مشہور گلوکار اریجیت سنگھ نے انکشاف کیا ہے کہ وہ اپنی زندگی میں پہلی بار ’’بگ باس‘‘ دیکھنے کا ارادہ رکھتے ہیں اور اس کی خاص وجہ قاضی توقیر ہیں۔ قاضی توقیر اس وقت ’’بگ باس ۲۰‘‘کے گھر میں بطور کنٹسٹنٹ موجود ہیں اور شو شروع ہونے کے چند ہی دنوں میں اپنی منفرد شخصیت، گانے اور دلچسپ حرکتوں کے باعث خاصی توجہ حاصل کرچکے ہیں۔

مشہور گلوکار اریجیت سنگھ  نے انکشاف کیا ہے کہ وہ اپنی زندگی میں پہلی بار ’’بگ باس‘‘ دیکھنے کا ارادہ رکھتے ہیں اور اس کی خاص وجہ  قاضی توقیر ہیں۔ قاضی توقیر اس وقت  ’’بگ باس ۲۰‘‘کے گھر میں بطور کنٹسٹنٹ موجود ہیں اور شو شروع ہونے کے چند ہی دنوں میں اپنی منفرد شخصیت، گانے اور دلچسپ حرکتوں کے باعث خاصی توجہ حاصل کرچکے ہیں۔ اریجیت نے سوشل میڈیا پر قاضی کی حمایت کرتے ہوئے لکھا، ’’مجھے اپنی زندگی میں پہلی بار بگ باس دیکھنا پڑے گا، کیونکہ اپنا راک اسٹار قاضی وہاں ہے۔‘‘ 
اریجیت سنگھ اور قاضی توقیر کی دوستی اور شناسائی کوئی نئی نہیں ہے۔ دونوں کی ملاقات تقریباً دو دہائیاں قبل ۲۰۰۵ءکے میوزک ریئلیٹی شو ’’فیم گروکل‘‘ (Fame Gurukul)  کے دوران ہوئی تھی۔ اسی شو سے دونوں نے ملک بھر میں شناخت حاصل کی تھی۔ قاضی توقیر نے اس مقابلے میں روپ ریکھا بنرجی کے ساتھ کامیابی حاصل کی تھی، جبکہ اریجیت بھی اس شو کا حصہ تھے۔ ’’بگ باس ۲۰‘‘میں داخل ہونے کے بعد قاضی توقیر مسلسل خبروں میں ہیں۔ ان کی شوخ اور پرجوش شخصیت نے ناظرین کی توجہ حاصل کی ہے۔ ان کا جملہ ’’I’m a Rockstar baby, aau!‘‘ بھی سوشل میڈیا پر خاصا مقبول ہوگیا ہے۔ شو میں ان کے گانے، دوسرے کنٹسٹنٹس کے ساتھ بحث و تکرار اور مختلف دلچسپ حرکات کے ویڈیوز سوشل میڈیا پر تیزی سے وائرل ہورہے ہیں۔ 

یہ بھی پڑھئے:’’مرزا پور: دی مووی‘‘ فرحان اختر اور رتیش سدھوانی کی تاریخ کی سب سے بڑی ہٹ بن گئی

حالیہ  قسط اور لائیو فیڈ سے سامنے آنے والی ویڈیوز میں قاضی نے اپنی زندگی سے متعلق کئی دلچسپ دعوے بھی کیے ہیں۔ ایک موقع پر انہوں نے بتایا کہ کشمیر میں انہوں نے اپنے گھر پر کافی کے لیے ایک خصوصی ’’کافی ٹینکی‘‘ بنوائی ہے، جبکہ ایک اور ویڈیو میں انہوں نے خود کو کمانڈو بتایا اور اپنی جسمانی صلاحیتوں کا ذکر کیا۔ ایک موقع پر انہوں نے گھر کے دیگر ارکان کو ڈرانے کے لیے ایسا تاثر بھی دیا کہ جیسے انہوں نے کوئی پراسرار چیز دیکھی ہو، جس سے گھر میں خوف کی کیفیت پیدا ہوگئی۔ قاضی توقیر اور اریجیت سنگھ نے ’’فیم گروکل‘‘ کے بعد بھی ایک دوسرے سے رابطہ برقرار رکھا۔ رواں سال مئی میں قاضی نے اریجیت سے ملاقات کی ایک جھلک بھی شیئر کی تھی، جس میں دونوں مغربی بنگال کے جیاآنج میں ایک ساتھ نظر آئے۔ قاضی نے اریجیت کی تعریف کرتے ہوئے انہیں بے حد مخلص، باصلاحیت اور جذبے سے بھرپور انسان قرار دیا تھا۔ 

یہ بھی پڑھئے:عمران طاہر کی خطرناک گیندبازی، گیانا امیزون نے سینٹ لوسیا کنگز کو شکست دی

قاضی توقیر تقریباً دو دہائیوں بعد دوبارہ ریئلیٹی ٹی وی پر نظر آرہے ہیں۔ ’’فیم گروکل‘‘ سے شہرت حاصل کرنے کے بعد انہوں نے گلوکاری اور پرفارمنس کے میدان میں کام کیا اور انہیں ’’افغان جلیبی‘‘ جیسے مقبول گانے سے بھی جوڑا جاتا ہے۔ اب ’’بگ باس ۲۰‘‘ میں ان کی شرکت نے ان کے پرانے مداحوں میں بھی خاصا جوش پیدا کردیا ہے۔ اریجیت سنگھ جیسے مقبول گلوکار کا پہلی بار  بگ باس  دیکھنے کا اعلان کرنا اس بات کی واضح مثال ہے کہ قاضی توقیر کی شو میں موجودگی نے ان کے پرانے ساتھیوں اور مداحوں کی توجہ بھی اپنی جانب کھینچ لی ہے۔ اب دیکھنا یہ ہوگا کہ قاضی کا ’’راک اسٹار‘‘ انداز بگ باس کے گھر میں انہیں کہاں تک لے جاتا ہے اور آنے والے دنوں میں ان کی شخصیت شو کی کہانی کو کس طرح مزید دلچسپ بناتی ہے۔