ہر دلعزیز موسیقار سچن دیو برمن کی پیاری موسیقی آج بھی سامعین کو بے پناہ محظوظ کرتی ہے۔ ان کے جانے کےبعدبھی موسیقی شیدائیوں کے دل سے ایک ہی آواز آتی ہے’’ او جانے والے ہوسکے تو لوٹ کے آنا‘‘۔

ہر دلعزیز موسیقار سچن دیو برمن کی پیاری موسیقی آج بھی سامعین کو بے پناہ محظوظ کرتی ہے۔ ان کے جانے کےبعدبھی موسیقی شیدائیوں کے دل سے ایک ہی آواز آتی ہے’’ او جانے والے ہوسکے تو لوٹ کے آنا‘‘۔
 سچن دیو برمن کی پیدائش یکم اکتوبر۱۹۰۶ء کو تریپورہ کےشاہی گھرانے میں ہوئی۔ بچپن سے ہی سچن دیو برمن کارجحان موسیقی کی جانب تھا اور وہ اپنے والدسےشاستریہ سنگیت کی تعلیم لیا کرتے تھے۔اسی کے ساتھ انہوں نے استاد بادل خان اور بھیشم دیوچٹواپادھیائےسے بھی شاستریہ سنگیت کی تعلیم حاصل کی۔زندگی کے ابتدائی دور میں سچن نے ریڈیو شمال مشرق سے نشر ہونے والے لوک سنگیت کے پروگراموں میں کام کیا۔ ۱۹۳۰ءتک وہ لوک گائک کے طور پر اپنی شناخت بنا چکے تھے۔ بطور گلوکار انہوں نے ۱۹۳۳ء میں ریلیزفلم یہودی کی لڑکی میں گانے کاموقع ملا لیکن بعدمیں اس فلم سےان کے گائے ہوئے نغمہ کو ہٹا دیا گیا۔ انہوں نے۱۹۳۵ء میں ریلیز فلم سنجھور پدم میں بھی اپنی آوازدی لیکن وہ کچھ خاص کمال نہیں کرپائے۔
۱۹۴۴ءمیں موسیقاربننے کا خواب لئے سچن دیو ممبئی آگئےجہاں سب سے پہلے انہوں نے۱۹۴۶ءمیں فلمستان فلم ’’ایٹ ڈیز‘‘ میں بطور موسیقارکام کرنے کا موقع ملا لیکن اس فلم کے ذریعہ وہ کچھ خاص پہچان نہیں بناسکے۔ اس کے بعد۱۹۴۷ءمیں ان کے موسیقی سے سجی فلم دو بھائی کانغمہ’’میرا سندر سپنا بیت گیا‘‘ کےبعد وہ کچھ حدتک بطور موسیقار اپنی شناخت بنانے میں کامیاب ہوئے۔اس کے کچھ عرصہ بعدسچن دیو برمن کومایانگری ممبئی کی چکاچوند کچھ عجیب سی لگی اور وہ سب کچھ چھوڑ کر واپس کلکتہ چلےگئے۔ حالانکہ ان کی طبیعت وہاں بھی نہیں لگی او ر وہ اپنےآپ کو ممبئی جانے سے نہیں روک پائے۔ 
سچن دیو برمن نے تقریباً تین دہائیوں تک فلمی کریئرمیں تقریباً۹۰؍فلموں کے لئےموسیقی دی۔ ان کےفلمی سفر پر نظر ڈالنے پر پتہ چلتا ہے کہ فلم نوجوان کےگیت ٹھنڈی ہوا ئیں لہرا کے آئیں کےذریعہ لوگوں کے دلوں کو جیت لیا۔۱۹۵۱ءمیں ہی گرو دت کی پہلی فلم بازی کےنغمہ’’تدبیرسے بگڑی ہوئی تقدیر بنالے‘‘ میں ایس ڈی برمن اور ساحرکی جوڑی نےمداحوں کا دل جیت لیا۔
 ایس ڈی برمن کو بہترین موسیقات کا ۲؍ مرتبہ ایوارڈ دیاگیا۔ ایس ڈی برمن کو سب سے پہلے۱۹۵۴ءمیں ریلیز فلم ٹیکسی ڈرائیور کیلئے اور ۱۹۷۳ء میں فلم ابھیمان کیلئےبہترین موسیقارکا فلم فیئر ایوارڈ ا دیا گیا۔ندی فلمی دنیا کو اپنے بے مثال موسیقی سے شرابورکرنےوالے سچن دا ۳۱؍ اکتوبر۱۹۷۵ءکو اس دنیا سے الوداع کہہ گئے۔