جے کے رولنگ نے آنے والی ہیری پوٹر سیریز کے ٹیزر کو اپنے ’خوشگوار‘ تاثرات کے ساتھ سراہا ہے، جبکہ فینز کی رائے منقسم ہے۔ نئے پروفیسر سنیپ کی کاسٹنگ اور کتاب کے مطابق مناظر انٹرنیٹ پر موضوع بحث بن گئے ہیں۔

جیسے جیسے انٹرنیٹ پر آنے والے ہیری پوٹر سیریز کو لے کر اختلاف رائے بڑھ رہا ہے، مصنفہ جے کے رولنگ نے اپنی منظوری دے دی ہے اور کہا کہ وہ ’’خوش‘‘ ہیں۔ اچھی خبر یہ ہے کہ ہبی او بی او کی آنے والی ویزارڈنگ ورلڈ سیریز کے ٹیزر کے بعد رولنگ نے ایک فین کے کمنٹ کا جواب دیا اور لکھا، ’’یہ لاجواب ہونے والا ہے۔ میں اس پر بہت خوش ہوں۔ ‘‘یہ ٹویٹ اس فین کے جواب میں آیا جس نے کہا کہ ٹیزر’’زبردست لگ رہا ہے‘‘اور مزید کہا، ’’میں انتظار نہیں کر سکتا، اور جیسا کہ مجھے لگتا ہے، باقی دنیا بھی نہیں کر سکتی۔ ‘‘ہبی او بی او نے بدھ کو آنے والی فینٹسی سیریز ہیری پوٹر اور فلوسفرز اسٹون کا بہت انتظار کئے جانے والا ٹیزر جاری کیا۔ 

Hey @jk_rowling The trailer for the new Harry Potter looks bloody marvellous. I cannot wait, and as it seems to me, neither can the rest of the world❤️🪄

— LudicrousMoniker (@LudicrousMonica) March 26, 2026

جہاں کچھ فین ’کتاب کے مطابق‘ مناظر دیکھ کر خوش ہوئے، وہیں ایک بڑی تعداد صارفین اداکار پاپا ایسیدو کو پروفیسر سیورَس سنیپ کے کردار میں دیکھ کر ناخوش ہوئی۔ اصل فلم سیریز میں، جو جے کے رولنگ کی کتابوں پر مبنی تھی، ایلن رِک مین نے اس مشہور کردار کو نبھایا تھا۔ اس سال کے شروع میں، جب ہبی او بی او نے ایسیدو کی کاسٹنگ کا اعلان کیا، تو اداکار کو نسلی تنقید اور جان سے مارنے کی دھمکیوں کا سامنا کرنا پڑا۔ اصل کتاب کے شائقین اس بات سے ناخوش ہوئے کیونکہ سنیپ کو ’سیاہ فام‘ کے طور پر پیش کرنا کتاب کے بیان کے مطابق ایک ہلکے رنگت والے، ہک ناک والے سفید آدمی سے مختلف ہے۔ 

It`s going to be incredible. I`m so happy with it.

— J.K. Rowling (@jk_rowling) March 26, 2026

ہیری پوٹر فرنچائز کو پہلے آٹھ فلموں میں ڈھالا گیا تھا جو۲۰۰۱ءسے ۲۰۱۱ءکے درمیان ریلیز ہوئیں، جس میں ڈینیل ریڈکلف مرکزی کردار میں تھے، جبکہ رپرٹ گرنٹ اور ایما واٹسن نے رون اور ہرمائنی کے کردار نبھائے۔ اس بار، گولڈن ٹریو کو ڈومینک میک لاکلن، عربیلا اسٹینٹن، اور السٹیر سٹاؤٹ ادا کریں گے، جو بالترتیب ہیری، اس کی ذہین دوست ہرمائنی گرینجر، اور اس کے سرخ بالوں والے بہترین دوست رون ویسلی کے کردار میں ہوں گے۔ فی الحال وارنر بروز اسٹوڈیوز لیوزڈن میں پروڈکشن جاری ہے، اور نئی سیریز میں جینیٹ مک ٹیر منیورہ مک گوناگل کے کردار میں ہیں۔ یہ پروجیکٹ شو رنر فرانسیسکا گارڈین اور ڈائریکٹر مارک میلود کی قیادت میں ہے، جبکہ ایگزیکٹو پروڈیوسرز میں رولنگ، نیل بلیر، روتھ کینلے-لیٹس اور ڈیوڈ ہیمن شامل ہیں۔