راشد خان (۴؍وکٹ)، یامین احمدزئی اور عظمت اللہ عمرزئی (۲۔۲؍ وکٹ) کی شاندار گیند بازی کے بعد کپتان رحمت شاہ (ناٹ آؤٹ۶۷؍رن ) اور حشمت اللہ شاہدی (ناٹ آؤٹ ۳۶؍رن) کی عمدہ بلے بازی کی بدولت افغانستان نے بنگلہ دیش کو ۷؍ وکٹ سے شکست دے کر ایک روزہ سہ فریقی سیریز کے فائنل میں جگہ بنا لی۔

 راشد خان (۴؍وکٹ)، یامین احمدزئی اور عظمت اللہ عمرزئی (۲۔۲؍ وکٹ) کی شاندار گیند بازی کے بعد کپتان رحمت شاہ (ناٹ آؤٹ۶۷؍رن ) اور حشمت اللہ شاہدی (ناٹ آؤٹ ۳۶؍رن) کی عمدہ بلے بازی کی بدولت افغانستان نے بنگلہ دیش کو ۷؍ وکٹ سے شکست دے کر ایک روزہ سہ فریقی سیریز کے فائنل میں جگہ بنا لی۔

Rashid Khan`s spectacular bowling powered Afghanistan to victory against Bangladesh 😮‍💨 💪 📸: @ACBofficials 📝: https://t.co/cn6JA9nrKU https://t.co/9H2w0ND7A1

— ICC (@ICC) October 22, 2026

ٹاس جیت کر پہلے بلے بازی کرنے اتری بنگلہ دیش کی ٹیم کی شروعات انتہائی خراب رہی۔ یامین احمدزئی نے اپنے پہلے ہی اوور میں مسلسل گیندوں پر تنزید حسن تمیم اور سومیا سرکار کو آؤٹ کرکے بنگلہ دیش کو ابتدائی جھٹکے دیے۔ اس کے بعد عظمت اللہ عمرزئی نے نجم الحسن شانتو اور توحید ہردوئے کو پویلین بھیج دیا، جس سے ۷؍ اوور کے اندر ہی بنگلہ دیش کا اسکور ۴؍ وکٹ پر ۲۸؍ رن ہوگیا۔

یہ بھی پڑھئے:پروین بابی کو بالی ووڈ کی پہلی خاتون سپر اسٹار اور ’ٹرینڈ سیٹر‘ قرار دیا جاتا ہے

اس کے بعد پانچویں وکٹ کے لیے پرویز حسین ایمون اور سیف حسن نے ۹۳؍ رن کی شراکت داری کرکے اننگز کو کسی حد تک سنبھالا۔ تاہم، محمد نبی نے سیف حسن (۴۱؍ رن) کو آؤٹ کرکے اس شراکت داری کو توڑ دیا۔ اس کے کچھ ہی دیر بعد راشد خان نے محاذ سنبھالا اور دیکھتے ہی دیکھتے بنگلہ دیش کے نچلے بلے بازوں کو پویلین بھیج دیا۔
نچلے بلے بازوں میں سے کوئی بھی زیادہ دیر تک نہیں ٹک سکا اور بنگلہ دیش کی ٹیم ۱۲۱؍ رن پر ۴؍ وکٹ سے آگے کھیلتے ہوئے ۱۶۰؍ رن پر آل آؤٹ ہوگئی۔ اس دوران راشد خان نے ۲ء۸؍ اوور میں ۳۱؍ رن دے کر   ۴؍وکٹ حاصل کیے۔ بنگلہ دیش کی جانب سے ایمون نے سب سے زیادہ ۷۰؍ رن (۹۶؍ گیندوں پر) بنائے، لیکن آخر میں وہ راشد کی گیند پر ایل بی ڈبلیو آؤٹ ہوگئے۔ اس طرح بنگلہ دیش کی پوری ٹیم ۲ء۴۱؍ اوور میں ۱۶۰؍ رن پر سمٹ گئی۔

یہ بھی پڑھئے:۸۲؍ فیصد ہندوستانی طلبہ ہاتھ سے نوٹس لکھنے اور روایتی طریقوں سے پڑھائی کے حامی

آسان ہدف کا تعاقب کرتے ہوئے افغانستان نے تسکین احمد کے سامنے اپنے اوپنر رحمان اللہ گرباز (۶؍ رن) اور تیسرے نمبر کے بلے باز صدیق اللہ اٹل (۴؍ رن) کی وکٹیں جلد ہی گنوا دیں، جس سے ۷؍ویں اوور تک اس کا اسکور ۲؍ وکٹ پر ۳۹؍ رن ہوگیا۔ رحمت شاہ نے ایک جانب سے مورچہ سنبھالے رکھا اور ٹیم کی اننگز کو دوبارہ پٹری پر لے آئے۔
ابراہیم زدران نے ۴۸؍ گیندوں پر ۳۴؍ رن کی اہم اننگز کھیلی۔ انہوں نے کپتان کے ساتھ ۵۶؍ رن کی شراکت داری کرکے ٹیم کو مشکل سے نکالنے میں مدد کی، لیکن اس کے بعد وہ مستفیض الرحمان کا شکار بن گئے۔ پھر رحمت شاہ نے رن بنانے کی ذمہ داری سنبھالی اور ۹۰؍ گیندوں پر ناٹ آؤٹ ۶۷؍ رن بنائے۔ انہوں نے حشمت اللہ شاہدی کے ساتھ ۶۶؍ رن کی ایک اور شراکت داری کی، جس میں شاہدی ۳۶؍ رن بناکر ناٹ آؤٹ رہے۔ ان دونوں نے افغانستان کو۳ء۳۵؍  اوور میں ۷؍ وکٹ باقی رہتے ہوئے جیت دلائی۔ اس کے ساتھ ہی اب فائنل میں افغانستان کا مقابلہ زمبابوے سے ہوگا۔