ایک انٹرویو میں ہدایتکار اور رائٹرآرین خان نے انکشاف کیا ہے کہ ان کی ہدایتکاری اور اداکاری کی صلاحیتوں کے علاوہ وہ نقل کرنے میں بھی مہارت رکھتے ہیں۔

شاہ رخ خان کے بیٹے آرین خان نے بابی دیول اور لکشیا اسٹاررنیٹ فلکس کی  ویب سیریز دی بیڈز آف بالی ووڈ  کے ساتھ ہدایتکاری میں قدم رکھا۔ بہت پسند کیے جانے والے شو میں متعدد فلمی ستارے مہمانوں کے طور پر پیش ہوئے۔ ان میں شاہ رخ خان، کرن جوہر، رنبیر کپور، رنویر سنگھ، عمران ہاشمی، ارشد وارثی سمیت دیگر شامل تھے۔ کیمیو میں سلمان خان بھی شامل تھے جو ایک مختصر منظر میں نظر آتے ہیں اور مشہور ’’بلشیٹ پارٹی‘‘ ڈائیلاگ کہتے  ہیں جو شو کے پہلے ٹریلر میں بھی دکھایا گیا تھا۔

اب، جی کیو انڈیا کے ساتھ ایک انٹرویو میں آرین خان نے انکشاف کیا ہے کہ ان کی ہدایتکاری اور اداکاری کی صلاحیتوں کے علاوہ وہ نقل کرنے میں بھی مہارت رکھتے ہیں۔شو کے بارے میں ایک نامعلوم تفصیلات کا اشتراک کرتے ہوئے، آرین نے انکشاف کیا کہ یہ دراصل ان کی آواز تھی جو لوگ سنتے ہیں جب سلمان خان کے منہ سے ڈائیلاگ ’’بلشیٹ پارٹی‘‘ نکلتا ہے۔انہوں نے بتایاکہ ’’مزے کی بات  یہ ہے کہ جب سلمان خان کہتے ہیں،کون سی پارٹی؟ بلشیٹ پارٹی، وہ دراصل میں ہوں۔‘‘

یہ بھی پڑھئے:دفتری اوقات کے بعد کال اور ای میل کو نظر انداز کرنے کے قانونی حق کی تجویز

آرین سے ان کے پہلے  شو میں اپنے والد شاہ رخ خان کے ساتھ کام کرنے کے بارے میں بھی پوچھا گیا تو انہوں نے جواب دیاکہ ’’وہ سب سے آسان شخص ہیں جن  کے ساتھ کام کرنامشکل نہیں ہے۔ وہ بالکل جانتے ہیں کہ کیا کرنا ہے، کیسے کرنا ہے۔ اور جب وہ سیٹ پر ہوتے ہیں تو باقی سب غیر معمولی طور پر اچھا برتاؤ کرتے ہیں۔"

یہ بھی پڑھئے:وادیٔ کشمیر میں فضائی آلودگی خطرناک سطح پر، اسپتالوں میں مریضوں کی تعداد میں اضافہ

آرین خان کی کامیابی 
شو کی زبردست کامیابی کے بارے میں پوچھے جانے پر، انہوں نے کہاکہ ’’میں بے حد مشکور ہوں۔ ایک تخلیق کار کے طور پر، سب سے بڑا انعام یہ ہے کہ لوگ اس سے لطف اندوز ہوں جس میں آپ نے اپنی پوری محنت صرف کردی ہے۔ مجھے امید تھی کہ یہ سیریز کامیاب ہوگی اور میں یہ بات تکبر کی وجہ سے نہیں کہہ رہا ہوں، بلکہ یقین سے کہہ رہا ہوں۔ اگر میں ڈائریکٹر کے طور پر پروجیکٹ پر یقین نہیں رکھتاتھا؟ جہاں تک اپنے آنے والے پروجیکٹس کا تعلق ہے، آرین کا جواب ہےکہ ’’میرے پاس دو یا تین پروجیکٹ ہیں جو میں ڈیولپ کرنا چاہتا ہوں، لیکن ابھی تک کچھ بھی طے  نہیں ہے۔‘‘