جولی ایل ایل بی۳؍ او ٹی ٹی پر: سپر اسٹار اکشے کمار اور ارشد وارثی کا کورٹ روم ڈرامہ ’’جولی ایل ایل بی ۳‘‘ او ٹی ٹی پر ریلیز کے لیے تیار ہے۔ حیرت کی بات یہ ہے کہ فلم کو ایک نہیں بلکہ دو او ٹی ٹی پلیٹ فارمز پر آن لائن اسٹریم کیا جائے گا۔

فلم ’’جولی ایل ایل بی۳‘‘ کی او ٹی ٹی ریلیز، ایک کورٹ روم ڈرامہ کامیڈی جس نے تقریباً دو ماہ قبل سنیما گھروں میں شائقین کو خوب محظوظ کیا تھا، توجہ حاصل کر رہا ہے۔ اکشے کمار، ارشد وارثی اور سوربھ شکلا کی اداکاری سے سجی فلم نے باکس آفس پر غیر معمولی کارکردگی کا مظاہرہ کیا۔ اب، فلمسازوں  نے اس کی  اوٹی ٹی ریلیز کے حوالے سے ایک انوکھا طریقہ اختیار کیا ہے۔فلم ’’جولی ایل ایل بی۳‘‘کو ایک نہیں بلکہ دو او ٹی ٹی  پلیٹ فارمز پر ایک ساتھ آن لائن اسٹریم کیا جائے گا۔
فلم ’’جولی ایل ایل بی۳‘‘ او ٹی ٹی پر کب اور کہاں ریلیز ہوگی؟
یہ اکثر دیکھا گیا ہے کہ کسی بھی کامیاب فلم کو اپنی او ٹی ٹی  ریلیز کے لیے۴۵؍ سے ۶۰؍ تک  دن انتظار کرنا پڑتا ہے۔ ایسی ہی صورتحال اب فلم ’’جولی ایل ایل بی۳‘‘ کے ساتھ دیکھی جا رہی ہے، جو تقریباً  ۵۰؍دنوں کے بعد آن لائن اسٹریم کرنے کے لیے تیار ہے۔ خیال کیا جاتا ہے کہ فلم ’’جولی ایل ایل بی۳‘‘  ۱۴؍نومبر کواو ٹی ٹی پر ریلیز ہوگی۔ یہ بات قابل غور ہے کہ اسے  او ٹی ٹی  پلیٹ فارمزنیٹ فلکس اور  جیو ہاٹ اسٹار پر بیک وقت جاری کیا جا سکتا ہے۔اگر ایسا ہوتا ہے، تو آپ نیٹ فلکس اور  جیو ہاٹ اسٹار پر گھر بیٹھے اس فلم سے لطف اندوز ہو سکتے ہیں۔
 اگر آپ نے ابھی تک فلم ’’جولی ایل ایل بی۳‘‘ نہیں دیکھی ہے تو ۱۴؍ نومبر کا انتظار کریں اور اس شاندار کورٹ روم ڈرامہ تھرلر سے لطف اندوز ہوں۔فلم ’’جولی ایل ایل بی۳‘‘ میں اکشے کمار اور ارشد وارثی کی جوڑی نے شائقین کو خوب محظوظ کیا، جب کہ اس کی کہانی نے ناظرین سے لے کر ناقدین تک سب کو متاثر کیا۔ مزید برآں، اداکار سوربھ شکلا کی جج سندر لال ترپاٹھی کے کردار نے سب کو اپنی طرف متوجہ کیا۔ 

یہ بھی پڑھئے:ظہران ممدانی کی جیت ذاتی محسوس ہورہی ہے: رسیکا دگل اور شیفالی شاہ ، ٹرولنگ کا شکار

فلم ’’جولی ایل ایل بی۳‘‘ باکس آفس پر کامیاب رہی ہے۔بالی ووڈ ہنگامہ کی رپورٹ بتاتی ہے کہ فلم ’’جولی ایل ایل بی۳‘‘ کا باکس آفس کلیکشن ۱۱۳؍ کروڑ  سے تجاوز کر گیا ہے، جو اس کی تجارتی کامیابی کا ثبوت ہے۔ خیال رہے  کہ فلم ’’جولی ایل ایل بی۳‘‘اکشے کمار کی سال کی چوتھی فلم تھی۔