اتر پردیش کے امروہہ میں فنکار زہیب خان نے اپنے فن کے ذریعے انہیں منفرد خراجِ عقیدت پیش کیا۔ زہیب خان نے ایک دیوار پر کوئلے سے نانا پاٹیکر کی تقریباً چھ فٹ بلند تصویر بنائی۔

ہندی سنیما کے معروف اداکار نانا پاٹیکر کے انتقال کی خبر سے ان کے مداحوں اور فلمی دنیا میں غم کی لہر دوڑ گئی۔ اسی دوران اتر پردیش کے امروہہ میں فنکار زہیب خان نے اپنے فن کے ذریعے انہیں منفرد خراجِ عقیدت پیش کیا۔ زہیب خان نے ایک دیوار پر کوئلے سے نانا پاٹیکر کی تقریباً چھ فٹ بلند تصویر بنائی اور اس کے قریب ’’الوداع نانا‘‘ لکھ کر اپنے جذبات کا اظہار کیا۔ فنکار کا کہنا ہے کہ ایک فنکار دوسرے فنکار کو اپنے فن کے ذریعے بہترین خراجِ عقیدت پیش کرسکتا ہے۔

VIDEO | Uttar Pradesh: Artist Zohaib Khan creates 6-feet charcoal portrait to pay tribute to late actor Nana Patekar after he passed away early on October 8, 2026, at the age of 75. (Full video available on PTI Videos - https://t.co/d8jp61yd2p) https://t.co/C1qBKFsTtc

— Press Trust of India (@PTI_News) October 9, 2026

یہ بھی پڑھئے:ورلڈ چیمپئن شپ آف لیجنڈز: پاکستان چیمپئن کے متبادل ٹیم کا اعلان

 ایک انٹرویو میں زہیب خان نے کہا کہ نانا پاٹیکر اب ہمارے درمیان نہیں رہے، اس لیے انہوں نے اداکار کے احترام میں یہ تصویر تیار کی۔ ان کے مطابق، وہ اپنے فن کے ذریعے نانا پاٹیکر کی یاد اور ان کے کام کو خراجِ عقیدت  پیش کرنا چاہتے تھے۔ زہیب خان نے کہا کہ ایک فنکار ہونے کے ناتے وہ سمجھتے ہیں کہ فن کے ذریعے کسی دوسرے فنکار کی خدمات اور اس کے کام کو یاد رکھا جاسکتا ہے۔

یہ بھی پڑھئے:امیتابھ بچن نے’’کون بنے گا کروڑ پتی ۱۸ ‘‘ میں نانا پاٹیکر کو جذباتی خراجِ عقیدت پیش کیا

زہیب خان نے نانا پاٹیکر کے فلمی سفر اور سماجی خدمات کا ذکر کرتے ہوئے کہا کہ اداکار نے اپنے طویل کریئر میں مختلف نوعیت کے کردار ادا کیے۔ ان کی اداکاری نے جہاں ناظرین کو محظوظ کیا، وہیں ان کے کام نے سماج میں بیداری پیدا کرنے میں بھی کردار ادا کیا۔ زہیب خان نے دعا کی کہ اللہ تعالیٰ نانا پاٹیکر کی روح کو سکون عطا فرمائے۔