ٹام کروز کی ’’مشن: امپاسبل ۸‘‘ (دی فائنل ریکننگ‘‘ کی او ٹی ٹی ریلیز کا اعلان کردیا گیا ہے۔ لیکن یاد رہے کہ دنیا کے مختلف تھیٹروں میں یہ فلم اب بھی دکھائی جارہی ہے۔

ہالی ووڈ کے معروف اداکار ٹام کروز کی ’’مشن: امپاسبل- دی فائنل ریکننگ‘‘ (مشن: امپاسبل ۸) سنیما گھروں میں کامیابی سے چلنے کے بعد اب او ٹی ٹی ریلیز کیلئے تیار ہے۔سوشل میڈیا پر مداحوں کی جانب سے درجنوں مرتبہ فلم کی او ٹی ٹی ریلیز کے متعلق سوال کیا گیا تھا۔ تاہم، پروڈیوسرز نے اس بارے میں کوئی معلومات فراہم نہیں کی تھی۔ حالیہ رپورٹس کے مطابق یہ فلم امیزون پرائم ویڈیو پر ۱۹؍ اگست کو ریلیز ہوگی۔

Around the world, you showed up. Now bring home #MissionImpossible - The Final Reckoning on Digital August 19 and see it in theatres today. pic.twitter.com/HfZhII1RHv

— Mission: Impossible (@MissionFilm) July 22, 2025

فلم کے ایکس اکاؤنٹ پر اعلان کیا گیا کہ ’’دنیا بھر میں آپ نے اس فلم کو محبت دی۔ اب اپنے گھروں میں بھی دیجئے۔ مشن امپاسبل ۸؍ ۱۹؍ اگست کو پرائم ویڈیو پر دیکھئے۔ اور سنیما گھروں میں ابھی دیکھئے۔‘‘ خیال رہے کہ دنیا کے مختلف سنیما گھروں میں یہ فلم اب بھی دکھائی جارہی ہے۔ کرسٹوفر میکویری کی ہدایتکاری میں بنی یہ فلم ’’روگ نیشن‘‘ (۲۰۱۵ء) کا چوتھا حصہ ہے۔ خبروں کے مطابق یہ فلم ’’مشن: امپاسبل‘‘ سیریز کا ۸؍ واں اور آخری حصہ ہے۔