رشبھ شیٹی کی فلم ’’کانتارا چیپٹر ۱‘‘ باکس آفس پر کامیابی کے ریکارڈ بنارہی ہے۔ فلم کی غیر معمولی مقبولیت کے ساتھ، مداحوں کا جنون سنیما ہالوں سے سوشل میڈیا تک پھیل چکا ہے۔ تمل ناڈو کے ڈنڈیگل میں ایک مداح نے پنجورلی دیوتا کا لباس پہن کر تھیٹر میں داخل ہو کر سب کو حیران کر دیا۔

ڈنڈیگل کے ایک تھیٹر میں ’’کانتارا چیپٹر ۱‘‘ کی حالیہ اسکریننگ کے دوران، ایک پرستار پنجورلی دیوتا کے روپ میں نمودار ہوا۔ تماشائیوں نے اس منظر کو کیمرے میں قید کر کے سوشل میڈیا پر شیئر کیا، جو دیکھتے ہی دیکھتے وائرل ہوگیا۔ اس سے قبل، بنگلورو میں بھی ایک مداح کو تھیٹر کے باہر رشبھ شیٹی کے کردار کی نقل کرتے ہوئے دیکھا گیا تھا۔ اگرچہ کئی مداحوں نے اس جذبے کو سراہا، لیکن کچھ افراد نے اسے مذہبی رسومات اور لوک عقائد کی ’’بے حرمتی‘‘ قرار دیا۔ ایک صارف نے تبصرہ کیا، ’’یہ بہت غلط ہے۔ دیوتا ہمارے لئے مقدس ہیں، براہ کرم ایسے انداز میں نقل نہ کریں۔‘‘

یہ بھی پڑھئے:بابی دیول نے بالی ووڈ میں۳۰؍ سال مکمل کر لیے

What a divine moment in Dindigul! 🔥 After the screening of Kantara Chapter 1, a fan dressed as a Daiva stunned everyone — pure goosebumps! The audience is going crazy for the Kantara magic once again! 🙌✨#KantaraChapter1 #Daiva #RishabShetty #DivineMoment #IndianCinema… pic.twitter.com/I3kzKj66CH

— Sabharwal (@GulshanKum6415) October 5, 2025

رشبھ شیٹی کی تحریر و ہدایت کاری میں بننے والی ’’کانتارا چیپٹر ۱‘‘ ۲؍ اکتوبر کو کنڑ، ہندی، تیلگو، ملیالم، تمل، بنگالی اور انگریزی زبانوں میں ریلیز ہوئی۔ فلم میں رشبھ کے ساتھ رکمنی وسنت، جے رام اور گلشن دیویا اہم کرداروں میں نظر آتے ہیں۔ کدمبا خاندان کے پس منظر میں بنی یہ فلم قدیم روایات اور بوٹا کولا جیسے رسومات پر مبنی ہے۔ یہ ۲۰۲۲ء کی سپر ہٹ فلم ’’کانتارا‘‘ کا پریکوئل ہے، جس نے اب تک عالمی سطح پر ۳۰۰؍ کروڑ روپے سے زائد کا بزنس کر لیا ہے، اور ورون دھون کی ’’سنی سنسکاری کی تلسی کماری‘‘ جیسے بڑے پروجیکٹس کو پیچھے چھوڑ دیا ہے۔