کنگنا رناوت کی نئی فلم ’’بھارت بھاگیہ ودھاتا‘‘ ۱۲؍ جون ۲۰۲۶ء کو سنیما گھروں میں ریلیز ہونے جا رہی ہے، جہاں اس کا مقابلہ دلجیت دوسانجھ کی فلم ’’مَیں واپس آؤں گا‘‘ سمیت کئی بڑی ریلیز سے ہوگا۔ ممبئی کے ۲۶؍ نومبر حملوں کے پس منظر میں بننے والی یہ فلم کاما اسپتال کے عملے کی قربانیوں اور بہادری پر مبنی ہے۔ کنگنا نے فلم کو ’’خاموش ہمت اور انسانیت کی کہانی‘‘ قرار دیا ہے۔ دلچسپ بات یہ ہے کہ سوشل میڈیا پر ماضی کے تلخ تنازعات کے بعد اب کنگنا اور دلجیت کی فلمیں براہ راست باکس آفس پر ٹکرانے جا رہی ہیں۔

کنگنا رناوت اور دلجیت دوسانجھ کے درمیان ماضی میں ہونے والے سوشل میڈیا تنازعات کافی عرصے تک خبروں کی زینت بنے رہے، لیکن اب دونوں ستارے ایک نئی قسم کے مقابلے کے لیے تیار ہیں، باکس آفس ٹکراؤ۔ کنگنا رناوت کی آنے والی فلم ’’بھارت بھاگیہ ودھاتا‘‘ ۱۲؍ جون ۲۰۲۶ء کو سنیما گھروں میں ریلیز ہونے جا رہی ہے۔ اسی روز دلجیت کی فلم ’’مَیں واپس آؤں گا‘‘ بھی ریلیز ہوگی، جس کے باعث شائقین کی توجہ اس ممکنہ باکس آفس مقابلے پر مرکوز ہو گئی ہے۔ فلم ’’بھارت بھاگیہ ودھاتا‘‘ کو ’’عام لوگوں کی غیر معمولی کہانی‘‘ قرار دیا جا رہا ہے۔ یہ فلم ممبئی کے کاما اسپتال کے پس منظر میں ترتیب دی گئی ہے اور اس کی کہانی صرف ایک رات کے دوران پیش آنے والے واقعات پر مبنی ہے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Manikarnika Films Production (@manikarnikafilms)

ہدایتکار منوج تپاڈیہ کی اس فلم میں ۲۶؍ نومبر دہشت گرد حملوں کے دوران اسپتال کے عملے کی بہادری اور قربانی کو دکھایا گیا ہے۔ رپورٹس کے مطابق حملوں کے دوران کاما اسپتال ان مقامات میں شامل تھا جہاں ڈاکٹروں، نرسوں، وارڈ بوائز، کلینرز، لفٹ آپریٹرز، سیکوریٹی اسٹاف اور انتظامی عملے نے شدید خوف اور خطرے کے باوجود تقریباً ۴۰۰؍ مریضوں کی جان بچانے کے لیے مسلسل کام جاری رکھا۔ کنگنا نے فلم کے بارے میں بات کرتے ہوئے کہا کہ لوگ اکثر بلند آواز بہادری کو یاد رکھتے ہیں، لیکن اصل ہمت خاموش ہوتی ہے۔

یہ بھی پڑھئے: ایکتا کپور نے اکشے کمار کو فلم انڈسٹری کا سہارا قرار دیا

ان کے مطابق ’’بھارت بھاگیہ ودھاتا‘‘ ہمت، قربانی، انسانیت اور اتحاد کی ان کہی کہانی ہے، ان لوگوں کی کہانی جو دہشت اور زندگی کے درمیان کھڑے رہے۔‘‘ اداکارہ نے مزید کہا کہ یہ ان لوگوں کو خراج پیش کرنے والی فلم ہے جنہوں نے شہر کے مشکل ترین لمحات میں سب کچھ سنبھالے رکھا۔ فلم میں کنگنا کے ساتھ گریجا اوک، سمیتا تامبے، امروتھا نام دیو، ایشا ڈے، پریا بردے، آشا شیلار، سوہیتا ٹھٹے، رسیکا اگھاسے، آدتیہ مشرا اور زاہد خان بھی اہم کردار ادا کر رہے ہیں۔ دلچسپ بات یہ ہے کہ ۱۲؍ جون ۲۰۲۶ء کو باکس آفس پر صرف کنگنا اور دلجیت کی فلمیں ہی نہیں بلکہ دیگر کئی بڑی ریلیز بھی ایک دوسرے سے ٹکرائیں گی۔ ان میں منوج باجپائی کی گورنر‘‘ اور میمو چکرورتی کی ’’ہانٹیڈ تھری ڈی‘‘ شامل ہیں۔

یہ بھی پڑھئے: فلم ’’جَن نائیکن‘‘ کے نئے ویڈیو نے دھوم مچادی، وجے کے نام کے ساتھ جڑا خاص ٹائٹل

واضح رہے کہ کنگنا اور دلجیت کے درمیان ماضی میں کسان احتجاج اور سیاسی بیانات پر کئی بار سوشل میڈیا جنگ دیکھنے کو ملی تھی، جس کے بعد دونوں کے مداح بھی مختلف مواقع پر آمنے سامنے آتے رہے۔ اب شائقین کی نظریں اس بات پر ہیں کہ سنیما گھروں میں کون سی فلم زیادہ مضبوط کارکردگی دکھاتی ہے۔