بالی ووڈکےسب سے مشہور اسکرپٹ رائٹرز سلیم خان اور جاوید اختر پر مبنی دستاویزی سیریز’اینگری ینگ مین‘ ۲۰؍اگست کو ریلیز ہوگی۔

بالی ووڈکےسب سے مشہور اسکرپٹ رائٹرز سلیم خان اور جاوید اختر پر مبنی دستاویزی سیریز’اینگری ینگ مین‘ ۲۰؍اگست کو ریلیز ہوگی۔ سلیم خان کے بیٹے سلمان خان اور جاوید اخترکےبیٹے فرحان اختراوربیٹی زویا اختر نے مل کر سلیم جاوید کی جوڑی پر اینگری ینگ مین بنائی ہے یہ دستاویزی سیریز ایمیزون پرائم ویڈیو پر ۲۰؍اگست کو ریلیز کی جائے گی۔ سلمان خان نے کہا کہ بڑے ہوکر اپنے والد اور جاوید صاحب کو فلموں میں ایک ساتھ کام کرتے دیکھنا واقعی ایک حیرت انگیز تجربہ تھا۔ سنیما کے لیے ان کے شوق نے پوری نسل کے لیے ہیرو ازم کی تعریف بدل دی۔ میں ذاتی طور پر انہیں مستقبل میں دوبارہ ایک ساتھ کام کرتے دیکھنا پسند کروں گا۔ مجھے امید ہے کہ ان کے مداح اور ناظرین بھی یہی چاہتےہیں۔ یہ سیریز دونوں خاندانوں کے لیے خاص ہے۔ فرحان اخترنےبھی پوسٹر سوشل میڈیا پر شیئر کیا۔ انہوں نے لکھا، ’’وہ جوڑا جس نے ان گنت کہانیاں لکھیں۔ اب ان کی کہانی سننے کا وقت آگیا ہے۔ سلیم جاوید۲۰؍اگست کو اینگری ینگ مین کے ذریعے واپس آئے۔ ‘‘