فاطمہ ثنا آئندہ خواتین ایشیا کپ اور ایشیائی کھیلوں میں پاکستان ٹیم کی کپتانی کریں گی۔ سلیکٹرز نے ۲۸؍ اگست ۲۰۲۶ءسے دبئی میں شروع ہونے والے ۸؍ ٹیموں کے خواتین ایشیا کپ کے لیے ۱۵؍رکنی ٹیم کا اعلان کر دیا ہے۔

 فاطمہ ثنا آئندہ خواتین ایشیا کپ اور ایشیائی کھیلوں میں پاکستان ٹیم کی کپتانی کریں گی۔ سلیکٹرز نے ۲۸؍ اگست ۲۰۲۶ءسے دبئی میں شروع ہونے والے ۸؍ ٹیموں کے خواتین ایشیا کپ کے لیے ۱۵؍رکنی ٹیم کا اعلان کر دیا ہے۔ ثنا نے پاکستان کے سری لنکا دورے کے ٹی۲۰؍ مرحلے میں حصہ نہیں لیا تھا کیونکہ انہیں برمنگھم فینکس کے ساتھ اپنی ذمہ داریاں پوری کرنی تھیں۔ وہ اس ٹورنامنٹ میں کھیلنے والی پاکستان کی پہلی خاتون کھلاڑی بنیں۔ ٹیم میں سعدیہ اقبال کی بھی واپسی ہوئی ہے، جو سری لنکا دورے کا حصہ نہیں تھیں، اور گل فیروزہ بھی واپس آئی ہیں، جنہیں ٹی۲۰؍ مرحلے سے باہر رکھا گیا تھا لیکن انہوں نے ون ڈے میچ کھیلے تھے۔

Pakistan women’s squads announced for ACC Asia Cup and Asian Games

•DP World Women’s Asia Cup to be played from 28 August to 13 September in Dubai, UAE

•20th Asian Games women’s cricket tournament to take place from 17 to 22 September in Aichi-Nagoya, Japan

•Fatima Sana… pic.twitter.com/UygBQobAIr

— Amir Mir (@AmirMirpcb) August 16, 2026

یہ بھی پڑھئے:ہند۔ ایکواڈور کی جوڑی نے مسلسل دوسرا اے ٹی پی چیلنجر ڈبلز خطاب جیتا

سعدیہ، واحدہ اختر اور نجیہہ علوی ستمبر میں جاپان کے آیچی-ناگویا میں ہونے والے ایشیائی کھیلوں کے لیے پاکستان کی ٹیم کا حصہ نہیں ہیں۔ ان کی جگہ عالیہ ریاض، تسمیہ رباب اور ہمنہ بلال کو ایشیائی کھیلوں کی ٹیم میں شامل کیا گیا ہے۔ٹیم اتوار سے۲۵؍ اگست تک لاہور کی نیشنل کرکٹ اکیڈمی میں ۱۰؍ روزہ کیمپ میں حصہ لے گی۔ پاکستان اپنی ایشیا کپ مہم کا آغاز یکم ستمبر کو تھائی لینڈ کے خلاف کرے گا۔ ایشیائی کھیلوں کے کوارٹر فائنل میں بھی اس کا مقابلہ ۱۷؍ستمبر کو تھائی لینڈ سے ہی ہوگا، جو ایشیا کپ کے فائنل کے۴؍ دن بعد ہے۔

یہ بھی پڑھئے:ہند۔ ایکواڈور کی جوڑی نے مسلسل دوسرا اے ٹی پی چیلنجر ڈبلز خطاب جیتا

خواتین ایشیا کپ ۲۰۲۶ء کے لیے پاکستان کی ٹیم: فاطمہ ثنا (کپتان)، عائشہ ظفر، ایمان ناصر، ایمن فاطمہ، گل فیروزہ، مومنہ ریاضت، منیبہ علی صدیقی (وکٹ کیپر)، نجیہہ علوی، نشرہ سندھو، سادیہ اقبال، سائرہ جبین، شوال ذوالفقار، طوبیٰ حسن، امِ ہانی اور واحدہ اختر۔ ایشیائی کھیلوں  ۲۰۲۶ء کے لیے پاکستان کی خواتین ٹیم اس طرح ہے: فاطمہ ثنا (کپتان)، عالیہ ریاض، عائشہ ظفر، ایمان ناصر، ایمن فاطمہ، گل فیروزہ، ہمنہ بلال، مومنہ ریاضت، منیبہ علی صدیقی (وکٹ کیپر)، نشرہ سندھو، سائرہ جبین، شوال ذوالفقار، تسمیہ رباب، طوبیٰ حسن اور امِ ہانی۔