سابق عالمی چمپئن آنند نے روایتی حریف روس کے کرامینک کو مات دی

 ہندوستان کے گرینڈ ماسٹر وشوناتھن آنند نے اتوار کی رات روس کے روایتی حریف ولادیمیر کرامینک کے خلاف ’نوکیسلنگ‘ میچ کے چوتھے اور آخری ڈرا کے  کے بعد اسپارکسن ٹرافی جیت لی۔ سابق عالمی چمپئن  آنند نے سفید رنگ کے مہروں سے آخری گیم  کھیلا اور دونوں کھلاڑی۴۰؍ چالوں کے بعد ڈرا کرنے پر راضی ہوگئے کیونکہ ہندوستانی شطرنج کے کھلاڑی نے یہ میچ۱ء۵۔۲ء۵؍سے جیت لیا۔
  ہندوستانی اسٹار کھلاڑی نے پہلے راؤنڈ کا گیم جیت لیا تھا جبکہ باقی ۳؍ گیم ڈرا پر ختم ہوئے تھے۔سابق عالمی چمپئن کرامینک نے سنیچر کو آنند کو تیسرے گیم  میں روک کر ۴؍گیم  تک کھیلنے کی    اپنی  امیدوں کو زندہ رکھاتھا۔ اس میچ میں کھلاڑی کیسلنگ نہیں کرسکتے ہیں۔ کرامینک نے اس کھیل کو مزید دلچسپ بنانے کیلئے یہ طریقہ اختیار کیاہے۔کیسلنگ بادشاہ کو بچانے اور ہاتھی کو فعال کھیل میں شامل کرنے کے لئے ایک خاص چال ہوتی ہے۔ شطرنج میںکیسلنگ ہو تو ایک کھلاڑی  ایک چال میں ۲؍مہر وں کو چل سکتاہے۔