’’بڑ ے میاں چھوٹے میاں‘‘میں اکشے کمار کے ساتھ ٹائیگر شروف اور پرتھوی راج سوکمارن بھی نظر آئیں گے۔
EPAPER
Updated: February 03, 2024, 5:05 PM IST | Inquilab News Network | Mumbai
’’بڑ ے میاں چھوٹے میاں‘‘میں اکشے کمار کے ساتھ ٹائیگر شروف اور پرتھوی راج سوکمارن بھی نظر آئیں گے۔
۲۰۰۷ ء میں ریلیز ہونے والی فلم ’’ویلکم ‘‘ کے مشہور گانے ’’اونچا لمبا قد ‘‘ کو حال ہی میں دوبارہ اکشے کمار اور کوریوگرافر بوسکو مارٹیس رقص کرتے ہوئے نظر آئے۔ انسٹاگرام پر شیئر ویڈیو میں دونوں کو اپنے بہترین اور جاذب نظر لباس میں اس گانے پر رقص کرتے ہوئے دیکھا جاسکتا ہے۔ اکشے اور بوسکو اردن میں فلم ’’بڑے میاں چھوٹے میاں‘‘ کی شوٹنگ کررہے ہیں۔ بوسکو نے ویڈیو شیئر کرتے ہوئے کہا کہ ’’اکشے کمار سر کے ساتھ کام کرنا ہمیشہ ہی اچھا لگتا ہے! اور اس طر ح ہم اس ’’اونچا لمبا قد‘‘ بناتے ہیں۔ بہت شکریہ سر، ہم سب کو صحت مند زندگی گزارنےاور مشکل وقت میں ہنسانے کیلئے، لو یو سر۔ ‘‘
کترینہ کیف نے سب سے پہلے ویڈیو پرہارٹ کا ایموجی کمنٹ کرتے ہوئے لکھا کہ ’’بہت مزہ آیا اس گانے پر۔ ‘‘
اکشے کمار کے علاوہ فلم میں ٹائیگر شروف بھی مرکزی کردار میں ہیں۔ کچھ دن پہلے بوسکو مارٹیس نے ٹائیگر شروف کے ساتھ رقص کرتے ہوئے ایک ویڈیو شیئر کیا تھا۔ دونوں نے رتیک روشن اور دپیکا پڈوکون کی ’’ فائٹر‘‘ کے گانے ’’عشق جیساکچھ‘‘ پر ساتھ میں رقص کیا تھا۔ ٹائیگر شراف نے’’فائٹر‘‘ کے ہدایتکار سدھانت آنند، رتیک روشن اور نغمہ نگار وشال ددلانی اور شیکھر راجیویانی کو ویڈیو میں ٹیگ کرتے ہوئے ہارٹ اور فائر کے ایموجی کے ساتھ لکھا کہ ’’ایک ماسٹر کے ساتھ ! فائٹر کی طرف سے پوری ٹیم کوبہت بہت مبار ک ہو۔ ‘‘
تاہم، اکشے کمار نے بھی شوٹنگ کے اس خوبصورت لمحوں پر اپنے تاثرات کا اظہار کرتے ہوئے اپنی اور ٹائیگر شروف کے ساتھ تصویر شیئر کرتے ہوئے لکھا کہ ’’شکریہ اردن نہ بھولنے والی شوٹنگ کے تجربہ کے لئے! جو محبت اردن کے لوگوں نے’’ بڑے میاں چھوٹے میاں‘‘ سے کی پوری ٹیم کو دکھائی ہے وہ میں ہمیشہ یاد رکھوں گا۔‘‘
یہ فلم سنیما گھروں میں ۲۰۲۴ء میں عید پر ریلیز ہوگی۔
