ابوظہبی کے محکمہ ثقافت و سیاحت نے تصدیق کی ہے کہ فضائی حدود کی بندش کے باعث متحدہ عرب امارات میں پھنسے مسافروں اور سیاحوں کی رہائش کے اخراجات ریاست برداشت کرے گی۔ ہزاروں متاثرہ مسافروں کے لیے کھانے، عارضی قیام اور ری بکنگ کے انتظامات بھی کیے گئے ہیں۔

ابو ظہبی کے ڈپارٹمنٹ آف کلچر اینڈ ٹورزم نے ہوٹلوں کو جاری سرکیولر میں ہدایت دی کہ وہ ایسے مہمانوں کے قیام میں توسیع کریں جو اپنی چیک آؤٹ تاریخ پر پہنچ چکے ہیں مگر غیر متوقع حالات کے باعث سفر نہیں کر سکتے۔ اس میں کہا گیا ہے کہ ’’موجودہ حالات کی روشنی میں، ہم درخواست کرتے ہیں کہ مہمانوں کے قیام کو اس وقت تک بڑھایا جائے جب تک وہ روانہ ہونے کے قابل نہ ہوں۔‘‘ 

Dubai Airports confirms that all flight operations at Dubai International (DXB) and Dubai World Central – Al Maktoum International (DWC) are suspended until further notice.

Passengers are advised not to travel to the airport at this time and to contact their respective airlines…

— Dubai Media Office (@DXBMediaOffice) February 28, 2026

جنرل سول ایوی ایشن اتھاریٹی نے اعلان کیا کہ ریاست متاثرہ مسافروں کے تمام میزبانی اور رہائش کے اخراجات برداشت کر رہی ہے۔ امریکہ اور اسرائیل کی شروع کی گئی جنگ کے جواب میں ایرانی میزائل حملوں اور خطے میں کشیدگی کے باعث یو اے ای کی ایئر لائنز نے پیر تک پروازوں کی معطلی میں توسیع کر دی ہے۔ ہفتے کی سہ پہر ہوائی اڈے بند کیے گئے تھے جب امریکہ اور اسرائیل کے ایران پر حملوں کے بعد جوابی کارروائی میں میزائل خطے کے اوپر سے گزرے۔

یہ بھی پڑھئے: امریکی ٹھکانوں پرایرانی حملوں کے سبب مشرق وسطیٰ میں فضائی خدمات متاثر

۲۰؍ ہزار سے زائد مسافر متاثر

سرکاری بیان کے مطابق تقریباً ۲۰؍ ہزار مسافروں کی پروازیں متاثر ہوئیں۔ متاثرین کے لیے عارضی رہائش، کھانے اور ریفریشمنٹ اور ری بکنگ کی سہولتفراہم کی گئی ہے تاکہ آپریشنل ایڈجسٹمنٹ کے دوران بنیادی خدمات جاری رہیں۔

نجی شعبے کی پیش قدمی

حکومتی اقدامات کے ساتھ ساتھ نجی کمپنیاں بھی آگے آئیں۔ عربین بی این بی ہومز نے سوشل میڈیا پر اعلان کیا کہ ’’اگر آپ آج رات دبئی میں پھنسے ہوئے ہیں تو ہم اپنے کچھ اپارٹمنٹس مفت کھول رہے ہیں۔‘‘ کمپنی کے شریک بانی ہریشن راہیجا کے مطابق ابتدائی طور پر چھ سے سات خاندانوں کو براہ راست مدد دی گئی، اور مزید گنجائش موجود ہے۔ انسٹاگرام پوسٹ کو ۳۰؍ ہزار سے زائد لائکس ملے، جس کے بعد دیگر میزبانوں نے بھی اپنی جگہیں مفت فراہم کرنے کی پیشکش کی۔ اسی طرح دنوبے پراپرٹیز نے بھی اعلان کیا کہ وہ دبئی میں پھنسے افراد کو مفت رہائش فراہم کریں گے، خاص طور پر بچوں اور بزرگوں والے خاندانوں کو ترجیح دی جائے گی۔

یہ بھی پڑھئے: ایران کا دوٹوک اعلان: امریکہ سے مذاکرات نہیں، خطے میں کشیدگی بڑھ گئی

انسانی ہمدردی اور یقین دہانی

راہیجا نے کہا کہ ’’لوگوں کو صرف سر پر چھت نہیں چاہیے، انہیں یقین دہانی اور واضح معلومات کی ضرورت ہے کہ کوئی ان کا خیال رکھ رہا ہے۔‘‘ یو اے ای میں جاری کشیدگی کے باوجود حکام کا کہنا ہے کہ صورتحال پر نظر رکھی جا رہی ہے اور مسافروں کی حفاظت اولین ترجیح ہے۔