فرانس کے ۲۱؍ سالہ بیڈمنٹن کھلاڑی الیکس لینیئر (Alex Lanier) نے نئی دہلی میں منعقدہ بی ڈبلیو ایف ورلڈ چیمپئن شپ ۲۰۲۶ء کے مینز سنگلز فائنل میں جاپان کے کوڈائی نارااوکا کو شکست دے کر تاریخ رقم کردی۔ وہ بیڈمنٹن ورلڈ چیمپئن شپ میں مینز سنگلز کا عالمی خطاب جیتنے والے فرانس کے پہلے کھلاڑی بن گئے ہیں۔

 فرانس کے ۲۱؍ سالہ بیڈمنٹن کھلاڑی  الیکس لینیئر (Alex Lanier)  نے نئی دہلی میں منعقدہ  بی ڈبلیو ایف  ورلڈ چیمپئن شپ ۲۰۲۶ء کے مینز سنگلز فائنل میں جاپان کے کوڈائی نارااوکا کو شکست دے کر تاریخ رقم کردی۔ وہ بیڈمنٹن ورلڈ چیمپئن شپ میں مینز سنگلز کا عالمی خطاب جیتنے والے  فرانس کے پہلے کھلاڑی  بن گئے ہیں۔  لینیئر نے فائنل میں نارااوکا کو مسلسل دو گیمز میں ۱۱۔۲۱، ۱۱۔۲۱؍ سے شکست دی۔ مقابلہ تقریباً  ۵۰؍منٹ تک جاری رہا۔

🇫🇷 The first Frenchman to be crowned men`s singles World Champion: Alex Lanier! 🏸🥇#SmashForIndia #BWFWorldChampionships#NewDelhi2026 pic.twitter.com/zsRrCmxq8t

— BAI Media (@BAI_Media) August 23, 2026

فرانسیسی کھلاڑی نے ابتدا ہی سے جارحانہ انداز اپنایا اور تیز رفتار ریلیز، بہترین کورٹ کوریج اور زبردست اسمیشز کے ذریعے نارااوکا کو دباؤ میں رکھا۔ پہلے گیم میں لینیئر نے صرف ۲۳؍ منٹ میں کامیابی حاصل کرلی۔ دوسرے گیم میں نارااوکا نے واپسی کی کوشش کی، لیکن لینیئر نے ان کی حکمت عملی کو اچھی طرح پڑھتے ہوئے مسلسل حملے جاری رکھے اور میچ اپنے نام کرلیا۔

یہ بھی پڑھئے:کنگنانے تاپسی کو ’پرورش‘ والے بیان پر آڑے ہاتھوں لیا، کہا: سستی کاپی سامنے آ گئی

لینیئر کی کامیابی فرانسیسی بیڈمنٹن کے لیے ایک غیر معمولی سنگ میل ہے۔ ورلڈ چیمپئن شپ کے قیام کے بعد سے فرانس کا مینز سنگلز میں کوئی کھلاڑی اس مقام تک نہیں پہنچا تھا۔ لینیئر سے پہلے فرانس کی جانب سے ورلڈ چیمپئن شپ میں نمایاں کامیابیوں میں خواتین کے مقابلوں میں  ہونگیان پی   کا۲۰۰۸ءکا کانسہ کا تمغہ شامل تھا۔  دلچسپ بات یہ ہے کہ صرف دو سال قبل لینیئر عالمی رینکنگ میں تقریباً ۴۸؍ویں نمبر  پر تھے اور پیرس اولمپکس کے لیے بھی کوالیفائی نہیں کر سکے تھے۔ اب وہ عالمی چیمپئن بن چکے ہیں۔ 

یہ بھی پڑھئے:کولمبو ٹیسٹ :جیسوال اور فرنانڈو کے درمیان شدید تلخ کلامی

 لینیئر کی تاریخی کامیابی سے قبل فرانس کی تھوم گیکل اور ڈیلفین ڈیلرو کی جوڑی نے مکسڈ ڈبلز میں عالمی ٹائٹل جیت کر تاریخ رقم کی تھی۔انہوں نے عالمی نمبر ایک چینی جوڑی  فینگ یان ژے اور ہوانگ ڈونگ پنگ  کو ۲۰۔۲۲، ۲۱۔۱۹، ۱۵۔۲۱؍ سے شکست دی۔ اس طرح فرانس نے ایک ہی دن میں مکسڈ ڈبلز اور مینز سنگلز کے عالمی ٹائٹل اپنے نام کیے۔  لینیئر کی جیت صرف ان کی ذاتی کامیابی نہیں بلکہ فرانس میں بیڈمنٹن کے بڑھتے ہوئے معیار کی بھی عکاسی کرتی ہے۔ اس سال فرانسیسی ٹیم نے یورپی چیمپئن شپ بھی جیتی، جبکہ کرسٹو پوپوفگزشتہ سال ورلڈ ٹور فائنلز کا ٹائٹل جیت چکے ہیں۔  نئی دہلی میں لینیئر کی فتح نے فرانس کے بیڈمنٹن کو عالمی سطح پر ایک نئی شناخت دی ہے اور یہ کامیابی ملک میں اس کھیل کی مقبولیت اور مستقبل کے امکانات کو مزید مضبوط کرسکتی ہے۔ الیکس لینیئر کی تاریخی فتح کے ساتھ فرانس نے نہ صرف اپنا پہلا مینز سنگلز عالمی چیمپئن حاصل کیا بلکہ ۲۰۲۶ء کی ورلڈ چیمپئن شپ کو فرانسیسی بیڈمنٹن کی تاریخ کے یادگار ترین ٹورنامنٹس میں شامل کرلیا۔