کاجول اور ٹوئنکل کھنہ کا نیا چیٹ شو امیزون پرائم ویڈیو انڈیا پر جلد ہی ریلیز ہوگا جس میں بالی ووڈ کی مشہور اور اہم شخصیات پردے کے پیچھے کے واقعات اور اپنی ذاتی زندگی کے متعلق بات چیت کریں گی۔

بالی ووڈ میں اپنی منفرد شناخت بنانے والی کاجول اور ٹوئنکل کھنہ ایک نئے او ٹی ٹی چیٹ شو کی تیاری کررہی ہیں جس میں ہندوستانی سنیما کے چند مشہور ستارے بھی نظر آئیں گے۔ فلم فیئر ڈاٹ کام کے مطابق آنے والی سیریز، جو خصوصی طور پر امیزون پرائم ویڈیو انڈیا پر نشر ہوگی، میں بالی ووڈ کے بڑے نام ہوں گے جو پردے کے پیچھے کی کہانیاں شیئر کریں گے۔ شو کی جھلکیوں میں شاہ رخ خان اور کاجول ساتھ نظر آئے۔ یہ جوڑی باکس آفس پر بلاک بسٹر فلمیں دینے کیلئے مشہور ہے۔ دونوں ایک مرتبہ پھر اسکرین پر نظر آئیں گے اور پردے کے پیچھے کی چند دلچسپ باتیں بتائیں گے۔ اس شو میں عامر خان، ٹوئنکل کھنہ، اجے دیوگن اور اکشے کمار بھی شامل ہیں۔ 

#NewsBreak | Two of Bollywood’s most beloved personalities, Kajol and Twinkle Khanna, are teaming up for an exciting new project, a joint chat show set to stream on Amazon. The limited series will span eight episodes with some of the industry`s biggest names.#News #Celebs pic.twitter.com/QOYSOCDthA

— Filmfare (@filmfare) July 2, 2025

شو کے فارمیٹ کا مقصد ناظرین کو ان مشہور شخصیات کی آف اسکرین زندگیوں کی ایک جھلک دینا ہے جو اکثر عوامی نمائش میں محفوظ رہتے ہیں۔ کاجول اور ٹوئنکل کے درمیان دوستی اس سیریز کی بنیادی طاقت ہے۔ دریں اثنا، کاجول بڑی اسکرین پر اپنی کامیاب دوڑ جاری رکھے ہوئے ہیں۔ ۲۷؍ جون کو ان کی فلم ’’ماں‘‘ ریلیز ہوئی ہے ۔