۲۳؍جون کو الکا یاگنک کو باوقار پدم بھوشن ایوارڈ سے نوازا گیا۔ اس موقع پر انہوں نے انسٹاگرام پر اپنی صحت کے بارے میں ایک جذباتی پیغام شیئر کیا اور اپنے مداحوں کا شکریہ ادا کیا۔

۲۳؍جون کو الکا یاگنک کو باوقار پدم بھوشن  ایوارڈ سے نوازا گیا۔ اس موقع پر انہوں نے انسٹاگرام پر اپنی صحت کے بارے میں ایک جذباتی پیغام شیئر کیا اور اپنے مداحوں کا شکریہ ادا کیا۔ الکا گزشتہ کچھ عرصے سے ایک ریئر بیماری سینسرینیورل ہیئرنگ لاس   سے خاموشی سے نبرد آزما ہیں۔اب گلوکارہ اِلا ارون نے ان لوگوں کو جواب دیا ہے جو الکا یاگنک کی گلوکاری پر شک کر رہے ہیں۔ انہوں نے کہا کہ الکا جلد ہی پوری توانائی کے ساتھ واپس آئیں گی۔
 کیا ہوا؟
اِلا ارون نے لکھا’’میں دیکھ رہی ہوں کہ کچھ لوگ یہ تبصرے کر رہے ہیں کہ پدم بھوشن ملنے کے بعد الکا یاگنک جی اب گانا نہیں گا سکتیں۔ یہ بہت افسوسناک بات ہے۔ کسی بھی فنکار کے لیے، چاہے وہ گلوکار ہو، مصور ہو یا اداکار، یہ سننا کہ وہ اب اپنا پسندیدہ کام نہیں کر سکتا، انتہائی تکلیف دہ ہوتا ہے۔ فن صرف آواز، ہاتھ یا اسٹیج میں نہیں بلکہ روح میں بستا ہے۔‘‘

 

 

 

 

 

View this post on Instagram

 

 

 

 

 

 

 

 

 

 

 

A post shared by Ila Arun (@llaarun)

انہوں نے مزید کہا’’الکا جی نے کئی دہائیوں تک ہندوستان کو اپنی جادوئی آواز سے نوازا ہے۔ پورا ملک ان کے پدم بھوشن پر فخر کرتا ہے، اور بجا طور پر کرتا ہے۔ ہمیں ان کی خدمات کو نہیں بھولنا چاہیے۔ کرشمے ہوتے ہیں، طاقت واپس آتی ہے، اور آوازیں بھی اپنا راستہ دوبارہ پا لیتی ہیں۔ مجھے ان کے ساتھ کئی گانے گانے کا اعزاز حاصل ہوا ہے، اور میں دوبارہ ان کے ساتھ گانے کی منتظر ہوں۔‘‘
آخر میں اِلا ارون نے لکھا’’میں آپ سے محبت کرتی ہوں، پیاری الکا۔ آپ کی ہمت اور مثبت سوچ قابلِ تعریف ہے۔ مجھے یقین ہے کہ آپ جلد ہی پوری آب و تاب کے ساتھ واپس آئیں گی۔ بہت سارا پیار اور دعائیں۔‘‘ الا ارون اور الکا یاگنک نے کرن ارجن، امانت، ناجائز، بندش  اور کھلنائیک  جیسی فلموں میں کئی مشہور گانے گائے، جن میں سب سے مقبول ’’چولی کے پیچھے کیا ہے‘‘ ہے۔

یہ بھی پڑھئے:ڈونالڈ ٹرمپ کے غزہ امن بورڈ پر فلسطینی ریاست کے قیام کے امکان کوکچلنے کا الزام

 الکا یاگنک کی انسٹاگرام پر صحت سے متعلق اپ ڈیٹ
الکا یاگنک نے نئی دہلی کے راشٹرپتی بھون  میں منعقدہ تقریب میں صدر دروپدی مرمو  سے پدم بھوشن وصول کیا۔ اگلے روز انہوں نے انسٹاگرام پر ایک جذباتی پیغام شیئر کرتے ہوئے لکھا’’گزشتہ دو برسوں سے میں عوامی تقریبات اور میڈیا کی نظروں سے دور رہی۔ آپ میں سے بہت سے لوگ جانتے ہیں کہ میں صحت کے مسائل سے گزر رہی ہوں، لیکن اس دوران آپ کی محبت، دعائیں، پیغامات اور مسلسل حمایت میرے ساتھ رہی۔‘‘

یہ بھی پڑھئے:سائی سدرشن کی سنچری، انڈیا ’اے‘ کی پوزیشن مضبوط

انہوں نے مزید کہا’’آج جب میں نے ملک کے اعلیٰ ترین شہری اعزازات میں سے ایک، پدم بھوشن، وصول کیا تو میرا دل شکرگزاری سے بھرا ہوا تھا۔ اگرچہ یہ اعزاز میرے نام سے منسوب ہے، لیکن حقیقت میں یہ ان تمام لوگوں کا بھی ہے جنہوں نے میری آواز کو اپنی زندگیوں کا حصہ بنایا، میری نسل در نسل گائی ہوئی دھنوں کو زندہ رکھا، اور خوشی و آزمائش دونوں میں میرا ساتھ دیا۔‘‘ انہوں نے اس لمحے کو اپنی زندگی میں امید، محبت اور ثابت قدمی کی علامت قرار دیتے ہوئے کہا کہ وہ آہستہ آہستہ صحت یاب ہو رہی ہیں اور اپنے مداحوں کی محبت کے احترام میں اس تقریب میں شریک ہوئیں۔ انہوں نے صدرِ ہند، وزیرِ اعظم نریندر مودی، وزارتِ داخلہ اور حکومتِ ہند کا شکریہ ادا کرتے ہوئے کہا کہ وہ یہ اعزاز انتہائی عاجزی اور احترام کے ساتھ قبول کرتی ہیں۔  آخر میں انہوں نے اپنے مداحوں کا ایک بار پھر شکریہ ادا کرتے ہوئے لکھا’’  آپ کی محبت، مہربانی، دعائیں اور برسوں کا اعتماد میری سب سے بڑی طاقت رہے ہیں۔ آج میں نے صرف ایک ایوارڈ قبول نہیں کیا، بلکہ لاکھوں لوگوں کی محبت کو محسوس کیا جو میری زندگی کے اس سفر کا حصہ رہے ہیں۔ شکریہ۔ محبت کے ساتھ، الکا۔‘‘