اسٹیون اسپیلبرگ کی ۱۹۷۵ء کی کلاسک فلم ’’جاز‘‘ کا فور کے ری اسٹورڈ ورژن۱۷؍اپریل کو منتخب پی وی آر آئی نوکس سنیما گھروں میں دوبارہ ریلیز کیا جائے گا۔اس کا اعلان سنیما چین نے کیا۔

اسٹیون اسپیلبرگ کی ۱۹۷۵ء کی کلاسک فلم   ’’جاز‘‘ کا  فور کے ری اسٹورڈ ورژن۱۷؍اپریل کو منتخب پی وی آر آئی نوکس   سنیما گھروں میں دوبارہ ریلیز کیا جائے گا، جیسا کہ سنیما چین نے جمعہ کے روز اعلان کیا۔ پیٹر بینچلی کے اسی نام کے بیسٹ سیلنگ ناول پر مبنی یہ فلم ایک چھوٹے ساحلی قصبے کی کہانی بیان کرتی ہے جو ایک بہت بڑے گریٹ وائٹ شارک کی دہشت کا شکار ہو جاتا ہے۔ کہانی میں قصبے کے پولیس چیف، ایک سمندری ماہر حیاتیات اور ایک تجربہ کار شارک شکاری کی ٹیم بنتی ہے جو اس خطرے کا مقابلہ کرنے کے لیے مل کر کام کرتے ہیں۔
 یہ فلم، جس نے ۲۰۲۵ء میں اپنی ۵۰؍ ویں سالگرہ منائی، اہم کرداروں میں رائے شائیڈر، رابرٹ شا، رچرڈ ڈریفس، لورین گیری اور مرے ہیملٹن کو پیش کرتی ہے۔ پی وی آر آئی نوکس نے ایک پریس ریلیز میں کہا’’ فور کے ری اسٹوریشن کے ساتھفلم ’’جاز‘‘ اپنی اصل بصری اور صوتی گہرائی دوبارہ حاصل کر لیتا ہے۔ کھلے سمندر کی وسعت، نظر نہ آنے والے خطرے کی ہلکی سی کشیدگی اور اس کی مشہور ساؤنڈ ڈیزائن نئی وضاحت کے ساتھ زندہ ہو جاتے ہیں، جو ناظرین کو فلم کو اس کی اصل تصور کے مطابق دیکھنے کا ایک نادر موقع فراہم کرتے ہیں۔
پی ٹی آئی کے مطابق ’’جاز‘‘پی وی آرآئی نوکس  کے’’آچیورس کیوریشن ‘ کا بھی حصہ ہے، جو ایسے فلم سازوں کو خراجِ تحسین پیش کرنے کی ایک پہل ہے جنہوں نے سنیما کی زبان کو شکل دی ہے۔انوراگ کیشپ کی  ڈیو ڈی سے لے کر اسٹیون اسپیلبرگ کی  ’’جاز‘‘تک، اس لائن اپ میں کئی مشہور فلمیں شامل ہوں گی۔ دیگر عنوانات کی مزید تفصیلات آنے والے ہفتوں میں جاری کی جائیں گی۔

یہ بھی پڑھئے:اعجاز خان کی سمئے رائنا کو دھمکی: کہا،مجھے کہیں بھی نظر نہیں آنا

نیہاِرکا بجلی، لیڈ اسٹریٹجسٹ، پی وی آرآئی نوکس لمیٹڈ نے ایک بیان میں کہاکہ ’’ہم اپنے پروگرامنگ کو مزید بہتر بنانے کے طریقے مسلسل تلاش کر رہے ہیں۔ جاز  کی واپسی اس بات کا ثبوت ہے کہ ناظرین عمیق اور اثر انگیز کہانیوں میں بڑھتی ہوئی دلچسپی رکھتے ہیں۔ یہ ایسی فلم ہے جو سنیما میں زندہ ہو جاتی ہے، جہاں آواز، وسعت اور مشترکہ تجسس تجربے کو مزید بلند کرتے ہیں۔‘‘

یہ بھی پڑھئے:ایل ایس جی کے خلاف ملی شکست کو کے کے آر کے لیے برداشت کرنا مشکل ہوگا: محمد کیف

اپنی اصل ریلیز کے وقتجاز ایک ثقافتی سنگِ میل اور باکس آفس پر غیر معمولی کامیابی ثابت ہوئی، اور یہ امریکہ میں ۱۰۰؍ ملین امریکی ڈالر سے زیادہ کمانے والی پہلی فلم بن گئی۔ اس فلم نے اسٹیون اسپیلبرگ کے کیریئر کو بدل کر رکھ دیا تھا۔  ڈیوڈ براؤن اور رچرڈ ڈی زنک کی پروڈکشن میں بننے والی جاز کو چار اکیڈمی ایوارڈ نامزدگیاں ملیں، جن میں بہترین فلم کا ایوارڈ بھی شامل تھا۔ آخر میں اس نے تین آسکر جیتے: بہترین فلم ایڈیٹنگ، بہترین ساؤنڈ، اور بہترین اوریجنل اسکور۔