ہندوستانی اسکواش کی خواتین اور مردوں کی ٹیموں نے ایشیائی کھیلوں میں کانسے کے تمغے حاصل کئے۔ خواتین کی ٹیم کو سیمی فائنل میں ہانگ کانگ اور مردوں کی ٹیم کو ملائیشیا کے ہاتھوں دوایک سے شکست ہوئی۔

ہندوستانی اسکواش کی خواتین اور مردوں کی ٹیموں نے ایشیائی کھیلوں میں کانسے کے تمغے حاصل کئے۔ خواتین کی ٹیم کو سیمی فائنل میں ہانگ کانگ اور مردوں کی ٹیم کو ملائیشیا کے ہاتھوں دوایک سے شکست ہوئی۔ خواتین کے مقابلے میں اناہت سنگھ کو چان سین یوک نے ۲۔۳؍سے شکست دی، جبکہ تنوی کھنہ نے لی کا یی کو ۳۔ایک سے ہرا کر مقابلہ برابر کیا۔

یہ بھی پڑھئے: گنیش منی رتنم کا مردوں کے کمپاؤنڈ انفرادی تیر اندازی مقابلے میں کانسے کے تمغے پر قبضہ

فیصلہ کن میچ میں جوشنا چنپا کو ہو تزے لوک کے ہاتھوں ۳۔صفرسے شکست ہوئی۔مردوں کے مقابلے میں ابھے سنگھ کو این جی اِن یو نے ۳۔صفر سے ہرایا، ویر چوٹرانی نے سنجے جیوا کو ۳۔صفرسے شکست دے کر مقابلہ برابر کیا لیکن فیصلہ کن میچ میں ویلاون سینتھل کمار کو امیشین راج چندرن نے تین ایک سے شکست دے دی۔