۲۰۱۹ء میں وزیر اعظم نریندر مودی سے ’’آپ آم کیسے کھاتے ہیں؟‘‘ والا وائرل سوال پوچھنے کے بعد اکشے کمار نے اب ۲۰۲۵ء میں مہاراشٹر کے وزیر اعلیٰ دیویندر فرنویس سے پوچھا کہ وہ سنترہ کیسے کھاتے ہیں؟ اور ٹرولرس کو ٹرول کرنے کے چکر میں اکشے کمار ایک بار پھر ٹرول ہوگئے۔

فکی فریمز کے ایک پروگرام کے دوران بالی ووڈ اداکار اکشے کمار نے ۲۰۱۹ء کے وزیر اعظم مودی کے ساتھ اپنے انٹرویو کا ایک ’’لمحہ‘‘ دوبارہ تخلیق کرنے کی کوشش کی، اور سوشل میڈیا پر ایک بار پھر ٹرول ہوگئے۔ انہوں نے مہاراشٹر کے وزیراعلیٰ دیویندر فرنویس سے پوچھا، ’’سر! آپ ناگپور سے ہیں، اور ناگپور سنتروں کیلئے مشہور ہے۔ تو سر، کیا آپ کو سنترے اچھے لگتے ہیں؟ آپ انہیں چھیل کر کھاتے ہیں یا جوس نکال کر پیتے ہیں؟‘‘
اکشے کمار کے سوال پر پروگرام کے شرکاء ہنس پڑے جبکہ فرنویس نے سنجیدگی سے جواب دیتے ہوئے سنترے کھانے کا ایک نیا اور منفرد طریقہ بتایا۔ وزیر اعلیٰ نے جواب دیا کہ ’’مَیں آپ کو سنترے کھانے کا ایک نیا طریقہ بتاتا ہوں۔ آپ سنترے کو چھیلنے کے بجائے اس کو اوپر سے تھوڑا سا کاٹیں، پھر اسے نچوڑ کر اندر کا جوس پی لیں۔ اس طرح بغیر چھلکے اتارے آپ کو اصل ذائقہ ملتا ہے۔‘‘

akshay to maharashtra cm : “i won’t change! i once asked modi ji how he eats mangoes… and today, i’m asking you — how do you eat oranges?”

— CLASSIC AKSHAY KUMAR HUMOR 😭 #AkshayKumar pic.twitter.com/s9lWyAMDXR

— 𝙎𝙬𝙚𝙩𝙖 (@Swetaakkian) October 7, 2025

سوشل میڈیا پر یہ ویڈیو تیزی سے وائرل ہوا اور صارفین نے اکشے کمار کو خوب ٹرول کیا۔ ایک صارف نے لکھا کہ ’’۲۰۱۹ء کا وہ لمحہ یاد آگیا جب کنیڈین کمار نے مودی سے پوچھا تھا کہ آپ آم کیسے کھاتے ہیں۔ ستم ظریفی یہ ہے کہ اس وقت بھی اکشے بری طرح ٹرول ہوئے تھے۔‘‘ 
دلچسپ بات یہ ہے کہ فرنویس کے ساتھ بات چیت کے دوران اکشے نے اسی واقعے کا حوالہ دیتے ہوئے کہا کہ ’’سر! اس وقت مجھے لوگوں نے بہت ٹرول کیا تھالیکن میں سدھرنے والا نہیں۔‘‘ ایک صارف نے طنزیہ لکھا کہ ’’یقیناً! آپ سدھرنے والے نہیں، اور وجہ سب کو معلوم ہے!‘‘ ایک صارف نے مزاحیہ انداز میں لکھا کہ ’’دریں اثنا، آم کو نظرانداز کر دیا گیا۔‘‘ ایک اور صارف نے تبصرہ کیا کہ ’’ شکر ہے! ان کی فلم لکھنے والے ان سے بہتر ہیں۔‘‘