پاکستانی اداکارہ ہانیہ عامر نے فلم ’’اوم شانتی اوم‘‘ میں دپیکا پڈوکون کے سین کو دہرا کر انہیں خراج تحسین پیش کیا ہے۔

حال ہی میں پاکستانی اداکارہ ہانیہ عامر نے دپیکا پڈوکون کی فلم ’’اوم شانتی اوم‘‘میں ان کے تعارفی سین کو دہرا کر انہیں خراج تحسین پیش کیا ہے۔ یاد رہے کہ اس فلم میں شاہ رخ خان نے اداکاری کی تھی۔ انہوں نے اپنے انسٹاگرام پر ایک ویڈیو پوسٹ کیا ہے جس میں انہوں نے شانتی پریا کے طور پر دپیکا پڈوکون کا تعارفی سین دہرایا ہے۔ ہانیہ عامر راہل مشرا کی ڈیزائن کئے گئے سنہرے لباس میں شاندار نظر آرہی ہیں۔ ہانیہ عامرنےاپنی اداؤں سے اپنے مداحوں کو اپنی جانب راغب کیا۔ تاہم، صارفین کو محسوس ہوا کہ ہانیہ عامر نے ہوبہو دپیکا پڈوکون کی نقل نہیں کی۔

Hania in her shanti priya era👑❤🌟#HaniaAamir pic.twitter.com/69ozLwJVqo

— WaHania❤️🌹 (@fulmoni2345) February 23, 2025

ہانیہ عامر کی جانب سے شیئر کئے گئے ویڈیو میں دیکھا جاسکتا ہے کہ ہانیہ عامر اپنی کار سے باہر نکل رہی ہیںاور اپنے مداحوں کی جانب مسکراتے ہوئے دیکھ رہی ہیں جبکہ ان کے مداح ان کا انتظار کررہے ہیں۔ ویڈیو کلپ کی شروعات اس طرح ہوتی ہے کہ اعلان کرنے والا کہہ رہا ہے کہ ’’ اب آرہی ہیں اسٹار آف دی ایوننگ، اپنے آپ میں ڈریمی گرل شانتی پریا۔‘‘ویڈیو میں جب ہانیہ عامر چلتی ہیں تو فلم ’’اوم شانتی اوم‘ ‘میں کے کے کا نغمہ ’’آنکھوں میں تیری‘‘ بجتا ہے۔ دپیکا پڈوکون نے فلم میں گلابی رنگ کا لباس زیب تن کیا تھا جبکہ ہانیہ عامر نے سنہرے رنگ کا لباس پہنا ہوا تھا جسے ڈیزائنر راہل مشرا نے ڈیزائن کیا تھا۔ ہانیہ عامر ریڈ کارپیٹ پر چلتے ہوئے اپنے مداحوں کو ہاتھ دکھا رہی ہیں۔ 

یہ بھی پڑھئے: ہنسل مہتا کی فلم ’’شاہد‘‘ کو ۱۰؍سال مکمل، خصوصی اسکریننگ

ویڈیو پر مداحوں کا ری ایکشن 
ویڈیو پر ایک مداح نے کمینٹ کیا ہے کہ ’’ہانیہ اور ’’اوم شانتی اوم‘‘کی ان کی لت دنیا کے خلاف ہے۔‘‘دوسرے مداح نے لکھا ہے کہ ’’اتنی پیاری! صرف ان کے ڈمپلس کو دیکھئے۔‘‘تیسرے صارف نے لکھا ہے کہ ’’میں کیا دیکھ رہی ہوں۔ یہ شاہ رخ خان کے ساتھ فلم بنانے کی مستحق ہیں۔‘‘ تاہم، کچھ مداحوں نے محسوس کیا کہ ہانیہ عامر اور دپیکا پڈوکون میں بہت فرق ہے۔ ایک صارف نے لکھا ہے کہ ’’دپیکا کی بات ہی کچھ اور تھی۔‘‘دوسرے صارف نے لکھا ہے کہ ’’شانتی کے سامنے یہ زیرو ہے۔ ‘‘ یاد رہے کہ ہانیہ عامر کو آخری مرتبہ اے آر وائی ڈجیٹل کے ڈرامے ’’کبھی میں کبھی تم‘‘ میں دیکھا گیا تھا جس میں وہ فاحد مصطفیٰ کے مدمقابل تھیں۔