انوراگ کشیپ نے انکشاف کیا کہ انہیں فلم چھاوا کیوں پسند نہیں آئی۔ انوراگ کشیپ نے حال ہی میں وکی کوشل اور اکشے کھنہ اسٹارر چھاوا کے بارے میں بات کی اور انکشاف کیا کہ انہیں یہ فلم پسند نہیں آئی تھی۔ انہوں نے مزید کہا کہ وہ اداکار کے ساتھ رابطے میں نہیں ہیں۔

 دی للن ٹاپ   کے ساتھ ایک انٹرویو میں انوراگ کشیپ نے’چھاوا‘ کے کلائمکس کے کچھ حصوں کو دیکھنے کے بارے میں کہا اور کہا کہ انہیں یہ پسند نہیں آئے۔ انوراگ نے مزید وضاحت کی کہ انہوں نے اسے اپنے دوست ونیت کمار سنگھ کے لیے دیکھا تھا۔جب وکی کوشل کی اداکاری پر ان کی رائے کے بارے میں پوچھا گیا تو انوراگ نے جواب دیا کہ ’’میں ان دنوں ان سے زیادہ بات نہیں کرتا، میں اس کا فیصلہ نہیں کرسکتا کیونکہ ہر کسی کی اپنی وجوہات ہوتی ہیں، میں  نے وہی کہا جو میں کہنا چاہتا تھا۔‘‘

یہ بھی پڑھیئے:نوجوانوں کے اعتماد کے اپنے معیار ہوتے ہیں: امیتابھ بچن

انہوں نے مزید کہاکہ ’’اسی لیے میں نے ممبئی چھوڑا، ہر کسی کے اپنے عزائم ہوتے ہیں اور یہ ان پر منحصر ہے کہ وہ انہیں کیسے حاصل کرنا چاہتے ہیں۔ یہ میری ذمہ داری نہیں ہے۔ اس سے خود کو دور کرنے میں مجھے کچھ وقت لگا لیکن بالی ووڈ کا ماحول پیسے کے حوالے سے زیادہ ہو گیا ہے۔ لوگ اپنے فیصلے کرتے وقت `کروڑوں کو دیکھتے ہیں۔ یہی وجہ ہے کہ میں اس سے بھاگا ہوں۔ میں اس دنیا میں واپس نہیں جانا چاہتا۔‘‘
فلم کے بارے میں اور انہیں فلم کیوں پسند نہیں آئی  اس کے بارے میں تفصیل سے بات چیت کرتے ہوئے انوراگ نے کہاکہ ’’’چھاوا سے زیادہ، یہ مجھے پیشن آف کرائسٹ لگی، مجھے یہ پسند نہیں آئی، میں نے ان جذبات کی تعریف نہیں کی جو یہ ابھارنے کی کوشش کر رہے تھے۔ میں نے بنیادی طور پر اسے ونیت کے لیے دیکھا۔ میں فیصلہ نہیں کرنا چاہتا۔ میں فلم کی کہانی نہیں سمجھ سکا ۔ فلمساز نے مزید کہا کہ وہ پوری فلم نہیں دیکھ سکتے اور اس بات سے اتفاق کرتے ہیں کہ یہ ’استحصال‘ تھی۔ میں نے ویسے بھی ہندی فلمیں دیکھنا چھوڑ دی ہیں۔ میں نے دھڑک ۲، لاپتہ  لیڈیز اور چمکیلا دیکھی ہیں، بس۔‘‘