مشہور کامیڈین کپل شرما کا کلرز ٹی وی کے ساتھ ۱۱؍ سال پرانا تنازع بالآخر حل ہو گیا۔ کپل ٹیلی ویژن پر واپس آ رہے ہیں، جہاں وہ’’لافٹر چیفس ان لمیٹڈ انٹر ٹینمنٹ‘‘ کے تیسرے سیزن میں نظر آئیں گے۔ اس شو میں کپل اپنے پرانے ساتھیوں کرشنا ابھیشیک اور بھارتی سنگھ کے ساتھ ناظرین کو محظوظ کریں گے۔

مشہور کامیڈین کپل شرما کا کلرز ٹی وی کے ساتھ ۱۱؍ سال پرانا تنازع بالآخر حل ہو گیا۔ کپل ٹیلی ویژن پر واپس آ رہے ہیں، جہاں وہ’’لافٹر چیفس ان لمیٹڈ انٹر ٹینمنٹ‘‘ کے تیسرے سیزن میں نظر آئیں گے۔ اس شو میں کپل اپنے پرانے ساتھیوں کرشنا ابھیشیک اور بھارتی سنگھ کے ساتھ ناظرین کو محظوظ کریں گے۔
 یہ واپسی نہ صرف کپل کے مداحوں کے لیے اچھی خبر ہے بلکہ ٹی وی انڈسٹری میں ایک بڑی تبدیلی کا اشارہ بھی ہے۔ کپل  کے داخلے  سے شو  کے کامیاب ہونے کی امید ہے کیونکہ وہ اپنی فلم کی تشہیر کے لیے بطور مہمان دکھائی دے رہے ہیں۔
کپل شرما اور کلرز ٹی وی کا رشتہ 
کپل شرما کا کلرز ٹی وی سے تعلق ۲۰۱۳ء میں اس وقت شروع ہوا جب ان کا شو ’کامیڈی نائٹس ود کپل‘ شروع ہوا۔ یہ شو بے حد مقبول ہوا، لیکن ۲۰۱۶ء میں معاملات خراب ہو گئے۔ کپل اور چینل کے درمیان پیشہ ورانہ اختلافات پیدا ہو گئے، جس کی وجہ سے کپل نے شو چھوڑ دیا اور سونی انٹرٹینمنٹ ٹیلی ویژن پر ’’دی کپل شرما شو‘‘ شروع کیا۔ اس تنازع کی وجہ سے کپل کبھی کلرز پر واپس نہیں آئے اور دونوں الگ الگ رہے۔ یہ صنعت میں ایک بڑا جھگڑا سمجھا جاتا تھا، جو  ۱۱؍سال تک جاری رہا۔ 

یہ بھی پڑھئے:نیپال: نقشہ کے ساتھ نیا کرنسی نوٹ جاری، ہندوستانی علاقے بھی شامل

اس دوران کپل نے نیٹ فلکس پر ’دی گریٹ انڈین کپل شو‘ جیسے پروجیکٹس کیے لیکن ٹی وی پر ان کی کمی محسوس کی گئی۔ اب، تقریباً ۱۱؍ سال بعد، کپل کی کلرز میں واپسی کو تنازع کا خاتمہ سمجھا جا رہا ہے۔

یہ بھی پڑھئے:فٹبال کی تاریخ میں انوکھا واقعہ، ۱۷؍ کھلاڑیوں کو ریڈ کارڈ

لافٹر شیفس سیزن ۳؍ کے ساتھ واپسی
کپل شرما’’لافٹر چیفس ان لمیٹڈ انٹرٹینمنٹ‘‘ کے تیسرے سیزن میں بطور مہمان شامل ہو رہے ہیں۔ یہ شو ایک منفرد فارمیٹ ہے جہاں ٹی وی کی مشہور شخصیات باورچی خانے میں کامیڈی اور کھانا پکانے کا امتزاج پیش کرتی ہیں۔ کپل یہاں اپنی آنے والی فلم ’کس کس کو پیار کروں۲‘‘ کی تشہیر کے لیے آئے ہیں۔ اس شو میں کرشنا ابھیشیک اور بھارتی سنگھ جیسے پرانے ساتھی بھی ہیں، جن کے ساتھ کپل ہمیشہ ہٹ رہے ہیں۔ پرومو میں کپل کو دیکھنے کے لیے مداح پرجوش ہیں۔ ایک مداح نے سوشل میڈیا پر لکھا  ’’کپل کی واپسی سے شو میں جان آئے گی‘۔‘‘ یہ ایپی سوڈ جلد ہی آن ایئر ہو جائے گا، اور توقع ہے کہ کپل اپنی سگنیچر کامیڈی سے ناظرین کو محظوظ کریں گے۔