• Sat, 29 November, 2025
  • EPAPER

Inquilab Logo Happiest Places to Work

وجے ورما کو گلزار کی جانب سے آٹوگراف اور حوصلہ افزا پیغام

Updated: November 29, 2025, 8:02 PM IST | Mumbai

وجے ورما نے ایک دل چھو لینے والا لمحہ شیئر کیا ہے جس میں انہیں معروف شاعر، نغمہ نگار اور فلمساز گلزار کا آٹوگراف اور حوصلہ افزائی پر مبنی نوٹ ملا۔ انسٹاگرام پر پوسٹ کرتے ہوئے وجے نے اسے اپنی زندگی کا ’’بالکل حقیقی اور خواب جیسا‘‘ لمحہ قرار دیا۔

Vijay Verma. Photo: INN
وجے ورما۔ تصویر: آئی این این

وجے ورما اپنی اداکاری کے شاندار دور سے گزر رہے ہیں۔ حال ہی میں ریلیز ہونے والی فلم ’’گستاخ عشق‘‘ میں ان کی رومانوی پرفارمنس نے ناظرین کا دل جیت لیا جبکہ چند ہی دن پہلے وہ لیجنڈ اداکار نصیرالدین شاہ کے ساتھ یادگار لمحات شیئر کر چکے ہیں۔ اب اس مشہور اداکار نے ایک ایسا جذباتی واقعہ بیان کیا ہے جسے وہ اپنی زندگی کا ’’حقیقی اور ناقابلِ یقین لمحہ‘‘ قرار دیتے ہیں۔ انسٹاگرام پر شیئر کئے گئے اپنے پوسٹ میں وجے ورما نے بتایا کہ انہیں گلزار صاحب کی جانب سے ایک آٹوگراف اور حوصلہ افزائی کے چند خاص الفاظ بطور تحفہ ملے۔ گلزار،جن کا اثر ہندوستانی شاعری، موسیقی اور سنیما پر کئی نسلوں تک پھیلا ہوا ہے،سے ایسا پیغام ملنا کسی بھی فنکار کیلئےایک عظیم اعزاز ہے۔

 
 
 
 
 
View this post on Instagram
 
 
 
 
 
 
 
 
 
 
 

A post shared by Vijay Varma (@itsvijayvarma)

وجے نے دستخط شدہ نوٹ کی تصویر شیئر کرتے ہوئے لکھا کہ ’’مجھے گلزار صاحب کی طرف سے یہ آٹوگراف ملا ہے اور میں نہیں جانتا کہ اسے کیسے قبول کروں۔ یہ بہت حقیقی لگتا ہے۔ اسے سوشل میڈیا پر شیئر کرنے میں مجھے کئی دن لگے۔ زندگی اچھی لگتی ہے، زندگی گلزار ہے۔‘‘ ان کے پوسٹ میں جھلکتی عاجزی اور جذبات یہ واضح کرتی ہے کہ اس لمحے نے انہیں کس قدر متاثر کیا۔
واضح رہے کہ وجے ورما ہمیشہ اپنے پیچیدہ، گہرے اور حقیقت پسندانہ کرداروں کیلئے جانے جاتے رہے ہیں۔ لیکن فلم ’’گستاخ عشق ‘‘میں ان کا نرم، رومانوی اور جذباتی روپ ان کے کریئر میں ایک نئی لہر لایا ہے۔ شائقین اور ناقدین دونوں نے ان کی اس تبدیلی کو سراہا، اور گلزار جیسے فنکار کی جانب سے ان کے کام کا اعتراف اس سفر کو مزید معنوی بنا دیتا ہے۔ گلزار کی انسانیت، محبت اور جذبات کی تہہ تک پہنچنے کی صلاحیت بے مثال ہے، اسی لئے ان کی طرف سے وجے کی کارکردگی کو سراہا جانا ایک ’’نایاب اعزاز‘‘ سمجھا جا رہا۔ 

یہ بھی پڑھئے: کیا کالم ٹرنر اگلے جیمز بونڈ (007) ہوسکتے ہیں؟

 وجے کے پوسٹ کے بعد سوشل میڈیا مبارکباد کے پیغامات سے بھر گیا۔ بہت سے مداحوں نے اسے “فل سرکا مومنٹ‘‘ قرار دیا،جہاں ایک فنکار کا سفر اپنی تخلیقی جڑوں تک پہنچ کر مکمل محسوس ہوتا ہے۔ پوسٹ کے بعد ’’گستاخ عشق‘‘ کیلئے لیے جوش و خروش مزید بڑھ گیا ہے، اور شائقین وجے کے رومانوی کردار کو ان کی بہترین کارکردگیوں میں شمار کر رہے ہیں۔

متعلقہ خبریں

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK