فلم ’دُھرندھر‘کے کریڈٹ میں راہل گاندھی کا نام پڑھ کر سامعین حیران رہ گئے۔ ان کا اسکرین شاٹ اس وقت سوشل میڈیا پر وائرل ہو رہا ہے۔ اس پر نیٹیزنز مختلف ردعمل دے رہے ہیں۔ نیٹیزنز راہل گاندھی سے طنزیہ سوال پوچھ رہے ہیں، آپ کس فیلڈ میں ہیں؟

فلم  ’دُھرندھر‘ میں رنویر سنگھ، اکشے کھنہ، ارجن رامپال، آر مادھون، سنجے دت، سارہ ارجن اہم کرداروں میں ہیں اور یہ  بالی ووڈ میں بلاک بسٹر فلم بن رہی ہے۔ فلم نے اب تک  ہندوستان  میں ۳۵۰؍کروڑ اور دنیا بھر میں ۵۵۰؍کروڑ سے زیادہ کی کمائی کی ہے۔ کمائی کا یہ اعداد و شمار اس کی ریلیز کے صرف  ۱۰؍ دنوں میں ہے۔ اس فلم کی ڈائریکشن، اس کے اداکار، سین، کہانی، سبھی کو شائقین اور ناقدین کی جانب سے سراہا جا رہا ہے۔ لیکن اس کے ساتھ ہی اس فلم کے شروع میں دکھائے گئے کریڈٹس میں ایک نام کا سوشل میڈیا پر کافی چرچا ہو رہا ہے۔ اس فلم کے ایگزیکٹیو پروڈیوسرس کا نام پڑھ کر ناظرین حیران رہ گئے۔

Which RAHUL GANDHI is this!!😭

I guess the REAL one😂#Dhurandhar pic.twitter.com/PH6P5yTYNG

— shubh (@shubbh18_) July 8, 2025

 راہل گاندھی ’دُھرندھر‘ کے ایگزیکٹیو پروڈیوسر ہیں؟
`فلم  ’دُھرندھر‘ کے افتتاحی کریڈٹ میں بطور ایگزیکٹیو پروڈیوسر راہل گاندھی  کا نام پڑھ کر سامعین حیران رہ گئے ۔ اس کا ایک اسکرین شاٹ فی الحال ٹویٹر پر وائرل ہو رہا ہے۔ اس نام کو پڑھ کر نیٹیزین الجھن میں ہیں۔ بہت سے لوگوں نے سوچا ہے کہ کیا ایگزیکٹیو پروڈیوسر کانگریس کے رکن اور لوک سبھا میں اپوزیشن لیڈر راہل گاندھی ہیں۔ اس پر نیٹیزنز نے مختلف ردعمل بھی دیا ہے۔ ’’بھائی صاحب، کس کھیت سے آئے ہیں؟‘‘ ایک شخص نے پوچھا۔ جب کہ ایک اور نے لکھاکہ  انتخابات ہارنے کے بعد راہل گاندھی کے کریئر میں ایک بڑی تبدیلی۔

یہ بھی پڑھئے:نومبر میں تجارتی خسارہ کم ہو کر۵۳ء۲۴؍ بلین ڈالر ہوا، برآمدات میں بہتری

اصل حقیقت کیا ہے؟
راہل گاندھی کے نام کے پیچھے کی حقیقت، جو  ’دُھرندھر‘کے ابتدائی کریڈٹ میں نظر آتی ہے، مختلف ہے۔  ’دُھرندھر‘ کے ابتدائی کریڈٹ میں ذکر کردہ راہل گاندھی کا سیاست سے کوئی لینا دینا نہیں ہے۔ راہل گاندھی بالی ووڈ انڈسٹری کے سینئر پروڈیوسر ہیں اور ہندی فلم انڈسٹری سے طویل عرصے سے وابستہ ہیں۔ وہ اس سے قبل رستم، بامبے  ڈائریز، راکٹ بوائز، `فرضی، دی فیملی مین ، لکی بھاسکر  جیسی کامیاب فلمیں اور ویب سیریز پروڈیوس کر چکے ہیں۔

یہ بھی پڑھئے:سونے کی درآمدات میں ۵۹؍ فیصد کمی، چاندی کی درآمدات میں۱۲۵؍ فیصد اضافہ

فلم دھُرندھر کا دوسرا حصہ
فلم  ’دُھرندھر‘۲: دی ریوینج  اگلے سال عید الفطر پر ۱۹؍ مارچ ۲۰۲۶ء کو ریلیز ہونے والا ہے۔ یہ جاسوس تھرلر فلم آدتیہ دھر نے لکھی، شریک پروڈیوس اور ہدایت کاری کی ہے۔ ملٹی اسٹارر فلم ہونے کے باوجود اس میں ہر کردار کو یکساں انصاف دیا گیا ہے۔ فلم نے اب تک دنیا بھر میں ۵۵۰؍کروڑ روپے سے زیادہ کی کمائی کی ہے۔