آئی سی سی کی جانب سے جاری کردہ خواتین کھلاڑیوں کی تازہ ترین ون ڈے اور ٹی ۲۰؍ رینکنگ میں نیوزی لینڈ اور سری لنکا کی اسٹار کھلاڑیوں نے اپنی بہترین کارکردگی کی بدولت نمایاں ترقیاں حاصل کی ہیں۔ زمبابوے اور ویسٹ انڈیز کے خلاف حالیہ سیریز کے نتائج نے رینکنگ کے جدول میں بڑی تبدیلیاں پیدا کر دی ہیں۔

آئی سی سی کی جانب سے جاری کردہ خواتین کھلاڑیوں کی تازہ ترین ون ڈے اور ٹی ۲۰؍ رینکنگ میں نیوزی لینڈ اور سری لنکا کی اسٹار کھلاڑیوں نے اپنی بہترین کارکردگی کی بدولت نمایاں ترقیاں حاصل کی ہیں۔ زمبابوے اور ویسٹ انڈیز کے خلاف حالیہ سیریز کے نتائج نے رینکنگ کے جدول میں بڑی تبدیلیاں پیدا کر دی ہیں۔
نیوزی لینڈ کی نئی کپتان میلی کیر نے زمبابوے کے خلاف ہوم سیریز میں تاریخی کارکردگی دکھا کر رینکنگ میں اپنی پوزیشن مستحکم کر لی ہے۔دوسرے ون ڈے میں ۷؍ وکٹ حاصل کر کے وہ خواتین ون ڈے کرکٹ کی تاریخ میں یہ کارنامہ انجام دینے والی محض ساتویں کھلاڑی بن گئی ہیں۔ اس کارکردگی کی بدولت وہ بولرز کی فہرست میں ۵؍درجے ترقی کے ساتھ ۱۱؍ ویں نمبر پر آگئی ہیں، جبکہ آل راؤنڈرز میں وہ پانچویں پوزیشن پر پہنچ گئی ہیں۔

یہ بھی پڑھئے:انڈین ویلز: جوکووچ سخت مقابلے کے بعد پری کوارٹر فائنل میں پہنچ گئے

سیریز کے پہلے میچ میں ۱۵۷؍ رنز کی ناٹ آؤٹ   اننگز کھیلنے کے بعد  بروک بیٹرز کی رینکنگ میں ۸؍ درجے چھلانگ لگا کر ۱۱؍ ویں نمبر پر پہنچ گئی ہیں۔اپنی مستقل مزاج بیٹنگ کی بدولت میڈی گرین ۴؍ درجے بہتری کے ساتھ مشترکہ طور پر۲۲؍ ویں نمبر پر آگئی ہیں۔
انگلینڈ میں ہونے والے ویمن ٹی ۲۰؍ ورلڈ کپ سے قبل سری لنکا کی کھلاڑیوں نے ویسٹ انڈیز کے خلاف سیریز جیت کر رینکنگ میں بہتری پائی ہے۔

یہ بھی پڑھئے:’’ستارے زمین پر‘‘ کی او ٹی ٹی ریلیز، ۹؍ ماہ کا انتظار ختم

ویسٹ انڈیز کے خلاف فیصلہ کن میچ میں نصف سنچری اسکور کرنے کے بعد ہاسینی پریرا۱۵؍ درجے ترقی کے ساتھ ۲۸؍ ویں نمبر پر آگئی ہیں۔سری لنکن آل راؤنڈر کاویشا دلہاری نے بولرز کی فہرست میں ۲۱؍ ویں اور آل راؤنڈرز میں ۱۱؍ ویں پوزیشن حاصل کر لی ہے۔ تجربہ کار اسپنر  ایفی فلیچر (ویسٹ انڈیز) نے سیریز میں ۳؍وکٹ حاصل کر کے بولرز کی رینکنگ میں ۴؍درجے بہتری پائی اور اب وہ ساتویں نمبر پر موجود ہیں۔