شاہ رخ خان نئی کار: بالی ووڈ کے بادشاہ شاہ رخ خان اس وقت اپنی آنے والی فلم کی شوٹنگ میں مصروف ہیں، جسے اسی سال ریلیز کیا جانا ہے۔ اسی دوران کنگ خان اپنے لگژری کار کلیکشن کو لے کر خبروں میں آ گئے ہیں۔

شاہ رخ خان نئی کار: بالی ووڈ کے بادشاہ شاہ رخ خان اس وقت اپنی آنے والی فلم کی شوٹنگ میں مصروف ہیں، جسے اسی سال ریلیز کیا جانا ہے۔ اسی دوران کنگ خان اپنے لگژری کار کلیکشن کو لے کر خبروں میں آ گئے ہیں۔ سپر اسٹار کے کلیکشن میں پہلے ہی دنیا کی مہنگی ترین گاڑیاں شامل ہیں، اور اب اس فہرست میں ایک اور نام شامل ہو گیا ہے۔ کنگ خان کے کلیکشن میں نئی گاڑی شامل ہو گئی ہے۔ ہاردک پانڈیا کے بعد اداکار نے کون سی کروڑوں کی گاڑی خریدی ہے، آئیے جانتے ہیں۔
بالی ووڈ کے کنگ شاہ رخ خان کو اس سال آپ دو بار بڑے پردے پر دیکھ سکیں گے۔ ویسے تو فلم ’’کنگ‘‘کی ریلیز میں ابھی کافی وقت باقی ہے اور اسے دسمبر میں ریلیز کرنے کا شیڈول ہے، لیکن اس سے پہلے وہ’’جیلر ۲‘‘ میں نظر آئیں گے، جس میں وہ رجنی کانت کے ساتھ دکھائی دیں گے۔ حال ہی میں یہ بھی معلوم ہوا تھا کہ اداکار کو پولیس والے کا کردار آفر کیا گیا ہے۔ خیر، فلموں سے ہٹ کر آج ان کے لگژری کار کلیکشن کی بات کرتے ہیں۔ شاہ رخ خان کے کلیکشن میں پہلے ہی دنیا کی مہنگی ترین گاڑیاں شامل ہیں، جن میں بگاٹی ویرون (۱۲؍ کروڑ)، رولز رائس فینٹم ڈراپ ہیڈ کوپ، رولز رائس کلینن بلیک بیج (۱۴؍ کروڑ) سمیت کئی گاڑیاں شامل ہیں۔ اب اس فہرست میں ایک اور مہنگی گاڑی کا اضافہ ہو گیا ہے۔ ہاردک پانڈیا کے بعد اداکار نے کون سی کروڑوں کی گاڑی خریدی ہے، جان لیجیے۔

A new beast for the #King 🚨🚨🚨

Watch 🔔#ShahRukhKhan has purchased the new Mercedes-Benz V-Class worth Rs 1.4 crore. The luxurious car was spotted outside #SRK `s temporary residence, Puja Casa, while his bungalow, Mannat, is being renovated. pic.twitter.com/BnhgXSd4TN

— Always Bollywood (@AlwaysBollywood) March 30, 2026

معلومات کے مطابق  شاہ رخ خان نے حال ہی میں لانچ ہونے والی مرسڈیز بینزوی کلاس   خریدی ہے۔ یہ ایک پریمیم ملٹی پرپز گاڑی ہے، جو سڑکوں کے ساتھ ساتھ سوشل میڈیا پر بھی لوگوں کی توجہ حاصل کر رہی ہے۔ حال ہی میں یہ بھی معلوم ہوا تھا کہ ہاردک پانڈیا نے اپنی گرل فرینڈ مہیکا شرما کے لیے نئی مرسڈیز بینز  وی کلاس خریدی ہے، جس کی ایکس شو روم قیمت تقریباً ۴۰ء۱؍ کروڑ روپے بتائی گئی ہے۔ وہ ہندوستان  میں اس گاڑی کو خریدنے والے ابتدائی خریداروں میں شامل ہیں۔

یہ بھی پڑھئے:ایران جنگ:کمرشیل ایل پی جی کی قیمتوں میں۵ء۱۹۵؍ روپے کا اضافہ

 شاہ رخ خان کی نئی کار کی قیمت؟ 
حال ہی میں رپورٹس کے مطابق، بالی ووڈ کے بادشاہ کی نئی مرسڈیز بینزوی کلاس  کی قیمت تقریباً ۴ء۱؍ کروڑ روپے ہے۔ یہ گاڑی ان کے گھر کے باہر دیکھی گئی، جہاں وہ اس وقت اپنے خاندان کے ساتھ رہ رہے ہیں۔ دراصل ان کے مشہور بنگلے ’’منت‘‘کی مرمت جاری ہے، جس کی وجہ سے پورا خاندان عارضی طور پر دوسری جگہ منتقل ہو گیا ہے۔ یہ لگژری ایم پی وی  کئی جدید خصوصیات سے لیس ہے، جن میں متعدد ایئر بیگز، چائلڈ سیٹ ماؤنٹ، ڈرائیور اٹینشن اسسٹ، ٹریفک سائن ریکگنیشن، ۳۶۰؍ ڈگری کیمرا اور پریمیم کمفرٹ فیچرز شامل ہیں۔  

یہ بھی پڑھئے:کیا روہت شیٹی کی نجی گاڑیوں پر ’پولیس‘ کے ٹیگ اور لائٹس غیر قانونی ہیں

شاہ رخ کے کار کلیکشن کی قیمت کتنی ہے؟ 
میڈیا رپورٹس کے مطابق، شاہ رخ خان کے کار کلیکشن کی کل قیمت ۳۰؍ کروڑ سے ۵۰؍ کروڑ روپے کے درمیان ہے۔ ان کے گیراج کی سب سے مہنگی گاڑی بگاٹی ویرون بتائی جاتی ہے، جس کی قیمت تقریباً ۱۲؍ کروڑ روپے ہے۔ یہ گاڑی صرف ۵ء۲؍ سیکنڈ میں۰؍ سے۱۰۰؍کلومیٹر فی گھنٹہ کی رفتار حاصل کر سکتی ہے، جبکہ اس کی ٹاپ اسپیڈ تقریباً ۴۰۰؍ کلومیٹر فی گھنٹہ ہے۔