۲۰۲۶ء کی سب سے بڑی ریلیز میں سے ایک، ’’بارڈر ۲‘‘، کل تھیٹرز میں نمائش کے لیے آ رہی ہے، اور فلم کے گرد جوش و خروش واضح ہے، جس کا اندازہ اس بات سے لگایا جا سکتا ہے کہ ایڈوانس ٹکٹیں بہت جلد فروخت ہو رہی ہیں۔

۲۰۲۶ء کی سب سے بڑی ریلیز میں سے ایک،  ’’بارڈر ۲‘‘، کل تھیٹرز میں نمائش کے لیے آ رہی ہے، اور فلم کے گرد جوش و خروش واضح ہے، جس کا اندازہ اس بات سے لگایا جا سکتا ہے کہ ایڈوانس ٹکٹیں بہت جلد فروخت ہو رہی ہیں۔ یہ جنگی فلم توقع کی جا رہی ہے کہ نہ صرف ہندوستان میں بلکہ کئی بین الاقوامی مارکیٹس میں بھی اچھا بزنس کرے گی۔ تاہم، خلیج کے علاقے اور وسیع یو اے اای اور جی سی سی  کے ناظرین کے لیے یہ خبر مایوس کن ہے کیونکہ یہ فلم وہاں ریلیز نہیں ہوگی، جس سے ان ناظرین کی توقعات متاثر ہوں گی جو فلم کی بیرون ملک نمائش کے منتظر تھے۔
فلم کے قریبی ذرائع نے بالی ووڈ ہنگامہ سے بات کرتے ہوئے کہاکہ ’’بحرین، کویت، عمان، قطر، سعودی عرب اوریو اے ای میں فلم ’’بارڈر۲‘‘ریلیز نہیں ہوگی۔ اب یہ واضح ہو چکا ہے کہ ایسی فلمیں جنہیں ’اینٹی پاکستان ‘مواد پر مشتمل سمجھا جائے، ان خطوں میں ریلیز نہیں ہوتیں۔ پھر بھی ’’بارڈر۲‘‘ کی ٹیم نے کوشش کی، لیکن افسوس کہ یہ کوششیں بے نتیجہ رہیں۔ ریلیز کے لیے صرف ایک دن باقی ہے اور امید ہے کہ فلم کو پاس کر دیا جائے، تاہم امکان بہت کم نظر آتا ہے۔‘‘
ذرائع نے مزید کہا کہ حال ہی میں ’’دُھرندھر‘‘ کو بھی اسی علاقے میں ریلیز کی اجازت نہیں دی گئی تھی۔ تاہم’’بارڈر۲‘‘ کے سازگار اپنی نیندیں نہیں کھو رہے کیونکہ وہ جانتے ہیں کہ اگر فلم ناظرین کے دل کو چھو گئی، تو اس کی کمائی کے لیے کوئی حد نہیں ہوگی۔  فلم ’’دُھرندھر‘‘ نے بھی ٹکٹ ونڈو پر اچھا بزنس کیا اورجی سی سی اور یو اے ای  میں ریلیز نہ ہونے کی وجہ سے ہونے والے نقصان کی پرواہ نہیں کی گئی۔ امید ہے کہ ’’بارڈر۲‘‘ بھی اسی راستے پر جائے گی۔

یہ بھی پڑھئےَ:انڈیگو کا منافع۷۷؍فیصدکم ہوا، پرواز تنازع سے کمپنی کی صورتحال خراب

دلچسپ بات یہ ہے کہ یہ پہلا موقع نہیں جب سنی دیول کی فلم کو اس قسم کی رکاوٹ کا سامنا ہوا ہو۔  غدر۲ (۲۰۲۳)ء کو بھی اسی وجہ سے خلیج کے ممالک میں ریلیز کی اجازت نہیں دی گئی تھی۔ ۲۰۲۴ء میں  رتیک  روشن دپیکا پڈوکون کی فلم  ’’فائٹر‘‘ کے ساتھ بھی یہی صورتحال پیش آئی، جو ابتدائی طور پر تمام خلیج کے ممالک میں پابندی کے شکار رہی، صرف یو اے ای  کو چھوڑ کر۔ فلم میں پلوامہ حملے کی عکاسی پر پاکستان کے کچھ حلقوں کی شدید تنقید سامنے آئی، جنہوں نے اسے ’’اینٹی پاکستان‘‘  حساس حقیقی واقعہ سے فائدہ اٹھانے کا الزام دیا۔

یہ بھی پڑھئے:بنگلہ دیش کا ہندوستان میں ٹی ۲۰؍ ورلڈ کپ کھیلنے سے انکار، ہائبرڈ ماڈل کی تجویز

 ’’بارڈر۲‘‘ کے بارے میں 
سنی دیول، ورون دھون، دلجیت دوسانجھ  اور اہان شیٹی کی قیادت میں’’بارڈر۲‘‘۱۹۷۱ء کی ہندوستان،  پاکستان جنگ کو دوبارہ اسکرین پر لاتی ہے، جس میں سب سے اہم فوجی تنازعات میں سے ایک کو بڑے پردے پر دکھایا گیا ہے۔ یہ طویل انتظار کی جانے والی جنگی ڈرامہ فلم ۲۳؍ جنوری کو تھیٹرز میں ریلیز ہونے کے لیے شیڈول ہے۔