عالمی نمبروَن یانک سنر یو ایس اوپن۲۰۲۵ء کے چوتھے راؤنڈ میں پہنچ گئے ہیں۔ انہوں نے مردوں کے سنگلز کے تیسرے راؤنڈ میں کنیڈا کے ڈینس شاپووالوف کو شکست دی۔اسی دوران تھرڈ سیڈیڈ الیگزینڈر زیوریو اپ سیٹ کا شکار ہو گئے۔ ویمنز سنگلز میں عالمی نمبروَن آرینا سبالینکا، ایگا سواتیک، ناؤمی اوساکا اور کوکو گاف بھی چوتھے راؤنڈ میں پہنچ گئی ہیں۔

عالمی نمبروَن یانک سنر یو ایس اوپن۲۰۲۵ء کے چوتھے راؤنڈ میں پہنچ گئے ہیں۔ انہوں نے مردوں کے سنگلز کے تیسرے راؤنڈ میں کنیڈا کے ڈینس شاپووالوف کو شکست دی۔ سنر نے یو ایس اوپن ۲۰۲۵ء کے تیسرے راؤنڈ میں ڈینس شاپووالوف کے خلاف سخت مقابلہ کھیلا۔میچ کے آغاز میں شاپووالوف نے جارحانہ انداز دکھایا اور پہلا سیٹ ۵۔۷؍سے جیت لیا تاہم اس کے بعد سنر نے شاندار واپسی کی۔ انہوں نے لگاتار تین سیٹ۴۔۶، ۳۔۶، ۳۔۶؍ سے جیت کر میچ جیت لیا۔

He`s here. He`s there. He`s everywhere. pic.twitter.com/2SWvZi6pd7

— US Open Tennis (@usopen) August 30, 2025

الیگزینڈر زیوریوکی ہار
 کنیڈا کے اسٹار ٹینس کھلاڑی فیلکس اوگر الیاسیمے نے ایک بار پھر اپنے کریئر کی بہترین کارکردگی کا مظاہرہ کرتے ہوئے تیسری سیڈ الیگزینڈر زیوریو کو شکست دے کر یو ایس اوپن۲۰۲۵ء کے چوتھے راؤنڈ میں داخلہ حاصل کر لیا۔ ۲۵؍ سالہ فیلکس اوگر الیاسیمے  نے زیوریو کو۶۔۴، ۶۔۷، ۴۔۶، ۴۔۶؍سے شکست دینے کے لئے جارحانہ ماسٹر کلاس کا مظاہرہ کیا۔  اوگر الیاسیم نے میچ کے بعد کہا’’یہ بہت اچھا لگ رہا ہے۔ کام ابھی مکمل نہیں ہوا ہے لیکن یہ میرے لیے کافی معنی رکھتا ہے۔ آج رات سب کچھ بہت اچھا ہوا۔‘‘

Jannik Sinner becomes the fourth youngest man to record 20 wins at all four Slams after Rafael Nadal, Boris Becker, and Novak Djokovic. pic.twitter.com/ObwUGBfrNd

— US Open Tennis (@usopen) August 30, 2025

سواتیک مسلسل پانچویں بار  آخری ۱۶؍ میں پہنچ گئی ہیں۔ خواتین میں پولش کھلاڑی سواتیک  نے سخت چیلنج کے باوجود تیسرے راؤنڈ میں روس کی اینا کالنسکیا کو شکست دی۔ انہوں نے پہلے سیٹ میں برابری کا مظاہرہ کیا اور ٹائی بریکر۶۔۷؍سے جیت لیا۔ کالنسکیا نے دوسرے سیٹ میں بھی اچھا کھیل پیش کیا لیکن سواتیک نے دوسرا سیٹ۴۔۶؍ سے جیت لیا۔  سواتیک مسلسل پانچویں بار یو ایس اوپن کے آخری ۱۶؍ میں پہنچی ہیں۔ کوکو گاف نے میگڈالینا فریک کو بآسانی۳۔۶، ۱۔۶؍ سے شکست دی۔ ناؤمی  اوساکا نے ڈاریا کاشتکینا کو۰۔۶، ۴۔۶، ۴۔۶؍  سے ہرا کر چوتھے راؤنڈ میں داخلہ حاصل کرلیا۔