ٹی وی کی معروف اداکارہ ماہی وِج ان دنوں سلمان خان کی میزبانی والے ریئلیٹی شو ’’بگ باس ۲۰‘‘ میں شرکت کے باعث سرخیوں میں ہیں۔ شو میں ماہی کی انٹری سے ان کے مداح کافی پرجوش ہیں، تاہم ان کے گزشتہ ٹی وی شو ’’سحر ہونے کو ہے‘‘ سے الگ ہونے کے فیصلے کے تعلق سے بھی مختلف قیاس آرائیاں کی جا رہی تھیں۔

ٹی وی کی معروف اداکارہ ماہی وِج ان دنوں سلمان خان کی میزبانی والے ریئلیٹی شو ’’بگ باس ۲۰‘‘ میں شرکت کے باعث سرخیوں میں ہیں۔ شو میں ماہی کی انٹری سے ان کے مداح کافی پرجوش ہیں، تاہم ان کے گزشتہ ٹی وی شو ’’سحر ہونے کو ہے‘‘ سے الگ ہونے کے فیصلے کے تعلق سے  بھی مختلف قیاس آرائیاں کی جا رہی تھیں۔ یہ باتیں سامنے آ رہی تھیں کہ ماہی نے ’’بگ باس‘‘ کا حصہ بننے کے لیے اپنا پچھلا شو چھوڑا تھا۔
اب اداکارہ نے خود ان قیاس آرائیوں پر وضاحت دیتے ہوئے کہا ہے کہ ’’سحر ہونے کو ہے‘‘ چھوڑنے اور ’’بگ باس ۲۰‘‘ میں شامل ہونے کے دونوں فیصلوں کا آپس میں کوئی تعلق نہیں ہے۔ ماہی وج نے بتایا کہ انہوں نے’’سحر ہونے کو ہے‘‘ چھوڑنے کا فیصلہ بہت پہلے، جنوری میں ہی کرلیا تھا۔ تاہم شو سے باہر نکلنے کے عمل میں کافی وقت لگا۔ ماہی کے مطابق ان کا شو چھوڑنا کسی اچانک فیصلے کا نتیجہ نہیں تھا۔ انہوں نے کہا کہ شو کی تخلیقی ٹیم بھی انہیں اتنی جلدی رخصت کرنے کے لیے تیار نہیں تھی، جس کی وجہ سے شو سے باضابطہ طور پر الگ ہونے میں وقت لگا۔

یہ بھی پڑھئے:میکلمور کے’ ’فری فلسطین‘‘ مطالبے پر تنازع، ایڈ شیرن کے ٹور سے ہٹانے کی درخواست

ماہی وِج نے اعتراف کیا کہ اس وقت وہ خود بھی شو چھوڑنے کے لیے مکمل طور پر تیار نہیں تھیںکیونکہ ’’سحر ہونے کو ہے‘‘ ان کے دل کے بہت قریب تھا۔ اداکارہ نے بتایا کہ وہ اس شو سے جذباتی طور پر وابستہ تھیں، اس لیے اسے چھوڑنا ان کے لیے آسان نہیں تھا۔ تاہم انہوں نے واضح کیا کہ انہوں نے ’’بگ باس‘‘ میں انٹری کے لیے اپنا سابقہ شو نہیں چھوڑا۔  ان کے مطابق ’’بگ باس‘‘ کا آفر انہیں کافی بعد میں موصول ہوا تھا، جبکہ ’’سحر ہونے کو ہے‘‘ چھوڑنے کا فیصلہ وہ پہلے ہی کرچکی تھیں۔
ماہی نے کہا کہ ان کے پرانے شو سے الگ ہونے اور ’’بگ باس‘‘ میں شامل ہونے کے درمیان براہ راست تعلق قائم کرنا درست نہیں ہوگا۔ ان کے مطابق وہ پہلے ہی ’’سحر ہونے کو ہے‘‘ چھوڑنے کا فیصلہ لے چکی تھیں اور اس کے کافی بعد انہیں ’’بگ باس‘‘ کی پیشکش ہوئی۔ اس طرح اداکارہ نے ان تمام قیاس آرائیوں کو مسترد کردیا کہ انہوں نے سلمان خان کے شو میں شامل ہونے کے لیے اپنا ٹی وی سیریل چھوڑا تھا۔

یہ بھی پڑھئے:الٹیمیٹ فریسبی میں ہندوستان کی عالمی ٹاپ ۲۰؍ میں شمولیت

’’بگ باس ۲۰‘‘ کا حصہ بننے کے فیصلے کے بارے میں ماہی وِج نے کہا کہ زندگی میں وقتاً فوقتاً کچھ نیا آزمانا چاہیے۔ انہوں نے بتایا کہ انہیں ’’بگ باس‘‘ دیکھنا کافی پسند ہے، لیکن اس سے پہلے انہوں نے خود شو میں آنے کے بارے میں کبھی اتنی سنجیدگی سے نہیں سوچا تھا۔ماہی کے مطابق اس بار انہیں خود بھی سمجھ نہیں آیا کہ ایسا کیا ہوا کہ انہوں نے ’’بگ باس‘‘ کا حصہ بننے کے لیے ہاں کہہ دی۔ اداکارہ نے کہا کہ ہر کام کا ایک صحیح وقت ہوتا ہے اور شاید ان کے لیے ’بگ باس‘ کرنے کا وقت اب آیا ہے۔  اسی وجہ سے انہوں نے اس موقع کو قبول کرلیا۔ ماہی وِج نے ’’بگ باس‘‘ کے گھر میں اپنے سفر کو لے کر بھی جوش کا اظہار کیا۔ ان کا کہنا تھا کہ گھر کے اندر حالات مسلسل بدلتے رہتے ہیں اور فی الحال وہ خود بھی نہیں جانتیں کہ وہاں ان کی شخصیت کا کون سا پہلو سامنے آئے گا۔ انہوں نے کہا کہ ممکن ہے ’’بگ باس‘‘ کے گھر میں ناظرین کو ان کا ایسا انداز دیکھنے کو ملے جو انہوں نے پہلے کبھی نہیں دیکھا۔
ماہی وِج کی ’’بگ باس ۲۰‘‘ میں شرکت کے بعد اب ناظرین کی نظریں ان کے کھیل، رویے اور گھر کے دیگر شرکا کے ساتھ ان کے تعلقات پر مرکوز ہیں۔ اداکارہ کی جانب سے اپنے سابق شو اور ’’بگ باس‘‘ میں انٹری کے حوالے سے دی گئی وضاحت نے بھی ان کی شرکت کو مزید موضوعِ بحث بنا دیا ہے۔