ٹی وی کی مشہور جوڑی شیوانگی جوشی اور ہرشد چوپڑہ "بڑے اچھے لگتے ہیں" کے اگلے سیزن میں اپنی آن اسکرین کیمسٹری کے ذریعے مداحوں کا دل جیتنے کیلئے تیار ہیں- "بڑے اچھے لگتے ہیں" کا نیا سیزن ۱۶؍ جون ۲۰۲۵ء کو سونی لیو پر نشر کیا جائے گا-

ٹی وی اداکارہ شیوانگی جوشی اور ہرشد چوپڑہ اپنی آن اسکرین کیمسٹری سے ایک مرتبہ پھر مداحوں کا دل جیتنے کیلئے تیار ہیں- یہ دونوں سونی لیو کے متوقع ڈرامے "بڑے اچھے لگتے ہیں" کے نئے سیزن میں نظر آئیں گے جو ۱۶؍ جون سے سونی لیو پر نشر کیا جائے گا- قبل ازیں انہوں نے ایک تصویر شیئر کی ہے جس کے بعد مداح "بڑے اچھے لگتے ہیں" کا سیزن ۱۶؍ دیکھنے کیلئے پرجوش ہیں- اپنے انسٹاگرام پر شیوانگی جوشی نے "بڑے اچھے لگتے ہیں" کے سیٹس کی تصاویر شیئر کی ہیں- شیوانگی جوشی اور ہرشد چوپڑہ نے ایک ساتھ میرر فوٹو بھی لی- ہرشد چوپڑہ نے سبز رنگ کی شرٹ پہنی تھی جبکہ شیوانگی جوشی نے روایتی لباس زیب تن کیا تھا- دونوں نے اپنی تصاویر شیئر کرتے ہوئے اپنے کرداروں کے نام (بھاگیہ شری اور رشبھ) بتائے- "بڑے اچھے لگتے ہیں" کے نئے سیزن کا پہلا ایپی سوڈ ۱۶؍ جون ۲۰۲۵ء کو ۸؍ بجکر ۳۰؍ منٹ پر سونی لیو پر نشر کیا جائے گا- سونی لیو نے اپنے آفیشل انسٹاگرام پر ایک ویڈیو شیئر کیا ہے جس میں "بڑے اچھے لگتے ہیں" کے گزشتہ ۲؍ سیزن اور آنے والے سیزن کے خوبصورت سفر کو فلمایا گیا ہے-