جموں و کشمیر کے تیز گیندباز عاقب نبی کے لیے ہندوستان کی جانب سے بین الاقوامی کرکٹ کا آغاز یادگار تو بن گیا، لیکن میدان پر ان کی کارکردگی توقعات کے مطابق نہ رہ سکی۔ ویسٹ انڈیز کے خلاف گوہاٹی میں کھیلے جا رہے دوسرے ایک روزہ بین الاقوامی میچ میں نبی نے ۵ء۸؍ اوورز میں ۸۴؍ رنز دے دیے اور انہیں کوئی وکٹ نہیں ملی۔

جموں و کشمیر کے تیز گیندباز عاقب  نبی  کے لیے ہندوستان کی جانب سے بین الاقوامی کرکٹ کا  آغاز یادگار تو بن گیا، لیکن میدان پر ان کی کارکردگی توقعات کے مطابق نہ رہ سکی۔ ویسٹ انڈیز کے خلاف گوہاٹی میں کھیلے جا رہے دوسرے ایک روزہ بین الاقوامی میچ میں نبی نے ۵ء۸؍ اوورز میں ۸۴؍ رنز دے دیے اور انہیں کوئی وکٹ نہیں ملی۔عاقب نبی کو ہندوستان کی ٹیم کی حتمی گیارہ رکنی ٹیم میں آل راؤنڈر  نتیش کمار ریڈی  کی جگہ شامل کیا گیا تھا۔ کپتان شبھ من گل نے ٹاس جیت کر پہلے گیندبازی کا فیصلہ کیا، جس کے بعد نبی کو اپنے بین الاقوامی کریئر کا پہلا میچ کھیلنے کا موقع ملا۔ انہیں کے ایل راہل نے  ڈیبیو کیپ پیش کی۔ نبی ہندوستان کی جانب سے کھیلنے والے جموں و کشمیر کے تیسرے کرکٹر بنے، ان سے قبل پرویز رسول اورعُمران ملک یہ اعزاز حاصل کر چکے ہیں۔

یہ بھی پڑھئے:شاہ رخ خان، اجے دیوگن اور ٹائیگر شروف نے ایف ڈی اے کو جواب دے دیا

عاقب نبی نے ۵ء۸؍ اوورز میں ۸۴؍ رنز دیے، ان کا اکانومی ریٹ ۵۰ء۹؍رنز فی اوور رہا۔ ان کی گیندبازی کے دوران ایک نو بال اور سات وائیڈز بھی ہوئیں، جبکہ ویسٹ انڈیز کے بلے بازوں نے ان کے خلاف نو چوکے اور ایک چھکا لگایا۔ اس طرح نبی ہندوستان کے لیے ون ڈے ڈیبیو پر سب سے زیادہ رنز دینے والے گیندبازوں میں ایک ناپسندیدہ ریکارڈ اپنے نام کر گئے۔

Another dream come true in blue ✨🤩

📸 Congratulations to Auqib Nabi as he receives his ODI debut cap from Vice-captain KL Rahul 🧢#TeamIndia | #INDvWI | @mflone_ pic.twitter.com/1kxKme516R

— BCCI (@BCCI) September 30, 2026

 نبی کی مہنگی گیندبازی کو اس میچ کے مجموعی تناظر میں بھی دیکھا جا رہا ہے، کیونکہ ویسٹ انڈیز کے بلے بازوں نے ہندوستانی گیندبازی پر زبردست حملہ کیا۔ کیریبین ٹیم نے مقررہ  ۵۰؍اوورز میں ۷؍ وکٹوں کے نقصان پر ۴۰۵؍ رنز  بنائے، جو ون ڈے کرکٹ کی تاریخ میں ویسٹ انڈیز کا  پہلا ۴۰۰؍رن  سے زائد رنز کا مجموعہ  ہے۔ ویسٹ انڈیز کی تاریخی اننگز میں  جان کیمپ بیل، کپتان شائی ہوپ اور امیر جانگو نے شاندار سنچریاں اسکور کیں۔ کیمپ بیل نے ۱۰۱، شائی ہوپ نے ۱۰۴؍ جبکہ امیر جانگو نے ۱۱۴؍ رنز بنائے۔ تینوں کی سنچریوں نے ہندوستانی گیندبازوں پر دباؤ بڑھا دیا اور ویسٹ انڈیز نے ہندوستان کے سامنے  ۴۰۶؍ رنز کا ہدف  رکھا۔

یہ بھی پڑھئے:طلائی تمغے کے مقابلے میں جگہ بنانے کے لیے روایتی حریف ہندوستان اور پاکستان آمنے سامنےس

 عاقب نبی کاہندوستانی ٹیم تک پہنچنے کا سفر ان کی ڈومیسٹک کرکٹ میں مستقل کارکردگی سے جڑا ہوا ہے۔ انہیں گزشتہ دو رنجی ٹرافی سیزن میں  ۱۰۴؍ وکٹ حاصل کرنے  کے بعدہندوستان کے ون ڈے اسکواڈ میں شامل کیا گیا تھا۔ ۲۶۔۲۰۲۵ءکے رنجی سیزن میں انہوں نے جموں و کشمیر کی تاریخی پہلی رنجی ٹرافی فتح میں اہم کردار ادا کیا اور ۶۰؍ وکٹیں حاصل کرکے ٹورنامنٹ کے بہترین کھلاڑی کا اعزاز بھی حاصل کیا۔
ہندوستان کے لیے ان کا ڈیبیو ایک ایسے وقت میں ہوا ہے جب ٹیم آئندہ ون ڈے ورلڈ کپ کی تیاریوں کے مرحلے میں ہے۔ گوہاٹی میں ان کا پہلا بین الاقوامی مقابلہ مشکل ضرور رہا، لیکن ڈومیسٹک کرکٹ میں ان کی کارکردگی ہی وہ بنیاد ہے جس کی وجہ سے انہیں قومی ٹیم میں جگہ ملی۔عاقب نبی کے لیے یہ میچ اعداد و شمار کے اعتبار سے سخت رہا، لیکن بین الاقوامی کرکٹ میں پہلا موقع کسی بھی کھلاڑی کے لیے سیکھنے کا مرحلہ بھی ہوتا ہے۔ اب توجہ اس بات پر ہوگی کہ وہ آئندہ مواقع پر اپنی رفتار، سوئنگ اور ڈومیسٹک کرکٹ کے تجربے کو بین الاقوامی سطح پر کس طرح مؤثر انداز میں استعمال کرتے ہیں۔