کین ولیمسن انڈین پریمیر لیگ (آئی پی ایل) میں لکھنؤ سپر جائنٹس (ایل ایس جی) میں بطور اسٹریٹجک مشیر شامل ہو گئے ہیں، ٹیم کے مالک سنجیو گوئنکا نے جمعرات کی صبح سوشل میڈیا پر اعلان کیا۔

 کین ولیمسن انڈین پریمیر لیگ (آئی پی ایل) میں لکھنؤ سپر جائنٹس (ایل ایس جی) میں بطور اسٹریٹجک مشیر شامل ہو گئے ہیں، ٹیم کے مالک سنجیو گوئنکا نے جمعرات کی صبح سوشل میڈیا پر اعلان کیا۔  فرنچائز کے مالک گوئنکا نے نیوزی لینڈ کے ۳۵؍ سالہ سابق کپتان کے بارے میں لکھا کہ ان کی قیادت، اسٹریٹجک بصیرت، کھیل کی گہری سمجھ اور کھلاڑیوں کی حوصلہ افزائی کرنے کی صلاحیت انہیں ٹیم میں ایک انمول اضافہ بناتی ہے۔
ولیمسن، جو ایس اے۲۰؍ لیگ میں ڈربن کی ٹیم کے ساتھ رہتے ہوئے سپر جائنٹس فرنچائز کا حصہ رہے ہیں، آخری مرتبہ نیوزی لینڈ کے لیے  چمپئن  ٹرافی کا فائنل اس سال مارچ میں دبئی میں ہندوستان کے خلاف کھیلا تھا۔ وہ ابھی تک بین الاقوامی کرکٹ سے ریٹائرڈ نہیں ہوئے ہیں لیکن نیوزی لینڈ کرکٹ کے ساتھ ایک مستقل معاہدے کی وجہ سے ان کے کھیلنے کے امکانات کم ہیں۔ 

Cool. Calm. Calculated. Kane Williamson is now part of our think tank as our Strategic Advisor. 🙌

Welcome to Lucknow, Kane Mama! 💙 pic.twitter.com/t5v9OGMqyU

— Lucknow Super Giants (@LucknowIPL) October 16, 2025

آئی پی ایل کے تجربہ کار ہونے کے باوجود، ولیمسن کو گزشتہ دو سیزن میں ایک کھلاڑی کے طور پر زیادہ کچھ کرنے کا موقع نہیں  ملا۔ آئی پی ایل۲۰۲۳ء میں گجرات ٹائٹنس (جی ٹی) کے لیے کھیلتے ہوئے، وہ سیزن کے پہلے میچ میں گھٹنے کی انجری کا شکار ہوئے اور مقابلے میں مزید کھیلنے  سے قاصر رہے۔ آئی پی ایل۲۰۲۴ء میں، گجرات ٹائٹنس کے ساتھ، انہوں نے صرف ۲؍ میچ کھیلے، ۲۷؍ گیندوں پر ۲۷؍ رن  بنائے۔ وہ آئی پی ایل ۲۰۲۵ء سے پہلے ہونے والی میگا نیلامی میں فروخت نہیں ہوئے تھے۔ حال ہی میں، وہ دی ہنڈرڈ کے لیے انگلینڈ میں تھے، انھوں نے لندن اسپرٹ کے لیے آٹھ اننگز میں۹۳ء۱۲۹؍ کے اسٹرائیک ریٹ سے ۲۰۴؍ رن  بنائے۔

یہ بھی پڑھئے:سنر اور جوکووچ سکس کنگز سلیم نمائشی ٹینس ٹورنامنٹ کے سیمی فائنل میں آمنے سامنے

ولیمسن کو ٹیم کے معاون عملے کے حصے کے طور پر کوئی تجربہ نہیں ہے، لیکن بین الاقوامی کرکٹ میں ان کی بہت عزت کی جاتی ہے۔ انہوں نے ۲۰۱۹ء کے یکروزہ  ورلڈ کپ کے فائنل میں نیوزی لینڈ کی کپتانی کی اور دو سال بعد اپنی پہلی عالمی ٹیسٹ چمپئن  شپ جیتی۔ ۲۰۲۳ءمیں  وہ اپنے پہلے دو سیزن میں تیسرے نمبر پر رہے۔ 
انگلینڈ کا نیوزی لینڈ کیخلاف پہلے ٹی  ۲۰؍ کیلئے  پلیئنگ الیون کا اعلان
انگلینڈ نے نیوزی لینڈ کے خلاف پہلے ٹی ۲۰؍ میچ کے لیے پلیئنگ الیون کا اعلان کردیا۔ انگلش ٹیم تین ٹی  ۲۰؍ میچ کی سیریز کے پہلے میچ میں ۱۸؍ اکتوبر کو کیوی ٹیم کے مقابل آئے گی۔ فل سالٹ اور جوز بٹلر انگلینڈ کی جانب سے اننگز کا آغاز کریں گے۔ تیسرے نمبر پر جیکب بیتھیل جبکہ کپتان ہیری بروک چوتھے نمبر پر بیٹنگ کریں گے۔ ٹام بینٹن، سیم کرن، جارڈن کوکس، برائیڈن کارس، لیام ڈوسن، عادل رشید اور لیوک ووڈ بھی ٹیم میں شامل ہیں۔ دونوں ٹیموں کے مابین تین میچز کی سیریز کے بقیہ دو میچز ۲۰؍ اور ۲۳؍اکتوبر کو کھیلے جائیں گے۔