٹ میں بھی نصف سنچری اسکور کی، تاہم چھ اننگز میں ان کی اوسط  ۱۶ء۲۳؍رہی۔
شعیب بشیر گزشتہ ایک ماہ سے زیادہ تر میدان سے باہر رہے ہیں۔ انہوں نے ون ڈے کپ میں ڈربی شائر کی جانب سے صرف دو میچ کھیلے ہیں، تاہم انگلینڈ کے سلیکٹر مارکس نارتھ نے انہیں دستیاب اسپنرز میں  نمبر ایک اسپنر  قرار دیا ہے۔ پاکستان کے خلاف ان کے کھیلنے کے امکانات کم ہیں کیونکہ بین اسٹوکس کی ریٹائرمنٹ کے بعد انگلینڈ چار فاسٹ گیندبازوں کے ساتھ میدان میں اترنے اور ڈین لارنس کی آف اسپن پر انحصار کرنے کی توقع ہے۔
فشر بھی زیادہ کرکٹ نہیں کھیل سکے ہیں اور دی ہنڈریڈ میں صرف ۱۰؍ گیندیں کرائی ہیں، تاہم وہ انگلینڈ کے ٹیسٹ اسکواڈ میں شامل سات فاسٹ گیندبازوں میں سے ایک ہیں۔ ان کی شرکت کا فیصلہ دی ہنڈریڈ کے ناک آؤٹ مرحلے میں شامل دیگر فاسٹ گیندبازوں کی فٹنس اور اولی رابنسن کے پہلے ٹیسٹ سے پیٹرنٹی لیو کے باعث باہر ہونے کے امکان پر منحصر ہوگا۔

یہ بھی پڑھئے:بابر اعظم دوبارہ ٹاپ ۱۰؍ میں، پاکستان کے تین کھلاڑیوں کی رینکنگ میں نمایاں بہتری

پاکستان کے خلاف انگلینڈ کا پہلا ٹیسٹ ۱۹؍ اگست سے لیڈز میں شروع ہوگا۔ پاکستان نے ویسٹ انڈیز کے خلاف ٹیسٹ سیریز ڈرا ہونے کے بعد ہفتے کو برطانیہ پہنچ کر بیکنہم میں ٹریننگ شروع کردی ہے۔ انگلی کی انجری کے باعث دوسرے ٹیسٹ سے باہر رہنے والے شان مسعود نے پیر کو طبی عملے کی نگرانی میں بیٹنگ پریکٹس بھی کی۔