دیپندر گوئل، جو ایٹرنل کے بانی ہیں اور یہ کمپنی بلنک اِٹ اور زوماٹو کی پیرنٹ کمپنی ہے، نے اسٹاک ایکسچینج میں دائر فائلنگ کے مطابق کمپنی کے چیف ایگزیکٹیو کے عہدے سے استعفیٰ دے دیا ہے۔ گوئل کی رخصتی کے بعد ایٹرنل نےبلنک اِٹ کے بانی اور سی ای او البندر ڈھنڈسا کو ان کا جانشین مقرر کیا ہے۔

دیپندر گوئل، جو ایٹرنل کے بانی ہیں اور یہ کمپنی بلنک اِٹ  اور زوماٹو کی پیرنٹ کمپنی ہے، نے اسٹاک ایکسچینج میں دائر فائلنگ کے مطابق کمپنی کے چیف ایگزیکٹیو کے عہدے سے استعفیٰ دے دیا ہے۔ گوئل کی رخصتی کے بعد ایٹرنل نےبلنک اِٹ  کے بانی اور سی ای او  البندر ڈھنڈسا کو ان کا جانشین مقرر کیا ہے اور یہ تبدیلی یکم فروری سے نافذ ہوگی۔
گوئل بنیں گے وائس چیئرمین
گوئل وائس چیئرمین کا کردار سنبھالیں گے اور ایٹرنل کے بورڈ میں خدمات جاری رکھیں گے۔ انہوں نے کہا کہ روزمرہ کے آپریشنز اب ڈھنڈسا کے زیرِ نگرانی ہوں گے۔ گوئل نے شیئر ہولڈرز کو خط میں لکھا’’حال ہی میں، میں نے خود کو کچھ نئے خیالات کی طرف راغب پایا ہے جو نمایاں طور پر زیادہ خطرہ اور تجرباتی نوعیت کے ہیں۔ یہ وہ خیالات ہیں جو ایک عوامی کمپنی جیسے ایٹرنل کے باہر بہتر طور پر آزمایا جا سکتا ہے۔‘‘

یہ بھی پڑھئے:’’اوینجرز: ڈومسڈے‘‘ کے ہدایتکار نے ’’دبنگ‘‘ میں سلمان خان کی تعریف کی

انہوں نے مزید کہا ’’گروپ سی ای او  کے طور پر، وہ روزانہ کے نفاذ، آپریشنل ترجیحات اور کاروباری فیصلوں کے ذمہ دار ہوں گے۔‘‘ گوئل نے بتایا کہ بلنک اِٹ  کے حصول سے لیکر بریک ایون تک کا سفر ڈھنڈسا نے سنبھالا، اور وہ ایٹرنل کی قیادت کے لیے مکمل طور پر اہل ہیں۔‘‘

یہ بھی پڑھئے:آسٹریلین اوپن :زینب سونمیز کی تاریخی پیش قدمی، تیسرے راؤنڈ میں پہنچ گئیں

رپورٹس کے مطابق
اکنامک ٹائمز کے ذرائع کے مطابق، فی الحال ڈھنڈسا بلنک اِٹ  کی قیادت بھی جاری رکھیں گے۔ قیادت کی منتقلی کے حصے کے طور پر، گوئل کے غیر مستحکم اسٹاک آپشنز دوبارہ ایمپلائی اسٹاک آپشن (ای ایس او پی )پول میں شامل ہوں گے۔گوئل نے ۲۰۰۸ء میں پنکج چندا کے ساتھ زوماٹو کی بنیاد رکھی تھی۔ یہ کمپنی ابتدا میں فوڈ ی بے  کے نام سے ایک ریسٹورنٹ مینو اور ریویو پلیٹ فارم کے طور پر شروع ہوئی، بعد میں یہ  ہندوستان  کی سب سے بڑی فوڈ ڈیلیوری کمپنیوں میں سے ایک بن گئی۔ گزشتہ سال کے دوران، گوئل نے ایٹرنل کے علاوہ کئی ڈیپ ٹیک، لمبی عمر اور تحقیقی منصوبوں پر بھی کام کیا ہے۔