کیارا اڈوانی اب مینا کماری کا کردار ادا کریں گی۔ یہ فلم مینا کماری اور ان کے شوہر کمال امروہی کے تعلقات پر مبنی ہوگی۔ شوٹنگ ۲۰۲۶ء میں شروع ہونے والی ہے۔ کیارا اس کردار کے لیے اردو کی تربیت بھی حاصل کریں گی۔ کمال امروہی کا کردار ادا کرنے کے لیے اداکار کی تلاش جاری ہے۔

کیارا اڈوانی اب مینا کماری کا کردار ادا کریں گی۔ یہ فلم مینا کماری اور ان کے شوہر کمال امروہی کے تعلقات پر مبنی ہوگی۔ شوٹنگ ۲۰۲۶ء میں شروع ہونے والی ہے۔ کیارا اس کردار کے لیے اردو کی تربیت بھی حاصل کریں گی۔ کمال امروہی کا کردار ادا کرنے کے لیے اداکار کی تلاش جاری ہے۔
کیارا اڈوانی اب ہدایتکار سدھارتھ پی ملہوترا کے اگلے پروجیکٹ فلم ’’کمال اور مینا‘‘ میں مینا کماری کا کردار ادا کریں گی۔ اس فلم میں مینا کماری اور ان کے شوہر فلمساز کمال امروہی کے درمیان مشکل تعلقات کو دکھایا جائے گا۔ کمال امروہی کو کلاسک فلم پاکیزہ  (۱۹۷۲ء) کے لیے جانا جاتا ہے۔ فلم کو بلال امروہی پروڈیوس کررہے ہیں۔ مہینوں کی قیاس آرائیوں کے بعد بالآخر خبر کی تصدیق ہوگئی ہے۔ اس سے قبل  کریتی سینن جیسے ناموں کا بھی چرچا تھا لیکن اب کیارا اڈوانی نے یہ اہم کردار حاصل کر لیا ہے۔
ایک ذرائع نے انکشاف کیا کہ یہ فیصلہ کئی ماہ کی بات چیت کے بعد کیا گیا ہے۔ ذرائع نے کہاکہ ’’بات چیت میں وقت لگا، لیکن سدھارتھ نے محسوس کیا کہ کیارا کے پاس  خوبصورتی اور جذباتی گہرائی ہے جو مینا کماری کو مستند طور پر پیش کرنے کے لیے درکار ہے۔ ‘‘ انہوں نے مزید کہاکہ ’’وہ ایک لازوال گہرائی  لاتی ہے جو فلم   کے لیے بہترین ہے۔’’کمال اور مینا‘‘ کئی طریقوں سے کیارا اڈوانی کے لیے خاص رہے گی۔ یہ ان کا پہلا بایوپک کردار ہوگا۔ جولائی میں ماں بننے کے بعد یہ ان کا پہلا پروجیکٹ بھی ہوگا۔ توقع ہے کہ ۲۰۲۶ء کے پہلے نصف میں شوٹنگ شروع ہو جائے گی، جس سے اسے تیاری کے لیے کافی وقت ملے گا۔ بتایا جاتا ہے کہ کیارا مشہور اداکارہ کو درست اور حساسیت کے ساتھ پیش کرنے کے لیے اردو کی تربیت بھی حاصل کریں گی۔فی الحال کمال امروہی کا کردار ادا کرنے کے لیے اداکار کی تلاش جاری ہے۔ پرانی بالی ووڈ اور کیارا کی بہت منتظر کارکردگی کے لیے پرانی یادوں کے ساتھ’’کمال اور مینا‘‘۲۰۲۶ء کی سب سے زیادہ منتظر فلموں میں سے ایک ہونے والی ہے۔
یامی گوتم نے فلم حق  کے انتخاب کی اصل وجہ بتائی
بالی ووڈ اداکارہ یامی گوتم دھر نے فلم حق  اور اپنی دیگر فلموں کے انتخاب کا اصل مقصد بیان کیا ہے۔ یامی گوتم ایک ایسی اداکارہ ہیں، جن کی فلموں کی فہرست ان کی شاندار اداکاری کی وسعت اور سوچ سمجھ کر منتخب کیے گئے کرداروں کو ظاہر کرتی ہے۔ انہوں نے کئی یادگار پرفارمنس دی ہیں، جن سے ناظرین، ناقدین اور فلمساز سبھی ان کے معترف ہیں۔ کئی کامیاب اور پسندیدہ فلموں کے بعد، یامی گوتم اب اپنی آنے والی فلم حق میں ایک اور زبردست اور جذباتی کردار کے لیے تیار ہیں، فلم میں وہ شاہ بانو کا کردار ادا کر رہی ہیں۔ 

یہ بھی پڑھئے:’’کنگ‘‘ ٹیزر: شاہ رخ کے لباس موضوع بحث، حقیقت عیاں ہوئی کہ بریڈ پٹ نے نقل کی ہے

کہانی سپریم کورٹ کے مشہور مقدمے محمد احمد خان بنام شاہ بانو بیگم سے متعلق ہے۔ یامی گوتم نے کہا کہ  حق  کا مقصد بحث چھیڑنا نہیں، بلکہ ایک مکالمہ شروع کرنا ہے، تاکہ ناظرین کو ایسا سنیما ملے جو ان کے دل کو چھو جائے۔ فلم حق کی اسکرپٹ کے انتخاب کے بارے میں یامی گوتم نے کہا کہ ہمارا مقصد کسی بحث کو شروع کرنا نہیں، بلکہ بات چیت کو آگے بڑھانا ہے۔میری نیت صرف ایک پروجیکٹ بنانے کی نہیں، بلکہ ایک سچی اور دل سے نکلی ہوئی فلم میں کرنے کی ہے ۔  `ہم وہی دکھانا چاہتے ہیں، جس پر ہم سچے دل سے یقین رکھتے ہیں، تاکہ ناظرین دوبارہ تھیٹر میں آئیں اور انہیں محسوس ہو کہ ان کا وقت اور پیسہ دونوں ہی صحیح جگہ خرچ ہوئے ہیں۔