سوشل میڈیا پر ویڈیو سامنے آتے ہی صارفین نے لوگوں کے رویے پر شدید ناراضی کا اظہار کیا اور سب سے اپیل کی کہ مشہور شخصیات کی نجی زندگی (پرائیویسی) کا احترام کیا جائے۔

جمعرات کی شام اداکار اور ڈانسر  راگھو جویال کی سالگرہ کی تقریب میں شرکت کے بعد آرین خان کو مداحوں اور پاپارازی نے چاروں طرف سے گھیر لیا۔ اس واقعہ کا ایک ویڈیو اب سوشل میڈیا پر وائرل ہو رہا ہے، جس نے مداحوں کو پریشان کر دیا ہے۔ ویڈیو میں دیکھا جا سکتا ہے کہ شاہ رخ خان  کے بیٹے آریان اپنی گاڑی کی جانب جا رہے ہیں، جبکہ انہیں دیکھنے کے لیے بے تاب لوگوں کا ایک بڑا ہجوم ان کے گرد جمع ہے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Voompla (@voompla)

 آرین اپنی سیکوریٹی ٹیم کے ساتھ موجود تھے لیکن مداحوں اور فوٹوگرافرس کے ہجوم کی وجہ سے انہیں اپنی گاڑی تک پہنچنے میں کافی دشواری کا سامنا کرنا پڑا۔ ان کی سیکوریٹی ٹیم نے حفاظتی حصار بنا کر انہیں بحفاظت گاڑی تک پہنچایا۔ اس وائرل ویڈیو میں ایک مداح کو آریان کے قریب جانے کی کوشش کرتے ہوئے توازن کھو کر گرتے ہوئے بھی دیکھا جا سکتا ہے۔ خوش قسمتی سے اس واقعہ میں کوئی زخمی نہیں ہوا اور آریان آخرکار بحفاظت وہاں سے روانہ ہونے میں کامیاب ہو گئے۔ویڈیو سامنے آنے کے بعد سوشل میڈیا صارفین نے وہاں موجود لوگوں کے رویے پر سخت ناراضی کا اظہار کیا۔ ایک صارف نے لکھا’’لوگ اتنے دیوانے کیوں ہو جاتے ہیں؟ جبکہ ایک اور صارف نے کہا’’لوگ کتنے بدتمیز ہیں، دھکا مکی کر رہے ہیں۔‘‘

یہ بھی پڑھئے:زہرہ سہگل نےہنستے کھیلتے ۷؍دہائیوں تک تفریح فراہم کی تھی

آرین خان نے ۲۰۲۵ ءمیں نیٹ فلکس کی سیریز ’’بیڈزآف بالی ووڈ‘‘ کے ذریعے بطور ہدایت کار اپنا  آغاز کیا۔ اس سیریز میں بوبی دیول، لکشیہ، سحر بمبا، منوج پاہوا، مونا سنگھ، منیش چودھری، راگھو جویال، انیا سنگھ، وجینت کوہلی، رجت بیدی  اور تمی کپور  سمیت کئی اداکار شامل ہیں۔

یہ بھی پڑھئے:زہرہ سہگل نےہنستے کھیلتے ۷؍دہائیوں تک تفریح فراہم کی تھی

یہ سیریز آسمان سنگھ (لکشیہ)  کی کہانی بیان کرتی ہے، جو بالی ووڈ میں اپنی شناخت بنانے کا خواب دیکھنے  والا ایک پرعزم آؤٹ سائیڈر ہے۔ اپنے اس سفر کے دوران وہ فلمی دنیا کے چمک دمک سے بھرپور مگر انتہائی مسابقتی ماحول سے روبرو ہوتا ہے۔ ریڈ چلیز انٹرٹینمنٹ  کے بینر تلے تیار کی گئی ’’بیڈز آف بالی ووڈ‘‘ مزاح، ڈرامہ اور بھرپور توانائی سے بھرپور کہانی پیش کرتی ہے۔ نیٹ فلکس کے مطابق یہ ’’دنیا کا سب سے `بیڈ  (بے باک) اور فلمی شو  ہے، جس میں متعدد کیمیو کردار، سنسنی خیز لمحات اور فلمی صنعت کی دلچسپ جھلکیاں دیکھنے کو ملتی ہیں۔اطلاعات کے مطابق آرین خان جلد ہی اپنے اس ڈائریکٹوریل پروجیکٹ کے دوسرے سیزن پر کام شروع کریں گے، جس کے ۲۰۲۷ء میں ریلیز ہونے کا امکان ہے۔ تاہم، اس حوالے سے ابھی تک کوئی سرکاری اعلان نہیں کیا گیا۔