• Sun, 30 November, 2025
  • EPAPER

Inquilab Logo Happiest Places to Work

گایتری-ٹریسا نے ڈبلز خطاب برقرار رکھا، سری کانت فائنل میں ہارے

Updated: November 30, 2025, 9:00 PM IST | Lucknow

ہندوستان کی ویمنز ڈبلز جوڑی گایتری گوپی چند اور ٹریسا جولی نے جاپان کی کاہو اوساؤا اور مائی تانابے کو سخت مقابلے میں شکست دے کر اپنا سید مودی انٹرنیشنل خطاب برقرار رکھا، جبکہ کِدامبی سری کانت مینز سنگلز فائنل میں شکست کھا گئے۔

Gayatri And Teresa.Photo:INN
گایتری اور ٹیریسا۔ تصویر:آئی این این

ہندوستان کی ویمنز ڈبلز جوڑی گایتری گوپی چند اور ٹریسا جولی نے جاپان کی کاہو اوساؤا اور مائی تانابے کو سخت مقابلے میں شکست دے کر اپنا  سید مودی انٹرنیشنل خطاب برقرار رکھا، جبکہ کِدامبی سری کانت مینز سنگلز فائنل میں شکست کھا گئے۔ ویمنز ڈبلز کے فائنل میں گایتری اور ٹریسا نے ایک گیم سے  خسارے کے بعد شاندار واپسی کرتے ہوئے اوساؤا اور تانابے کو۱۷۔۲۱، ۱۳۔۲۱، ۱۵۔۲۱؍  سے ہرایا۔ مینز سنگلز میں سری کانت۱۶۔۲۱، ۲۱۔۸، ۲۰۔۲۲؍  سے ہار کر رنر اپ رہے۔
چوٹ سے  واپسی کے بعد اپنا دوسرا ٹورنامنٹ کھیل رہی گایتری نے ٹریسا کے ساتھ مل کر بغیر کوئی گیم گنوائے فائنل تک رسائی  کی تھی۔ تاہم فائنل میں مشکل اینڈ سے کھیلتے ہوئے انہیں   فارم  میں آنے میں وقت لگا اور وہ پہلا گیم ہار گئیں، مگر بعد میں ٹاپ سیڈیڈ  ہندوستانی جوڑی نے میچ پر مکمل کنٹرول حاصل کیا اورخطاب جیت لیا۔
بعد ازاں مینز سنگلز فائنل میں سری کانت ہانگ کانگ کے جیسن گناوان کے خلاف اپنے ۵؍ سال سے زائد عرصے کے خطاب کے انتظار کو ختم کرنے کے بہت قریب پہنچ گئے تھے۔ پہلا گیم ہارنے کے بعد سابق عالمی نمبر وَن  نے دوسرا گیم آسانی سے جیتا اور فیصلہ کن گیم میں۱۱۔۱۴؍ کی برتری بھی حاصل کی، مگر گناوان نے مسلسل ۶؍ پوائنٹ جیت کر میچ کا پانسہ پلٹ دیا۔

یہ بھی پڑھئے:آسٹریلیا اور انگلینڈ کے درمیان ایشیز سیریزکا دوسرا ٹیسٹ ۴؍دسمبر سےبرسبین میں

کدامبی سری کانت نے ایک بار پھر چار پوائنٹ جیت کر برتری لے لی، لیکن ۱۹۔۱۹؍ پر گناوان کے کامیاب ریویو نے انہیں میچ پوائنٹ دے دیا۔ سری کانت نے پہلا میچ پوائنٹ بچا لیا، مگر دوسرے پر انہوں نے شٹل لمبی مار دی اور رنر اپ بن کر رہ گئے۔

یہ بھی پڑھئے:دپیکا پڈوکون: استری کے بعد، ایک اور بھوت کا کردار آنے والا ہے

جاپان کی ہینا اکِیچی نے ترک کھلاڑی نیسلہان ایرِن کو ۱۴۔۲۱، ۱۶۔۲۱؍سے ہرا کر ویمنز سنگلز  خطاب جیتا۔ تھائی لینڈ کے پکاپون تیراتسکول اور سائپسِری تیاراتانچائی نے مکسڈ ڈبلز کا ٹائٹل جیتا، جبکہ ملائیشیا کے کانگ کھائی جِینگ اور ایرون تائی مینز ڈبلز کے چیمپئن بنے۔ 

متعلقہ خبریں

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK