Inquilab Logo

یوئیفا چمپئن لیگ: آج میلان ڈربی، اے سی اور انٹر سیمی فائنل میں مد مقابل

Updated: May 10, 2023, 1:05 PM IST | Milan

اٹلی کی دونوں ٹیمیں ایک دوسرے کے کھیل اور حکمت عملی سے واقف ہیں اسلئے دونوں کے درمیان مقابلہ دلچسپ ہونے کی توقع ہے

photo;INN
تصویر :آئی این این

یوئیفا چمپئن لیگ کے سیمی فائنل کے پہلے مرحلے میں بدھ کی دیر رات میلان ڈربی مقابلہ ہونے والا ہے۔ اس میچ میں میلان کے ۲؍ مضبوط فٹبال کلب اے سی میلان اور انٹر میلان آمنے سامنے ہوں گے اور دونوں کی کوشش کامیابی حاصل کرتے ہوئے فائنل میں جانے کا دعویٰ مضبوط کرناہوگا۔ اٹلی کے دونوں مضبوط کلب ایک دوسرے کی حکمت عملی سے باخبر اور واقف ہیں اور وہ اس میچ میں ایک دوسرے کو زیر کرنے کیلئے ایڑی چوٹی کا زور لگادیں گے۔  خیال رہے کہ یہ میچ اے سی میلان کے میدان پر ہو گا اور اس میں اس کا پلڑا بھاری رہنے کا امکان ہے۔ دونوں فٹبال کلب   کے پاس اسٹار کھلاڑیوں کی کمی نہیں ہے ۔ 
 انٹرمیلان کے رومیلولوکاکو اور لاؤتارو مارٹینیز کی جوڑی نے سیری اے میںدھوم مچائی تھی اور اسے لولا جوڑی کہاجارہا تھا۔ ان دونوں کے بہترین کھیل کی بدولت ہی انٹر کلب ۲۰۲۱ء میں سیری اے کے خطاب جیتنے کے قریب پہنچا تھا۔   مارٹنیز نے تب سے اس حملے کی قیادت جاری رکھی ہے۔دوسری طرف لوکاکو آف سیزن میں چیلسی سے  لون پر واپس آنے کے بعد چوٹ اور خراب فارم کے ساتھ جدوجہد کر رہے تھے۔ تاہم  لوکاکو نے اب سیری اے کے زیادہ سے زیادہ گیمز میں ۳؍ گول کئے ہیں۔ انہوں نے ان میچوں میں ۳؍ معاونت بھی کیا ہے۔
 دوسری طرف اے سی میلان کے پاس اولیور جیرو جیسا عالمی چمپئن کھلاڑی ہے جس نے سیری اے میں اپنی ٹیم کی جانب سے اچھی کارکردگی پیش کی ہے۔ اس میچ میں بھی اولیور جیرو سے زیادہ سے زیادہ گول کرنے صلاحیت رکھتے ہیں۔ انٹر میلان فٹبال کلب کا دفاع انہیںروکنے کی پوری کوشش کرے گا۔ 
 خیال رہے کہ انٹر میلان کے مارٹنیز نے اپنے پچھلے ۴؍میچوں میں ۵؍ بار گول کئے ہیں جس سے  لیگ میں ان کی تعداد۱۹؍گول تک پہنچائی ہے۔ انٹرمیلان  کے محافظ بھی اہداف میں مدد کر رہے ہیں۔ روما میں سنیچر کی۰۔۲؍گول سے  سیری اے کی جیت میں فیڈریکو ڈیمارکو نے اہم رول ادا کیا تھا۔  انٹر اب ایک ٹیم کے طور پر حملہ آور اور دفاع کرتانظرآ رہا ہے اور یہ  چمپئن  لیگ کے سیمی فائنل کے پہلے مرحلے میں ٹیم کیلئے اچھی بات ہے۔ رومیلو لوکاکو نے کہاکہ مجھے لگتا ہے کہ ہم نے اس پہلو میں بہت بہتری لائی ہے۔

ac milan Tags

متعلقہ خبریں

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK