بالی ووڈ کی اداکارہ نے کہا:میں اس فلم میں `آدھی تمل اور آدھی ملیالی زبان بولے والی لڑکی کا کردار ادا کر رہی ہوں۔

بالی ووڈ اداکارہ جھانوی کپور ان دنوں اپنی آنے والی فلم پرم سندری کے تعلق سے کافی بحث میں ہیں جس میں وہ اداکار سدھارتھ ملہوترا کے ساتھ نظر آئیں گی۔ ریلیز سے قبل اداکارہ مختلف طریقوں سے فلم کی تشہیر کرتی ہوئی نظر آرہی ہیں۔ دریں اثنا، جھانوی  کپور نے اپنی آنے والی فلم میں اپنے کردار کا انکشاف کیا ہے۔
جھانوی کپور نے کہاکہ ’’ایک فنکار کے طور پر نہیں، بلکہ ایک ناظرین کے طور پر، میں طویل عرصے سے    ایک رومانوی کامیڈی فلم کرنا چاہتی تھی۔ ایسی ہلکی پھلکی رومانوی فلم، جو چہرے پر مسکراہٹ لے کر آئے۔ آخر کار میں نے ایک ایسی کہانی کا انتخاب کیا  ہے، جو مجھے اپنی جڑوں میں واپس لے جاتی ہے۔ ‘‘
جھانوی نے فلم پرم سندری میں اپنے کردار کے بارے میں ایک دلچسپ بات بھی شیئر کی۔ انہوں نے کہاکہ ’’میں ملیالی نہیں ہوں، نہ میری ماں تھی لیکن فلم میں میرا کردار آدھا تمل اور آدھا ملیالی ہے۔‘‘
اپنے آنے والے پروجیکٹس کے بارے میں بات چیت کرتے ہوئے، جھانوی کپور نے کہا کہ ان کے پاس ایک مضبوط لائن اپ ہے۔ وہ کرن جوہر کی سنی سنسکاری تلسی کماری میں ورون دھون کے مقابل نظر آئیں گی اور رام چرن کے ساتھ اپنی پہلی پین انڈیا فلم پیڈی میں اسکرین شیئر کریں گی۔