ترک قومی ٹیم نے اپنی تاریخ میں تیسری بار فٹبال ورلڈ کپ کے فائنلز میں جگہ بنائی ہے۔ یہ ٹورنا منٹ ۲۰۲۶ء میں امریکہ، میکسیکو اور کنیڈامیں منعقد ہو گا۔

ترک  قومی ٹیم نے اپنی تاریخ میں تیسری بار فیفا ورلڈ کپ  ٹورنا منٹ جو کہ امریکہ، میکسیکو اور کینیڈا میں منعقد ہو گا ، کے لیے کوالیفائی کر لیا ہے۔ترکیہ نے پلے آف میں کوسووکو ایک۔صفر سے شکست دیتے ہوئے فائنلز کے لیے اپنی جگہ بنائی۔ٹیم کی طرف سے کیرم آک ترک اولو نے ۵۳؍ویں منٹ میں میچ کا واحد گول اسکو ر کیا۔

Dünün Çocukları, Bugünün Kahramanları... A Millî Takımımız, 24 yıl sonra Dünya Kupası`nda

DUYUN SESİMİZİ, İŞTE BU #BizimÇocuklar’ın AYAK SESLERİ 🔉#BizimÇocuklar🇹🇷 | #FIFAWorldCup | #TürkÖndeTürkİleri pic.twitter.com/LJQaMY2rff

— Türkiye #BizimÇocuklar 🇹🇷 (@MilliTakimlar) March 31, 2026

صدر رجب طیب اردگان نے ترک قومی  ٹیم کو کوالیفائی کرنے پر مبارکباد دی۔انہوں نے اس  توقع  کا اظہار کیا کہ ۲۴؍سال بعد قومی ٹیم فٹ بال کے عالمی کپ  میں بھر پور طریقے سے ترکیہ کی نمائندگی کرے گی، اور اس اعتماد کا اظہار کیا کہ ٹیم قومی فتح سے ہمکنار ہو کر ملک کا سر فخر سے بلند کرے گی۔ ترک صدر نے  ٹیم کے لیے آسٹریلیا، پیراگوئے اور امریکہ کے خلاف گروپ میچوں میں کامیابی کی تمنا کا بھی اظہار کیا۔

یہ بھی پڑھئے:ٹرمپ نے اتحادیوں سے کہا ’’اپنا تیل خود حاصل کریں‘‘

ترکیہ ، تاریخ میں اب تک دو بار ورلڈ کپ کے لیے کوالیفائی کر چکا ہے۔پہلی شرکت  ۱۹۵۴ء میں ہوئی تھی، جب  ترکیہ گروپ مرحلے میں ہی ٹورنا منٹ سے باہر ہو گیا تھا اور کوئی خاص تاثر نہ چھوڑ سکا تھا۔
البتہ دوسری بار نتیجہ بالکل مختلف رہا،۲۰۰۲ءکے ورلڈ کپ میں، جس کی مشترکہ میزبانی جنوبی کوریا اور جاپان نے کی تھی، ترکیہ نے تاریخی کارکردگی کا مظاہرہ کرتے ہوئے تیسری پوزیشن حاصل کی تھی۔ 

یہ بھی پڑھئے:شاہ رخ خان: کنگ خان کے کلیکشن میں نئی گاڑی کا داخلہ

اس سے قبل ترک قومی فٹبال ٹیم ۲۰۲۶ء فیفا ورلڈ کپ یورپی کوالیفائرز کے پلے آف سیمی فائنل میں رومانیہ کے مد مقابل آئی ۔ترک ٹیم نے رومانیہ کو صفر کے مقابلے میں ایک گول سے شکست دے کر پلے آف فائنل میں جگہ بنانے میں کامیابی حاصل کی۔ استنبول کے بیشکتاش پارک میں کھیلے گئے اس سنسنی خیز مقابلے میں ترکیہ کے لیے فیصلہ کن گول ۵۳؍ویں منٹ میں فردی قاضی اولو نے کیا۔ اس فتح کے ساتھ ترکیہ۳۱؍ مارچ کو ہونے والے پلے آف فائنل میں پہنچ گیاتھا۔