آئی پی ایل کی تاریخ میں سب سے زیادہ مین آف دی میچ جیتنے والے ٹاپ۵ کھلاڑی

Updated: January 06, 2023, 2:56 PM IST | MUMBAI

انڈین پریمیر لیگ (آئی پی ایل) نے حیرت انگیز طور پر۱۵؍ سیزن مکمل کئے ہیں جس میں کچھ بڑے ناموں نے کچھ دلچسپ کارنامے درج کئے ہیں

تصویر:آئی این این

انڈین پریمیر لیگ (آئی پی ایل) نے حیرت انگیز طور پر۱۵؍ سیزن مکمل کئے ہیں جس میں کچھ بڑے ناموں نے کچھ دلچسپ کارنامے درج کئے ہیں۔ آئی پی ایل جیسے مسابقتی ٹورنامنٹ میں ٹیم کیلئے میچ جیتنا اور کئی بار پلیئر آف دی میچ کا ایوارڈ حاصل کرنا آسان کام نہیں ہے لیکن کرکٹ کے چند عظیم بلے بازوں کیلئے کچھ بھی مشکل نہیں ہے کیونکہ وہ اپنی مہارت سے ریکارڈ بنانے کیلئے جانے جاتے ہیں۔ لیگ میں سب سے زیادہ پلیئر آف دی میچ کا ایوارڈ جیتنے کا کارنامہ انجام دینے والے کھلاڑیوں نے نہ صرف اپنی ساکھ کو زندہ رکھا بلکہ شائقین کو بھی محظوظ کیا ہے۔ آئیے، آئی پی ایل کی تاریخ میں سب سے زیادہ پلیئر آف دی میچ کا ایوارڈ جیتنے والے ٹاپ۵؍ کھلاڑیوں کے نام جانتے ہیں۔
 اے بی ڈی ویلیئرس 
 آئی پی ایل اور بین الاقوامی کرکٹ دونوں میں اپنے شاندار کریئرکی وجہ سے اے بی ڈی ویلیئرس کی ہندوستان میں بہت زیادہ مداح ہیں۔ ان کے پاس آئی پی ایل میں بہت سے ناقابل یقین ریکارڈس ہیں اور ان میں سے ایک ۲۵؍بار ایوارڈ جیت کر سب سے زیادہ پلیئر آف دی میچ کا ایوارڈ جیتنا بھی شامل ہے۔۱۴؍ سیزن تک کھیلتے ہوئے ڈی ویلیئرس نے دہلی کیپٹلزاور رائل چیلنجرز بنگلور کی نمائندگی کی اور۱۸۴؍میچوں میں ۳۹ء۷۰؍ کے شاندار اوسط سے۵۱۶۲؍ رن بنائے۔
 کرس گیل
 کرس گیل کو بڑے شوق سے یونیورس باس کہا جاتا ہے اور وہ آئی پی ایل میں اپنی شاندار بلے بازی سے انہیں دیئے گئے ٹائٹل کا جواز پیش کرتے ہیں۔۱۳؍ سال تک آئی پی ایل میں کھیلتے ہوئے انہوں نے کولکاتا نائٹ رائیڈرس، رائلز چیلنجرز بنگلور اور پنجاب کنگز کیلئے تعاون کیا۔۱۴۲؍ میچوں میں ۳۹ء۷۲؍ کے شاندار اوسط سے۴۹۶۵؍ رن کے ساتھ، وہ لیگ میں سب سے زیادہ رن بنانے والے ۸؍ویں نمبر پر ہیں۔ پلیئر آف دی میچ کا ایوارڈ حاصل کرنے کی بات کریں تو وہ۲۲؍بار یہ ایوارڈ جیت کر فہرست میں دوسرے نمبر پر ہیں۔
ڈیوڈ وارنر
 ڈیوڈ وارنرٹی ۲۰؍ انٹر نیشنل کے خطرناک بلے بازوں میں سے ایک ہیں اور انہوں نے آئی پی ایل میں بھی یہی ساکھ برقرار رکھی ہے۔ انہوں نے ٹورنامنٹ میں۱۶۲؍ میچ کھیل کر۴۲ء۰۱؍ کے شاندار اوسط سے ۵۸۸۱؍ رن بنائے ہیں۔ اپنے۱۳؍ سالہ آئی پی ایل کریئر میں وہ۱۸؍ بار پلیئر آف دی میچ کا ایوارڈ جیت چکے ہیں اور اس کے ساتھ وہ سب سے زیادہ پلیئر آف دی میچ ایوارڈس کی فہرست میں تیسرے نمبر پر ہیں۔اپنے آئی پی ایل کریئر کے۱۳؍سال میں، وارنر ۲؍ فرنچائزیز دہلی کیپٹلز اور سن رائزرس حیدرآباد کیلئے کھیل چکے ہیں۔
روہت شرما 
 روہت شرما ممبئی انڈینس کے سب سے قیمتی کھلاڑی ہیں کیونکہ انہوں نے اپنی کپتانی میں ۵؍ ٹائٹل جیت کر آئی پی ایل میں فرنچائزی کو سب سے کامیاب بنایا ہے۔ کپتان ہونے کے علاوہ۳۵؍سالہ روہت اپنی ٹیم کیلئے ایک دھماکہ خیز بلے باز بھی ہیں۔ وہ آئی پی ایل کے۲۰۲۲ء ایڈیشن میں کچھ خاص نہیں کر سکے لیکن پھر بھی وہ اب تک۱۸؍ بار یہ ایوارڈ جیتنے والے سب سے زیادہ پلیئر آف دی میچ ایوارڈ حاصل کرنے والوں کی فہرست میں چوتھے نمبر پر ہیں۔ انہوں نے ۲۰۰۹ء میں ممبئی انڈینس کی سابق آئی پی ایل فرنچائزی ڈیکن چارجرس کے خلاف ابھیشیک نائر، ہربھجن سنگھ اور جے پی ڈومنی کی وکٹ لے کر اپنی ہیٹ ٹرک بھی کی تھی۔ روہت نے۲۲۷؍ آئی پی ایل میچ کھیل کر۳۰ء۳۰؍ کے اوسط سے۵۸۷۹؍ رن بنائے ہیں۔
ایم ایس دھونی 
 دھونی۲۰۰۸ء سے چنئی سپرکنگز کیلئے کھیل رہے ہیں اور گزشتہ برسوں میں فرنچائزی کی کامیابی کی سب سے بڑی وجہ رہے ہیں۔ وہ ایک کپتان کے طور پر شاندار رہے ہیں جس نے اپنی کپتانی میں ٹیم کو چار بار چمپئن بنایا۔ فی الحال۴۱؍ سالہ بلے باز دھونی ٹورنامنٹ میں سب سے زیادہ رن بنانے والے ۷؍ویں نمبر پر ہیں جنہوں نے۲۳۴؍ میچوں میں۳۹ء۲۰؍ کی شاندار اوسط سے ۴۹۷۸؍ رن بنائے ہیں۔ انہوں نے۱۷؍ ایوارڈس جیت کر سب سے زیادہ پلیئر آف دی میچ ایوارڈس حاصل کرنے والے کھلاڑیوں کی فہرست میں ۵؍ویں پوزیشن حاصل کی ہے۔