شوہرسورج نامبیار سے طلاق کی خبروں کے درمیان مونِی رائے پہلی بار پاپارازی کے کیمروں میں قید ہوئیں۔ اس دوران مونِی نے فوٹوگرافرس کو کیوں نظر انداز کیا اور منہ موڑ کر وہاں سے کیوں روانہ ہوئیں؟

مونِی رائے اپنی ذاتی زندگی اور شوہر سورج نامبیار سے طلاق کی خبروں کے باعث مسلسل خبروں میں ہیں۔ کئی رپورٹس میں تو دونوں کے الگ رہنے کی خبریں بھی سامنے آ رہی ہیں۔ ان تمام خبروں کے درمیان مونِی رائے پہلی بار عوامی سطح  پر نظر آئیں۔ اس دوران اداکارہ  فوٹوگرافرس سے بچتی دکھائی دیں۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Instant Bollywood (@instantbollywood)

دوستوں کے ساتھ نظر آئیں مونِی
سوشل میڈیا پر وائرل ہونے والی ایک ویڈیو میں مونِی رائے گزشتہ رات پہلی بار طلاق کی خبروں کے درمیان میڈیا کے سامنے آئیں۔ اس دوران مونِی کو ممبئی کے ایک ریسٹورینٹ سے اپنے دوستوں کے ساتھ باہر نکلتے  ہوئے دیکھا گیا۔ مونِی اپنی دوست کو محفوظ طریقے سے گاڑی تک لے کر آئیں۔ اس پورے وقت اداکارہ پاپارازی اور کیمروں سے بچتی نظر آئیں۔ گاڑی میں بیٹھنے کے بعد بھی مونِی نے اپنا منہ دوسری طرف موڑ رکھا تھا۔ ان کے تاثرات سے بھی وہ کچھ پریشان دکھائی دے رہی تھیں۔ اداکارہ نے نہ تو فوٹوگرافرس کے سوالات کا جواب دیا اور نہ ہی کیمروں کے لیے پوز دینے کے لیے رکیں۔

یہ بھی پڑھئے:دلجیت دوسانجھ کی ’’میں واپس آؤں گا‘‘ کے ٹریلر کی ریلیز کی تاریخ سامنےآگئی

دونوں کی طلاق کی خبریں کیسے شروع ہوئیں؟
مونی رائے اور سورج نامبیار کے الگ ہونے کی خبریں اس ہفتے اُس وقت سرخیوں میں آئیں جب دونوں نے انسٹاگرام پر ایک دوسرے کو اَن فالو کر دیا۔ اس کے علاوہ دونوں نے اپنی شادی کی تصاویر بھی حذف کر دیں۔ بعد میں کئی میڈیا رپورٹس میں یہاں تک دعویٰ کیا گیا کہ دونوں کی طلاق ہو چکی ہے اور وہ الگ رہ رہے ہیں۔ رپورٹس میں یہ بھی کہا گیا کہ سورج نے شہرت حاصل کرنے کے لیے مونِی کو دھوکہ دیا۔

یہ بھی پڑھئے:ٹرمپ نے چینی صدر شی جن پنگ کو عظیم لیڈر قرار دیا

 مونِی کی جھوٹی خبریں نہ پھیلانے کی اپیل
طلاق کی خبروں کے درمیان مونِی رائے نے گزشتہ روز اپنے انسٹاگرام پر ایک اسٹوری شیئر کی۔ اس میں انہوں نے لوگوں سے جھوٹی خبریں نہ پھیلانے اور ان کی نجی زندگی کا احترام کرنے کی اپیل کی۔ ساتھ ہی انہوں نے لوگوں سے درخواست کی کہ انہیں اپنا اسپیس دیا جائے۔ البتہ مونِی نے یہ واضح نہیں کیا کہ آیا وہ اور سورج واقعی الگ ہو رہے ہیں یا ان کے درمیان سب کچھ ٹھیک ہے۔