بالی ووڈ اسٹار آیوشمان کھرانہ نے ڈریم گرل ۲؍ کے ساتھ اپنے کریئر کا سب سے بڑا آغاز درج کیا ہے!

بالی ووڈ اسٹار آیوشمان کھرانہ نے ڈریم گرل ۲؍ کے ساتھ اپنے کریئر کا سب سے بڑا آغاز درج کیا ہے! انہوں نے اپنے باکس آفس پر پہلے ۳؍ دنوں میں ۴۰ء۷۱؍ کروڑ روپے کمائے ہیں ۔ آیوشمان اپنی زندگی کے اس خاص لمحے میں اپنے والد پی کھرانہ کو یاد کر رہے ہیں اور ان کی خواہش ہے کہ ان کے والد ڈریم گرل۲؍ دیکھ سکیں !جب آیوشمان سے اس کامیابی کی کہانی کے بارے میں بات چیت کرنے کیلئے رابطہ کیا گیا تو انہوں نے کہا کہ کاش میرے والد اس کا تجربہ کرنے کیلئے یہاں ہوتے۔ ڈریم گرل ان کی پسندیدہ فلم تھی۔ انہیں بہت فخر تھا کہ میں نے کس طرح فرق کرنے کی کوشش کی۔ مجھے یاد ہے کہ وہ فلم دیکھتے ہوئے روئے تھے۔ انہوں نے پیش گوئی کی کہ یہ فلم شاندار کامیابی حاصل کرے گی۔ کاش وہ ڈریم گرل ۲؍ بھی دیکھ پاتے ۔